ଛାଡପତ୍ର ପରେ ସ୍ତ୍ରୀର ଭରଣପୋଷଣ ପାଇଁ ଫ୍ୟାମିଲି କୋର୍ଟରେ ହାଜର ହେଲେ ସ୍ୱାମୀ । କୋର୍ଟଙ୍କ ନିର୍ଦ୍ଦେଶ ମାନି କଏନ ଭରା ୫ଟି ବସ୍ତାରେ ଆଣିଲେ ୩୩ ହଜାର ଟଙ୍କା
କନକ ବ୍ୟୁରୋ: ୫ବସ୍ତା କଏନ ଧରି କୋର୍ଟରେ ପହଞ୍ଚିଗଲେ ସ୍ୱାମୀ । କାହିଁକି ଜାଣିଲେ ଆପଣ ବି ଆଶ୍ଚର୍ଯ୍ୟ ହୋଇଯିବେ । ସ୍ତ୍ରୀକୁ ଭରଣପୋଷଣ ଦେବା ପାଇଁ ଏକ ଫ୍ୟାମିଲି କୋର୍ଟ ରାୟ ଦେଇଥିଲେ । ଆଉ ତା ପରେ କୋର୍ଟରେ ୫ବସ୍ତା କଏନ ଧରି ପହଞ୍ଚି ଯାଇଥିଲେ ସ୍ୱାମୀ । ଏହି ଘଟଣା ଘଟିଛି ଛତିଶଗଡରେ ।
Kanak News is now on WhatsApp
Join and get latest news updates delivered to you via WhatsApp
ପାମଗଡ ବାସିନ୍ଦା ପୁନିରାମ ସାହୁ ଏବଂ ସ୍ତ୍ରୀ ଯଶୋଧାରାଙ୍କ ମଧ୍ୟରେ ଛାଡପତ୍ର ମାମଲାର ବିଚାର ଦୀର୍ଘ ୨୦ବର୍ଷ ଧରି ଚାଲିଥିଲା । ଫ୍ୟାମିଲି କୋର୍ଟ ପକ୍ଷରୁ ଯଶୋଧାରାଙ୍କୁ ୩୩ହଜାର ୮ଶହ ଟଙ୍କା ଭରଣପୋଷଣ ବାବଦରେ ଦେବାକୁ ପୁନିରାମଙ୍କୁ ନିର୍ଦ୍ଦେଶ ଦେଇଥିଲେ କୋର୍ଟ । ଚାଷୀ ପୁନିରାମ ନିଜ ପାଖରେ ଥିବା ଟଙ୍କିକିଆ, ୨ଟଙ୍କିଆ,୫ଟଙ୍କିଆ ତଥା ୧୦ ଟଙ୍କିଆ ଥିବା ୫ଟି ବସ୍ତା ନେଇ କୋର୍ଟରେ ପହଞ୍ଚିଥିଲେ ।
ବିଚାରପତି ଏହି କଏନ ଗଣିବାପାଇଁ ପୁନିରାମଙ୍କୁ କହିଥିଲେ । କୋର୍ଟ ପରିସରରେ ବସି କଏନ ଗଣିବା ପରେ ସ୍ତ୍ରୀ ଯଶୋଦାଙ୍କୁ ଦେଇଥିଲେ ପୁନିରାମ । ଏହି କଏନ ନେବାକୁ ଯଶୋଦା ମନାକରିବାରୁ ପୁନିରାମ ଏହାକୁ ବୋହି ବୋହି ତାଙ୍କ ଘରେ ଦେଇଥିବା ଜଣାପଡିଛି ।