କଲେଜରେ ପ୍ରବେଶ କରିବାକୁ ହେଲେ ପିନ୍ଧିବାକୁ ପଡିବ ଲମ୍ବା ପୋଷାକ ! ଛାତ୍ରୀମାନଙ୍କ ସାଲୱାରର ମାପ ନେବା ପାଇଁ ସ୍ୱତନ୍ତ୍ର ମହିଳା ଗାର୍ଡ ରଖିଲେ କଲେଜ କର୍ତ୍ତୃପକ୍ଷ , ଭାଇରାଲ୍ ହେଲା ଭିଡିଓ
ଆନ୍ଧ୍ରପ୍ରଦେଶ ରାଜଧାନୀ ହାଇଦ୍ରାବାଦ୍ ର ଏକ ପ୍ରସିଦ୍ଧ ଗାର୍ଲସ୍ କଲେଜରେ ଡ୍ରେସକୋଡ୍ କୁ ନେଇ ବିବାଦ ଦେଖାଦେଇଛି । ସେଣ୍ଟ୍ ଫ୍ରାନ୍ସିସ୍ ଗାର୍ଲସ୍ କଲେଜରେ ଡ୍ରେସ୍ କୋଡ୍ କୁ ନେଇ ନୂଆ ଆଦେଶ ଜାରି କରାଯାଇଛି । ଏହି ଆଦେଶ ଅନୁସାରେ ଛାତ୍ରୀମାନଙ୍କୁ ଆଣ୍ଠୁ ଉପରକୁ କୁରତୀ କିମ୍ବା ସଲୱାର୍ ସୁଟ୍ ପିନ୍ଧିଥିଲେ କଲେଜରେ ପ୍ରବେଶ ନିଶେଧ କରାଯିବ ବୋଲି ଶୁଣିବାକୁ ମିଳୁଛି । କେବଳ ଏତିକି ନୁହେଁ କଲେଜ କର୍ତ୍ତୃପକ୍ଷ ଛାତ୍ରୀମାନଙ୍କର କୁରତୀର ଲମ୍ବା ମାପିବା ପାଇଁ ଜଣେ ମହିଳା ସିକ୍ୟୁରିଟି ଗାର୍ଡଙ୍କୁ ମଧ୍ୟ ରଖିଛନ୍ତି । ଉକ୍ତ ମହିଳା ଗାର୍ଡ ଛାତ୍ରୀଙ୍କ ଆଇଡି କାର୍ଡ ଜାଞ୍ଚ୍ କରିବା ସହିତ କୁରତୀର ଲମ୍ବା ମଧ୍ୟ ମାପୁଛନ୍ତି ।
Kanak News is now on WhatsApp
Join and get latest news updates delivered to you via WhatsApp
Hyderabad: Students of St. Francis College For Women protest against the new rule under which the students have been ordered to wear ‘kurtis’ below knee length while shorts, sleeveless or other similar dresses are banned in the campus. #Telangana pic.twitter.com/x6luaPuvRE
— ANI (@ANI) September 16, 2019
ସେଣ୍ଟ୍ ଫ୍ରାନ୍ସିସ୍ ଗାର୍ଲସ୍ କଲେଜ ପ୍ରଶାସନ ଏହି ନୂଆ ଡ୍ରେସକୋଡ୍ କୁ ଅଗଷ୍ଟ ୧ ତାରିଖରୁ ଲାଗୁ କରିଛନ୍ତି । ଯେଉଁ ଛାତ୍ରୀମାନେ ଏହି ନିୟମ ମାନୁନାହାନ୍ତି ସେମାନଙ୍କୁ କ୍ଲାସକୁ ଆସିବାକୁ ଅନୁମତି ଦିଆଯାଉନାହିଁ । ତେବେ ଏହି ନୂଆ ନିୟମ ବିରୁଦ୍ଧରେ ଛାତ୍ରୀମାନେ ବିରୋଧ ଆରମ୍ଭ କରିଦେଇଛନ୍ତି । ସୋସିଆଲ୍ ମିଡିଆରେ ଏହାର ଏକ ଭିଡିଓ ମଧ୍ୟ ଭାଇରାଲ୍ ହେଉଛି । ଏହି ଭିଡିଓରେ ମହିଳା ଗାର୍ଡ ଛାତ୍ରୀଙ୍କ କୁରତୀର ଲମ୍ବା ଜାଞ୍ଚ୍ କରୁଛନ୍ତି । ଯେଉଁ ଛାତ୍ରୀ ଆଣ୍ଠୁ ଉପରକୁ କୁରତୀ ପିନ୍ଧୁଛନ୍ତି ତାଙ୍କୁ ଶ୍ରେଣୀରୁ ବାହାରକୁ ରାସ୍ତା ଦେଖିବାକୁ ପଡୁଛି ।
ଏହି କଲେଜର ଜଣେ ପୂର୍ବ ଛାତ୍ରୀ ନୂଆ ଡ୍ରେସକୋଡକୁ ନେଇ ଏକ ଭିଡିଓ ସେୟାର୍ କରିଛନ୍ତି । ଯେଉଁଥିରେ ସେ କହିଛନ୍ତି ଛାତ୍ରୀଙ୍କ ପାଇଁ ମିଡ୍ ସେଶନ୍ ରେ ନୂଆ ଡ୍ରେସ୍ କୋଡ୍ ର ବ୍ୟବସ୍ଥା କରାଯାଇଛି । ଶିକ୍ଷକଙ୍କ କହିବାନୁସାରେ ଲମ୍ବା ପୋଷାକ ପିନ୍ଧିଲେ ବିବାହ ପାଇଁ ଭଲ ବରପାତ୍ର ମିଳେ । ପୂର୍ବ ଛାତ୍ରୀ ଜଣକ ପୋଷ୍ଟରେ ଲେଖୁଛନ୍ତି ଯେ କଲେଜ୍ ଅଧିକାରୀଙ୍କ ବିରୁଦ୍ଧରେ ଛାତ୍ରୀମାନଙ୍କ ବିରୋଧ ପ୍ରଦର୍ଶନ କରିବା ଆଦୌ ଠିକ୍ ନୁହେଁ । ତେବେ କଲେଜରେ ଅଧ୍ୟୟନରତ ଛାତ୍ରୀମାନେ କହୁଛନ୍ତି ଯେ ଆଣ୍ଠୁରୁ ଟିକେ ଉପରକୁ ବି ସାଲୱାର୍ ପିନ୍ଧିଲେ ତାଙ୍କୁ ପ୍ରତାଡିତ କରାଯାଉଛି ।