ବୌଦ୍ଧ ଜିଲ୍ଲାରେ ବେଆଇନ ଗଂଜେଇ କାରବାର ପଛରେ ବନ ବିଭାଗ ଅଧିକାରୀଙ୍କ ହାତ ଅଭିଯୋଗ ! ମାଫିଆଙ୍କ ସହ ଡିଲ୍ କରୁଛନ୍ତି କଂଟାମାଳ ରେଂଜର
କନକ ବ୍ୟୁରୋ: ଗଂଜେଇ ଚାଷ ଓ ଚୋରାଚାଲାଣ ରୋକିବା ପାଇଁ ଅବକାରୀ, ପୋଲିସ ଓ ବନ ବିଭାଗ ବାରମ୍ବାର ଉଦ୍ୟମ କରୁଛନ୍ତି । କିନ୍ତୁ ଏବେ ବି ଏହା ସଂପୂର୍ଣ୍ଣ ବନ୍ଦ ହୋଇପାରୁନି ।
Kanak News is now on WhatsApp
Join and get latest news updates delivered to you via WhatsApp
ସୂଚନା ଅନୁସାରେ, କଂଟାମାଳ ରେଂଜ ଅଧିକାରୀ ରବିନାରାୟଣ ସାହୁ ଗଂଜେଇ ମାଫିଆଙ୍କ ସହ କିପରି ଡିଲ୍ କରି ଏହି ବେଆଇନ ଚାଷକୁ ପ୍ରୋତ୍ସାହନ ଦେଉଛନ୍ତି ତାହା ସ୍ପଷ୍ଟ ଜଣାପଡୁଛି । ମାତାକୁପା ଜଙ୍ଗଲରେ ବେଆଇନ ଭାବେ ଗଂଜେଇ ଅମଳ କରି ପ୍ୟାକିଂ କରୁଥିବା ବେଳେ ପଂହିଚିଥିଲେ ରେଂଜର ରବି ନାରାୟଣ ସାହୁ । ଏହା ପରେ ଗଂଜେଇ ନେଇ ଡିଲ୍ ଚାଲିଥିଲା ।
୩୫ ହଜାରରୁ ଆରମ୍ଭ ହୋଇଥିବା ଡିଲ୍ ୨୦ ହଜାର ଟଙ୍କାରେ ଫାଇନାଲ ହୋଇଥିଲା । ଗଂଜେଇ ମାଫିଆଙ୍କୁ ଭୟ ଦେଖାଇ ସେ ଡିଲ୍ କରୁଥିବା ଏହି ଭିଡିଓ ସ୍ପଷ୍ଟ ହେଉଛି । ତେବେ ଏହି ଭିଡିଓ ହିଁ ବୟାନ କରୁଛି ବୌଦ୍ଧ ଜିଲ୍ଲାରେ କିପରି ବନ ବିଭାଗର ଅଧ୍କାରୀଙ୍କ ପ୍ରତ୍ୟକ୍ଷ ସହାୟତାରେ ଚାଲିଛି ବେଆଇନ ଗଂଜେଇ ଚାଷ ।