କନକ ବ୍ୟୁରୋ : ଏସିଆନ୍ ଆଥେଲେଟ ମିଟର ଦିନକ ଆଗରୁ ବଢିଛି ଧାବିକା ଦୂତୀ ଚାନ୍ଦଙ୍କ ଅଡୁଆ । ଅନ୍ତରାଷ୍ଟ୍ରୀୟ ଆଥେଲେଟିକ୍ସ ଫେଡେରେସନ – ଆଇଏଏଏଫ୍ ତାଙ୍କ ବିରୋଧରେ ଥିବା ଆଣ୍ଡ୍ରୋଜେନ୍ ବିବାଦକୁ ପୁଣି ଆରମ୍ଭ କରିଛି । ଏନେଇ ତଥ୍ୟ ପ୍ରମାଣ ଦେବ ବୋଲି ଫେଡେରେସନ କହିଛି । ୨୦୧୫ ଜୁଲାଇ ୨୭ ତାରିଖରେ ୨ ବର୍ଷ ପାଇଁ ଦୂତୀ ଚାନ୍ଦଙ୍କୁ ବାସନ୍ଦ କରାଯାଇଥିଲା ।
Kanak News is now on WhatsApp
Join and get latest news updates delivered to you via WhatsApp
ସେପଟେ ଏନେଇ ଦୂତୀ କରିଥିବା ଆବେଦନକୁ ଗ୍ରହଣ କରି ଚୂଡାନ୍ତ ରାୟ ଆସିବା ଯାଏଁ ସେ ଖେଳି ପାରିବେ ବୋଲି ମଧ୍ୟବର୍ତୀ ରାୟ କରିଥିଲେ ଅନ୍ତର୍ଜାତୀୟ କୋର୍ଟ । ତାଙ୍କ ଦେହରେ ପୁରୁଷ ହରମୋନ ଅଧିକ ଥିବା ନେଇ ଜଣାପଡିବା ପରେ ଏନେଇ ବିଚାର ଚାଲିଛି । ଭାରତ ଏବଂ ବିଦେଶୀ ମାନବାଧିକାର କର୍ମୀ ଏହାକୁ ଲିଂଗଗତ ମାମଲା ବୋଲି କହିଛନ୍ତି ।