ଆୟକର ବିଭାଗ ଖୋଜିଲା ୧୯ ହଜାର କୋଟିର କଳାଧନ ! ସ୍ୱିସ୍ ବ୍ୟାଙ୍କରେ ଟଙ୍କା ରଖିଛନ୍ତି ୬୨୮ ଭାରତୀୟ
କନକ ବ୍ୟୁରୋ: ୧୯ ହଜାର କୋଟିର ବିଦେଶୀ କଳା ଧନ ଠାବ କରିଛି ଆୟକର ବିଭାଗ । ସ୍ୱିଜରଲାଣ୍ଡରେ ଥିବା ଏଚଏସବିସି ଓ ଅନ୍ୟ କେତେକ ବ୍ୟାଙ୍କରେ ଏହି ଟଙ୍କା ଜମା ଥିବା ଜଣାପଡିଛି । ବିଭିନ୍ନ ସମୟରେ ବିଶ୍ୱସ୍ତରୀୟ ସାମ୍ବାଦିକ ମାନଙ୍କ ଦ୍ୱାରା ପ୍ରକାଶ ପାଇଥିବା ଅନୁସନ୍ଧାନ ମୂଳକ ରିପୋର୍ଟକୁ ଭିତ୍ତି କରି ଆୟକର ବିଭାଗ ଏହି କଳାଧନ ଠାବ କରିବାରେ ସମର୍ଥ ହୋଇଛି ବୋଲି ସରକାର ଜଣାଇଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ଫ୍ରାନ୍ସ ସରକାରଙ୍କ ସୁତ୍ରରୁ ମିଳିଥିବା ତଥ୍ୟ ଅନୁଯାୟୀ ପ୍ରାୟ ୬୨୮ ଭାରତୀୟ ସ୍ୱିଜରଲାଣ୍ଡର ଏଚଏସବିସି ବ୍ୟାଙ୍କରେ ଜମାଖାତା ରଖିଛନ୍ତି । ଅନ୍ୟପଟେ ୧୧ ହଜାର ୧୦ କୋଟି ଟଙ୍କାକୁ ଭାରତୀୟ ମାନେ ଅଜଣା ବ୍ୟାଙ୍କ ଆକାଉଂଟରେ ଜମା କରିଥିବା ସୂଚନା ମିଳିଛି । ଲୋକସଭାରେ ଏହି ସୂଚନା ଦେଇଛନ୍ତି ଅର୍ଥମନ୍ତ୍ରୀ ଅରୁଣ ଜେଟଲୀ । ଅନ୍ୟଦେଶରେ ଭାରତୀୟ ମାନେ ଜମା ରଖିଥିବା ଟଙ୍କା ଠାବ କରିବାକୁ ଗତବର୍ଷ ସରକାର ଏକ ମଲ୍ଟି ଏଜେନ୍ସି ଗ୍ରୁପ୍ ଗଠନ କରିଥିଲେ ।