ଘର କବାଟ ବନ୍ଦ କରି ସ୍ୱାମୀଙ୍କୁ ବାଡେଇଲେ ସ୍ତ୍ରୀ ! ଥାନାରେ ମହିଳାଙ୍କ ବିରୋଧରେ ଏତଲା ଦେଲେ ସ୍ୱାମୀ
ସ୍ୱାମୀଙ୍କୁ ସ୍ତ୍ରୀର ବେଲଣା କାଠିରେ ମାଡ ଅଭିଯୋଗ
କନକ ବ୍ୟୁରୋ : ‘ସାର୍ , ମୋ’ର ସ୍ତ୍ରୀ ମତେ କବାଟ ବନ୍ଦ କରି ବେଲଣା କାଠିରେ ବାଡାଉଛନ୍ତି। ଏହାର ପ୍ରତିବାଦ କରିଲେ ମୋର ବୁଢୀ ମାଆ ଏବଂ ସାନ ଭଉଣୀକୁ ବି ମାରିବାକୁ ପଛାଉ ନଥିଲା ସ୍ତ୍ରୀ..।’ ଏହା ହେଉଛି ଜଣେ ନିର୍ଯ୍ୟାତିତ ସ୍ୱାମୀର ଥାନାରେ ଲିଖିତ ଅଭିଯୋଗ। ଉତ୍ତର ପ୍ରଦେଶର ରାଜଧାନୀ ଲକ୍ଷ୍ନୌର ଠାକୁରଗଂଜ ନିବାସୀ ଜଣେ ଯୁବକ ଏଭଳି ଅଭିଯୋଗ ଆଣିଛି।
Kanak News is now on WhatsApp
Join and get latest news updates delivered to you via WhatsApp
ସେହି ପୀଡିତ ପୁଲିସ ପରାମର୍ଶ କେନ୍ଦ୍ରରେ ପ୍ରଦାନ କରିଥିବା ଅଭିଯୋଗ ଅନୁଯାୟୀ ତା’ର ସ୍ତ୍ରୀ ପରିବାରର ସମସ୍ତଙ୍କୁ ନିର୍ଯ୍ୟାତନା ଦେଉଛି। ଫେଜୁଲାଗଂଜରେ ରହୁଥିବା ଜଣେ ବ୍ୟକ୍ତିଙ୍କ କହିବା ଅନୁଯାୟୀ ପ୍ରାୟ ୨୧ ବର୍ଷ ତଳେ ପୁରନିୟାଙ୍କ ସହିତ ତାଙ୍କର ବାହାଘର ହୋଇଥିଲା। ସ୍ତ୍ରୀ ଖୁବ୍ ସନ୍ଦେହୀ ମନୋବୃତ୍ତିର। ସେ ସବୁଦିନ ଝଗଡ଼ା କରୁଥିଲା। ଥରେ ସେ ବେଲଣା କାଠିରେ ଏତେ ଜୋରରେ ମାରିଲା ଯେ ସ୍ୱାମୀର ହାତ ଭାଙ୍ଗି ଯାଇଥିଲା।
ସେ ଆହୁରି ମଧ୍ୟ ଅଭିଯୋଗ ଆଣିଛନ୍ତି ଯେ ବୃଦ୍ଧ ପିତାଙ୍କୁ ଖାଦ୍ୟ ମଧ୍ୟ ଦେଉ ନଥିଲା। ଖାଲି ସେତିକି ନୁହେଁ ପୁଲିସ ପରାମର୍ଶ କେନ୍ଦ୍ରରେ କାଉନସେଲିଂ ସମୟରେ ବି ସ୍ତ୍ରୀ ପୀଡିତଙ୍କୁ ମାରପିଟ କରୁଥିଲା। ପୁଲିସ ପୀଡିତର ସ୍ତ୍ରୀଙ୍କୁ ପରାମର୍ଶ କେନ୍ଦ୍ରକୁ ଡକାଇ ସମସ୍ୟାର ସମାଧାନ କରିବେ ବୋଲି ଜଣାଯାଇଛି।