ପଂଜାବ ନ୍ୟାସନାଲ ବ୍ୟାଙ୍କ ଘୋଟାଲା ମାମଲା । ଚନ୍ଦା କୋଚର ଓ ଶିଖା ବର୍ମାଙ୍କ ସମେତ ପିଏନବିକୁ ସମନ ଜାରି
କନକ ବ୍ୟୁରୋ : ପଂଜାବ ନ୍ୟାସନାଲ ବ୍ୟାଙ୍କ ଘୋଟାଲା ମାମଲାରେ ନୂଆ କାର୍ଯ୍ୟାନୁଷ୍ଠାନ ନେଇଛି ତଦନ୍ତକାରୀ ସଂସ୍ଥା । ଆଇସିଆଇସି ବ୍ୟାଙ୍କ ସିଇଓ ଚନ୍ଦା କୋଚର ଓ ଆକ୍ସିସ ବ୍ୟାଙ୍କ ସିଇଓ ଶିଖା ବର୍ମାଙ୍କୁ ସମନ ଜାରି କରାଯାଇଛି । ସିରିୟସ ଫ୍ରଡ ଇନଭେଷ୍ଟିଗେସନ ଅଫିସ ବା ଏସଏଫଆଇଓ ତରଫରୁ ଏହି ସମନ ଜାରି କରାଯାଇଛି ।
Kanak News is now on WhatsApp
Join and get latest news updates delivered to you via WhatsApp
ଅଭିଯୋଗ ରହିଛି ଯେ ପାଖାପାଖି ୩୧ଟି ବ୍ୟାଙ୍କ ମେହୁଲ ଚୋକସୀଙ୍କ ଗୀତାଂଜଳି ଗ୍ରୁପକୁ ପ୍ରାୟ ୫ହଜାର ୨ଶହ ୮୦ କୋଟି ଟଙ୍କାର ଋଣ ଦେଇଥିଲେ । ତେବେ ଏଥିରେ କେବଳ ଆଇସିଆଇସି ବ୍ୟାଙ୍କ ପାଖାପାଖି ୪ଶହ ୫କୋଟି ଟଙ୍କା ଓ ଆକ୍ସିସ ବ୍ୟାଙ୍କ ବଡ ଆକାରର ଋଣ ପ୍ରଦାନ କରିଥିଲା ।
ତେବେ ଉଭୟ ଚନ୍ଦା କୋଚର ଓ ଶିଖା ବର୍ମାଙ୍କୁ ଆଜି ପଚରାଉଚରା କରାଯିବ ବୋଲି ସୂଚନା ରହିଛି । ଋଣ ବାବଦରେ ଉଭୟଙ୍କୁ ପଚରାଉଚରା କରାଯିବ ବୋଲି ଏସଏଫଆଇଓ ପକ୍ଷରୁ କୁହାଯାଇଛି । ଚନ୍ଦା କୋଚର ଓ ଶିଖା ବର୍ମାଙ୍କ ବ୍ୟତୀତ ପିଏନବିକୁ ମଧ୍ୟ ସମନ ଜାରି କରାଯାଇଛି ।