କନକ ବ୍ୟୁରୋ : ମୁଖ୍ୟମନ୍ତ୍ରୀଙ୍କୁ ଭେଟିଲେ ଆଇଏଏସ ଓ ଓଏଏସ ସଂଘ । ପାଣ୍ଡିଆନଙ୍କ ବାସଭବନ ଉପରେ ଆକ୍ରମଣ ଘଟଣାରେ ମୁଖ୍ୟମନ୍ତ୍ରୀଙ୍କୁ ଭେଟିଛନ୍ତି ଆଇଏଏସ, ଓଏଏସ ସଂଘ ଓ ଅଣ ଗେଜେଟେଡ୍ ସମନ୍ୱୟ ସରକାରୀ ସଂଘ । ପାଣ୍ଡିଆନ ଘର ଉପରେ ଯେଭଳି ଆକ୍ରମଣ କରାଗଲା ତାକୁ ନିନ୍ଦା କରିଛନ୍ତି । ଏହାସହ ଆକ୍ରମଣକାରୀଙ୍କ ବିରୋଧରେ ଦୃଢ କାର୍ଯ୍ୟାନୁଷ୍ଠାନ ଦାବି କରିଛନ୍ତି । ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ପାଣ୍ଡିଆନଙ୍କ ଘର ଉପରକୁ ଆକ୍ରମଣ ଘଟଣାରେ ପ୍ରତିକ୍ରିୟା ରଖିଛନ୍ତି । ସାରା ରାଜ୍ୟର ବହୁ ସଂଘ ଏନେଇ ଅଭିଯୋଗ କରିଛନ୍ତି । ଆକ୍ରମଣକାରୀଙ୍କ ବିରୋଧରେ ଉପଯୁକ୍ତ କାର୍ଯ୍ୟାନୁଷ୍ଠାନ ନିଆଯିବ ବୋଲି ମୁଖ୍ୟମନ୍ତ୍ରୀ କହିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ସୂଚନାଯୋଗ୍ୟ ଦୁଇ ଦିନ ପୂର୍ବରୁ ମୁଖ୍ୟମନ୍ତ୍ରୀଙ୍କ ବ୍ୟକ୍ତିଗତ ସଚିବ ଭି.କେ. ପାଣ୍ଡିଆନଙ୍କ ସରକାରୀ ବାସଭବନକୁ ଧସେଇ ପଶି ଭଙ୍ଗାରୁଜା ଓ ଗୋବର ମାଡ଼ କରିବା ସହ ବିଜେପି ପତାକା ଉଡାଇ କର୍ମୀମାନେ ଦେଇଥିଲେ ପାଣ୍ଡିଆନ୍ ହାୟ ହାୟ ନାରାବାଜି । ଏହି ଘଟଣାକୁ ନେଇ ଦିନ ତମାମ ଚାଲିଥିଲା ଛକାପଂଝା । ବିଜେଡି-ବିଜେପି ମଧ୍ୟରେ ଜୋରଦାର ଟକ୍କର ଚାଲିଥିଲା । ନେତାଙ୍କୁ ଛାଡି ଅଫିସରଂକୁ ଘେରିବା ରାଜ୍ୟ ରାଜନୀତିକୁ ହଲଚଲ କରିଦେଇଥିଲ । ତେବେ ଏନେଇ ଗତକାଲି ପାଣ୍ଡିଆନଙ୍କ ସପକ୍ଷରେ ଏକାଠି ହୋଇଥିଲେ ଆଇଏଏସ ସଂଘ । ଓଡ଼ିଶା କ୍ୟାଡରର ଅଧିକାଂଶ ଆଇଏଏସ ଅଧିକାରୀ, ବୈଠକରେ ବସି ପାଣ୍ଡିଆନଙ୍କ ଘର ଉପରେ ଆକ୍ରମଣ ଘଟଣାକୁ ନିନ୍ଦା କରିଥିଲେ । ଦୋଷୀଙ୍କ ବିରୋଧରେ କଡ଼ା କାର୍ୟ୍ୟାନୁଷ୍ଠାନ ପାଇଁ ଦାବି କରାଯାଇଥିଲା ।