ପୁଣି ସାମ୍ନାକୁ ଆସିଲା ଆଉ ଏକ ଘୋଟାଲା ! ମୁମ୍ବାଇରେ ୩ହଜାର ୨୦୦ କୋଟିର ଟିଡିଏସ ଦୁର୍ନିତୀ
କନକ ବ୍ୟୁରୋ: ସାମ୍ନାକୁ ଆସିଲା ୩ହଜାର ୨ଶହ କୋଟି ଟଙ୍କାର ଠକେଇ । ମୁମ୍ବାଇର ୪୪୭ଟି କମ୍ପାନୀ ଟିକସ ବାବଦରେ ନିଜ କର୍ମଚାରୀଙ୍କ ଦରମାରୁ ଟଙ୍କା ଆଦାୟ କରିବା ପରେ ଏହାକୁ ଆୟକର ବିଭାଗରେ ଜମା କରିବା ପରିବର୍ତେ ନିଜ ବ୍ୟବସାୟୀରେ ହିଁ ବିନିଯୋଗ କରିଛନ୍ତି । ୨୦୧୭ ଏପ୍ରିଲରୁ ୨୦୧୮ ମାର୍ଚ୍ଚ ମଧ୍ୟରେ କରାଯାଇଥିବା ଏକ ସର୍ଭେରୁ ଏହି ତଥ୍ୟ ମିଳିଥିବା କୁହଯାଉଛି ।
Kanak News is now on WhatsApp
Join and get latest news updates delivered to you via WhatsApp
ମିଳିଥିବା ସୂଚନା ଅନୁଯାୟୀ, ଆୟକର ବିଭାଗର ଟିଡିଏସ ୱିଙ୍ଗ ସମ୍ପୃକ୍ତ କମ୍ପାନୀ ଗୁଡିକ ବିରୋଧରେ ଧାରା ୨୭୬ ବି ଅନୁଯାୟୀ କାର୍ଯ୍ୟାନୁଷ୍ଠାନ ଆରମ୍ଭ କରିଛି । ଏହି କମ୍ପାନୀ ଗୁଡିକୁ ୱାରେଂଟ ଜାରି କରାଯାଇଛି । ଆୟକର ବିଭାଗ ଧାରା ଅନୁଯାୟୀ ଏହି ଅପରାଧ ପାଇଁ ଜରିମାନା ସହ ୩ମାସରୁ ୭ବର୍ଷ ପର୍ଯ୍ୟନ୍ତ ଦଣ୍ଡାଦେଶର ବ୍ୟବସ୍ଥା ଅଛି ।
ଆୟକର ଆଇନ ଅନୁସାରେ, ଏଥିପାଇଁ ଜରିମାନା ସହ ସର୍ବନିମ୍ନ ତିନି ମାସରୁ ସାତ ବର୍ଷ ଯାଏଁ ସଶ୍ରମ କାରାଦଣ୍ଡ ହୋଇ ପାରେ । ଧାରା ୨୭୬ ଖ ଆଧାରରେ ବିଚାର ଆରମ୍ଭ କରାଯାଇଛି । ଏହି କମ୍ପାନିଗୁଡ଼ିକ ମଧ୍ୟରେ ମୁଖ୍ୟତ ବିଲ୍ଡର୍ମାନେ ଅଛନ୍ତି। ସେମାନଙ୍କ ମଧ୍ୟରୁ ଜଣେ ସର୍ବଗ୍ରେ ରହିଛନ୍ତି ଓ ତାଙ୍କର ରାଜନୈତିକ ସମ୍ପୃକ୍ତି ରହିଛି । ସେ କର୍ମଚାରୀଙ୍କ ଠାରୁ ଆଦାୟ କରାଯାଇଥିବା ୧୦୦ କୋଟି ଟଙ୍କା ବ୍ୟବସାୟରେ ଖଟାଇଛନ୍ତି ।
ଧରାପଡ଼ିଥିବା ଅନ୍ୟାନ୍ୟ କମ୍ପାନିଗୁଡ଼ିକ ମଧ୍ୟରେ ଅଛନ୍ତି ଚଳଚ୍ଚିତ୍ର ପ୍ରଯୋଜନା ସଂସ୍ଥାନ, ଭିତ୍ତିଭୂମି କମ୍ପାନି, ନୂଆ ଆରମ୍ଭ ହେଉଥିବା କମ୍ପାନି ଆଦି । ବନ୍ଦର ବିକାଶର ଭାଗିଦାରୀ ଥିବା ଗୋଟିଏ ଭିତ୍ତିଭୂମି କମ୍ପାନି ଏହି ଉପାୟରେ ୧୪ କୋଟି ଟଙ୍କା ନିଜ ବ୍ୟବସାୟରେ ଲଗାଇଛି । ଆଇଟି ସଲ୍ୟୁସନ୍ ଦେଉଥିବା ଏକ ଏମ୍ଏନ୍ସି ୧୧ କୋଟି ଟଙ୍କା ଜମା କରିନାହିଁ ।