ପ୍ରତିବର୍ଷ ୫ଦିନିଆ ବନବାସରେ ଯାଉଥିଲେ ନରେନ୍ଦ୍ର ମୋଦି ! ଆତ୍ମଚିନ୍ତନରେ ବିତାଉଥିଲେ ସମୟ, ଶୁଦ୍ଧ ପାଣି ଓ ନିର୍ଜନ ସ୍ଥାନରେ କରୁଥିଲେ ତପସ୍ୟା
ଏକ ଫେସବୁକ ପେଜକୁ ସାକ୍ଷାତକାର ଦେଇ କହିଲେ ପ୍ରଧାନମନ୍ତ୍ରୀ
କନକ ବ୍ୟୁରୋ: ନିଜର ଜୀବନଶୈଳୀ ନେଇ ସବୁବେଳେ ଚର୍ଚ୍ଚାରେ ରହିଆସିଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି । କିନ୍ତୁ ଏବେ ଏ ନେଇ ଆଉ ଏକ ଖୁଲାସା କରିଛନ୍ତି ମୋଦି । ସେ କହିଛନ୍ତି, ସେ ପ୍ରତିବର୍ଷ ୫ ଦିନ ପାଇଁ ବନବାସରେ ଯାଉଥିଲେ । ଫେସବୁକ ଫେଜ୍ ଦି ହ୍ୟୁମାନସ ଅଫ ବମ୍ବେକୁ ସାକ୍ଷାତକାର ଦେଇ ପ୍ରଧାନମନ୍ତ୍ରୀ କହିଛନ୍ତି, ଆତ୍ମଚିନ୍ତନ ପାଇଁ ପାଇଁ ସେ ୫ଦିନ ବନବାସରେ ଯାଉଥିଲେ । ପ୍ରତ୍ୟେକବର୍ଷ ଦିପାବଳୀ ସମୟରେ ସେ ଏହି ବନବାସ କରୁଥିଲେ । ଯେଉଁଠି କେବଳ ଶୁଦ୍ଧ ପାଣି ଥିବ ଓ କେହି ଲୋକ ନଥିବେ ସେଭଳି ଅଂଚଳରେ ୫ ଦିନ କଟୁଥିଲା ଜୀବନ ।
Kanak News is now on WhatsApp
Join and get latest news updates delivered to you via WhatsApp
ବ୍ୟସ୍ତବହୁଳ ଜୀବନରେ କିଛି ସମୟ ସମୟ ବାହାର କରି ଆତ୍ମଚିନ୍ତନ କରିବାକୁ ବି ପ୍ରଧାନମନ୍ତ୍ରୀ ଯୁବପୀଢିକୁ ପରାମର୍ଶ ଦେଇଛନ୍ତି । ଏହାଦ୍ୱାରା ଜୀବନକୁ ଭଲଭାବେ ବୁଝିହେବ ଓ ଆତ୍ମବିଶ୍ୱାସ ଆସିପାରିବ । ଫେଜବୁକ ପେଜକୁ ଦେଇଥିବା ସାକ୍ଷାତକାରରେ ମୋଦି ଆହୁରି କହିଛନ୍ତି, ସେ କିଭଳି ଆରଏସଏସ ପ୍ରତି ଆକୃଷ୍ଣ ହେଉଥିଲେ ଓ ମାତ୍ର ୧୭ ବର୍ଷ ସମୟରେ ହିମାଳୟ ଯାଇଥିଲେ ।
ଆରଏସଏସରେ ଥିବାବେଳେ ସେ ବହୁତ ଲୋକଙ୍କ ସହ ବାର୍ତାଳାପ କରିବାର ସୁଯୋଗ ପାଇଥିଲେ । ଆରଏସଏସ ଅଫିସରେ ସେ ଜଳଖିଆ ପ୍ରସ୍ତୁତ କରିବା ସହ ବିଭିନ୍ନ କାମ କରୁଥିଲେ ବି ବି ମୋଦି ତାଙ୍କ ସାକ୍ଷାତକାରରେ କହିଛନ୍ତି ।