ସାମ୍ନାକୁ ଆସିଲା ରାଜଧାନୀରେ ଟେଣ୍ଡର ପାଇଁ ମାଫିଆ ରାଜ୍ : ଧମକ୍ ସତ୍ୱେ ଟେଣ୍ଡର ପକାଇବାରୁ ହଣା ଖାଇଲେ ଠିକାଦାର
ଭୁବନେଶ୍ୱର ବ୍ୟୁରୋ, କନକ ନ୍ୟୁଜ୍ : ସାମ୍ନାକୁ ଆସିଲା ରାଜଧାନୀରେ ଟେଣ୍ଡର ପାଇଁ ମାଫିଆ ରାଜ୍ । ଧମକ୍ ସତ୍ୱେ ଟେଣ୍ଡର ପକାଇବାରୁ ହଣା ଖାଇଲେ ଠିକାଦାର । ୪ କୋଟିର ଟେଣ୍ଡର ପାଇଁ ଠିକାଦାରଙ୍କୁ ଖଣ୍ଡାରେ ଆକ୍ରମଣ ହୋଇଛି । ଏଥିରେ ଗୁରୁତର ଆହତ ହୋଇଛନ୍ତି କଂଟ୍ରାକ୍ଟର ନଳିନୀକାନ୍ତ ସ୍ୱାଇଁ ।
Kanak News is now on WhatsApp
Join and get latest news updates delivered to you via WhatsApp
ନଳିନୀ ଥାନାରେ କରିଥିବା ଅଭିଯୋଗ ଅନୁସାରେ ତାଙ୍କୁ ଲଲାଟ କେଶରୀ ଜେନା ନାମକ ଜଣେ କଂଟ୍ରାକ୍ଟର ଏକ ଧାରୁଆ ଅସ୍ତ୍ରରେ ଆକ୍ରମଣ କରିଛନ୍ତି । ରାଜଧାନୀରେ ଥିବା କଳିଙ୍ଗ ଷ୍ଟାଡିୟମ ପାଇଁ ୪ କୋଟିର ଟେଣ୍ଡର କାମ ବାହାରିଥିଲା । ୪ କୋଟି ଟଙ୍କାର କାମ ପାଇଁ ଟେଣ୍ଡର ପକାଇବା ପ୍ରକ୍ରିୟା ଆରମ୍ଭ ହୋଇଥିଲା । ଟେଣ୍ଡର ପ୍ରକ୍ରିୟାରେ ଗୋଟି ପଟେ ନଳିନୀ ଓ ଅନ୍ୟପଟରେ ଲଲାଟକେଶରୀ ଆବେଦନ କରିଥିଲେ । ହେଲେ ଲଲାଟ ଚାହୁଁଥିବା ଏହି ଟେଣ୍ଡର ବିରୋଧରେ ନଳିନୀ ହସ୍ତକ୍ଷେପ କରିବାରୁ ଇଡକୋ ଅଫିସ ଭିତରେ ଲଲାଟ, ନଳିନୀଙ୍କୁ ମରଣାନ୍ତକ ଆକ୍ରମଣ କରିଥିଲେ ।
ଥାନାରେ ଏତାଲା ପରେ, କଂଟ୍ରାକ୍ଟର ଲଲାଟ କେଶରୀ ଜେନା ଓ ତାଙ୍କର କିଛି ସହେଯାଗୀଙ୍କୁ ସହିଦନଗର ଥାନା ପୁଲିସ ଅଟକ ରଖି ପଚରା ଉଚରା କରୁଛି । ପୁରା ଘଟଣାକ୍ରମ ଜାଣିବା ପାଇଁ ପୁଲିସ ଇଡକୋ ଅଫିସରେ ପଂହଚି ପଚରା ଉଚରା ଆରମ୍ଭ କରିଛି ।