କନକ ବ୍ୟୁରୋ : ଶସ୍ତା ହେଲା ଇଲିସି । କିଲୋ ପ୍ରତି ୭ ଶହରୁ ୨ ହଜାର ଟଙ୍କା ପର୍ଯ୍ୟନ୍ତ ଦାମରେ ଇଲିସି ମାଛ ବିକ୍ରି ହେଉଥିବା ବେଳେ ଏବେ ଯୋଡା ୧୨୦ ଟଙ୍କାରୁ ୪ ଶହ ଟଙ୍କା ମଧ୍ୟରେ ବିକ୍ରି ହେଉଛି । ଇଲିସି ମାଛ ଶସ୍ତା ହେବା ପରେ ପାରାଦୀପ ଅଠରବାଙ୍କି ବାଲିପ୍ଲଟରେ ଲୋକଙ୍କ ଭିଡ ଜମିଛି । ଗତ ଦୁଇ ଦିନ ହେବ ପାରାଦୀପ ମୁହାଣରେ ମତ୍ସଜୀବୀ ମାନେ ପ୍ରଚୁର ପରିମାଣରେ ଇଲିସି ମାଛ ମାରୁଥିବାରୁ ଏବେ ଅଠରବାଙ୍କୀ ବାଲିପ୍ଲଟରେ ପ୍ରବଳ ଇଲିସି ମାଛ ବିକ୍ରି ହେଉଥିବାର ଦେଖିବାକୁ ମିଳିଛି । ବିଭିନ୍ନ ଶିଳ୍ପ କାରଖାନାରା ପ୍ରଦୂଷଣ ଯୋଗୁଁ ୬ରୁ ୭ ବର୍ଷ ହେଲାଣି ଇଲିସି ଆମଦାନୀ କମ ଥିବାରୁ ମୂଲ୍ୟ ବୃଦ୍ଧି ପାଉଥିଲା । ଗତ ବର୍ଷ ମଧ୍ୟ ଏହି ପରି ଇଲିସି ଶସ୍ତା ହେବାରୁ ପାରାଦୀପ ତଥା ରାଜ୍ୟ ବିଭିନ୍ନ ସ୍ଥାନରୁ ଲୋକେ ଆସି ଇଲିସି କିଣିଥିବାରୁ ଦେଖିବାକୁ ମିଳିଥିଲା ।
Kanak News is now on WhatsApp
Join and get latest news updates delivered to you via WhatsApp
ଇଲିସି ମାଛର ସ୍ୱାଦ, ଅନ୍ୟ ମାଛଠାରୁ ସଂପୂର୍ଣ୍ଣ ଭିନ୍ନ ହୋଇଥିବାରୁ ଏହାକୁ ନେଇ ଲୋକଙ୍କ ମଧ୍ୟରେ ପ୍ରବଳ ଦୁର୍ବଳତା ଥାଏ । ଯେଉଁ ମାଛକୁ କିଛି ଦିନ ପୂର୍ବରୁ ଲୋକ ହଜାରେ ଟଙ୍କାରୁ ୭ ଶହରୁ ୨ ହଜାର ଟଙ୍କା ଦେଇ କିଣୁିଥିଲେ ତାହା ଏବେ ଯୋଡ଼ା ପିଛା ୧୨୦ ଟଙ୍କାରେ ବିକ୍ରି ହେଉଛି । ତେବେ ଇଲିସି ମାଛର ଦର କମ ରହିଥିବାରୁ ଧନୀ ଓ ଗରିବ ସମସ୍ତେ ଏହି ମାଛ କିଣି ପାରୁଛନ୍ତି । ଇଲିସିର ଦାମ ସବୁବେଳେ ଅଧିକ ଥିବାରୁ ଲୋକେ କିଣି ଖାଇପାରନ୍ତି ନାହିଁ । ଏବେ ଦାମ୍ କମ ହୋଇଥିବାରୁ ମାଛ ଦୋକାନ ଆଗରେ ଭିଡ଼ ଦେଖିବା ପାଇଁ ମିଳୁଛି । ବର୍ଷା ପାଗରେ ସୁଆଦିଆ ମାଛ ଶସ୍ତାରେ ମିଳୁଥିବାରୁ ଗ୍ରାହକଙ୍କ ମଧ୍ୟରେ ବେଶ ଉତ୍ସାହ ଦେଖିବାକୁ ମିଳୁଛି ।