କନକ ବ୍ୟୁରୋ: ଟିମ୍ ଇଣ୍ଡିଆର ମଧ୍ୟକ୍ରମ ବ୍ୟାଟ୍ସମ୍ୟାନ ତଥା ଅଲରାଉଣ୍ଡର ହାର୍ଦ୍ଦିକ ପାଣ୍ଡ୍ୟା ପୁଣି ଥରେ ଚର୍ଚ୍ଚାରେ । ଅଷ୍ଟ୍ରେଲିଆ ବିପକ୍ଷରେ ବ୍ୟାଟିଂ ପଦୋନ୍ନତି ପାଇ ୪ ନମ୍ବରରେ ଆସିଥିବା ପାଣ୍ଡ୍ୟା ୨୫ ବଲରୁ ଦ୍ରୁତ ୪୮ ରନ୍ କରି ଭାରତକୁ ବଡ଼ ସ୍କୋର ଦବାରେ ବେଶ ସହାୟକ ହୋଇଥିଲେ । ହେଲେ ବିରାଟ କୋହଲିଙ୍କ ସହ କ୍ରିଜରେ ଥିଲା ବେଳେ କ୍ୟାପେଟନ କୋହଲିଙ୍କ କିଛି କଥା ଶୁଣିନଥିଲେ ହାର୍ଦ୍ଦିକ । ଆଉ ଏ କଥାକୁ ବେଶ ସକରାତ୍ମକ ଢଙ୍ଗରେ ଖୁଲାସା କରିଛନ୍ତି ବିରାଟ କୋହଲି । ରୋହିତ ଶର୍ମାଙ୍କ ୱିକେଟ ପଡ଼ିବା ପରେ ପଡ଼ିଆକୁ ଓହ୍ଲାଇଥିବା କୋହଲି ବେଶ ରକ୍ଷଣାତ୍ମକ ଭଙ୍ଗୀରେ ବ୍ୟାଟିଂ କରୁଥିଲେ । ପରେ ଶିଖର ଧାୱନ ଆଉଟ ହେବା ପରେ କୋହଲିଙ୍କ ସହ ଯୋଗ ଦେଇଥିବା ହାର୍ଦ୍ଦିକ ପାଣ୍ଡ୍ୟା ଆରମ୍ଭରୁ ହିଁ ବଡ଼ ସର୍ଟ ଖେଳିବା ଆରମ୍ଭ କରି ଦେଇଥିଲେ ।
Kanak News is now on WhatsApp
Join and get latest news updates delivered to you via WhatsApp
କିନ୍ତୁ ଅର୍ଦ୍ଧଶତକ ହାସଲ ପରେ କୋହଲି ନିଜେ ଅଧିକ ବିସ୍ଫୋରକ ବ୍ୟାଟିଂ କରିବା ପାଇଁ ମନ ବଳାଇ ପାଣ୍ଡ୍ୟାଙ୍କୁ ଟିକେ ଜଗି ରଖି ଖେଳିବା ପାଇଁ କଥା ହୋଇଥିଲେ । ହେଲେ ପାଣ୍ଡ୍ୟା ସିଧାସିଧା ଶୁଣେଇ ଦେଇଥିଲେ ଯେ କିଛି ସୁଯୋଗ ମିଳିଲେ ବା ଖରାପ ବଲ ଆସିଲେ ପ୍ରହାର କରିବାକୁ ଛାଡ଼ିବେ ନାହିଁ । ଏକଥା ଶୁଣିବା ପରେ କୋହଲି ପୁଣି ଥରେ ମନ ପରିବର୍ତନ କରି ଏକ ଦୁଇ ରନ୍ ନେବା ଉପରେ ଅଧିକ ଫୋକସ୍ କରିଥିଲେ । କୋହଲି ଏହି ମ୍ୟାଚରେ ୭୭ ବଲରୁ ୮୨ ରନ୍ କରି ଆଉଟ୍ ହୋଇଥିଲେ ।