ଶିକାରୀ ଆକ୍ରମଣରେ ହୋଇଛି ମହାବଳ ମହାବୀରର ମୃତ୍ୟୁ ! ପିସିସିଏଫକୁ ଚିଠି ଲେଖିଲା ଏନଟିସିଏ
ଅଧିକାରୀଙ୍କ ବିରୋଧରେ ଦୃଢ କାର୍ଯ୍ୟାନୁଷ୍ଠାନ ପାଇଁ ସୁପାରିସ
କନକ ବ୍ୟୁରୋ : ସାତକୋଶିଆ ଅଭୟାରଣ୍ୟରେ ମହାବଳ ମହାବୀରକୁ ଶିକାରୀ ମାରିଛନ୍ତି । ଆଜି ପିସିସିଏଫକୁ ଏଭଳି ଚିଠି ଲେଖିଛନ୍ତି ଏନଟିସିଏ । ଏଥିରେ କୁହାଯାଇଛି ଯେ, ତଦନ୍ତବେଳେ ତଦନ୍ତକାରୀ ଅଧିକାରୀ ତଥ୍ୟ ଲୁଚାଇବାକୁ ଚେଷ୍ଟା କରିଥିଲେ । ତେଣୁ ସଂପୃକ୍ତ ଅଧିକାରୀଙ୍କ ବିରୋଧରେ ଦୃଢ କାର୍ଯ୍ୟାନୁଷ୍ଠାନ ପାଇଁ ସୁପାରିଶ କରିଛି ଏନଟିସିଏ । ସାତକୋଶିଆରେ ବାଘ ବଂଶ ବୃଦ୍ଧି କରିବାକୁ ମଧ୍ୟପ୍ରଦେଶର କାହ୍ନା ଅଭୟାରଣ୍ୟରରୁ ମହାବୀରକୁ ଅଣାଯାଇଥିଲା । କିନ୍ତୁ ଗତ ମାସରେ ମହାବୀର ପ୍ରାଣ ହରାଇଥଲା । ଏହାକୁ ନେଇ ବିଭିନ୍ନ ପ୍ରଶ୍ନବାଚୀ ସୃଷ୍ଟି ହୋଇଥିଲା ।
Kanak News is now on WhatsApp
Join and get latest news updates delivered to you via WhatsApp
ସୂଚନାଯୋଗ୍ୟ ସାତକୋଶିଆ ଅଭୟାରଣ୍ୟରେ ବାଘ ବଂଶ ବୃଦ୍ଧି ପାଇଁ ମଧ୍ୟପ୍ରଦେଶରୁ ଅଣାଯାଇଥିବା ମହାବଳ ମହାବୀରର ଗତ ମାସରେ ମୃତ୍ୟୁ ହୋଇଥିଲା । ତେବେ ବାଘକୁ କିଏ ମାରିଛି ସେନେଇ ବେଶ୍ କିଛି ଦିନ ଛକାପଂଝା ଲାଗି ରହିଥିଲା । କିଏ କହୁଥିଲା ଶିକାରୀ ମାରିଛି କିଏ କହୁଥିଲା ସଂକ୍ରକଣ ଯୋଗୁଁ ବାଘ ମରିଛି । ପରେ କୁହାଯାଇଥିଲା ମହାବଳ ମହାବୀରର ବେକରେ କ୍ଷତ ଚିହ୍ନ ଥିବା ବେଳେ ସଂକ୍ରମଣ ଯୋଗୁଁ ତାର ମୃତ୍ୟୁ ହୋଇଛି । ତେବେ ମହାବୀରର ମୃତ୍ୟୁ ସହ ସାତକୋଶିଆରେ ପ୍ରୋଜେକ୍ଟ ଟାଇଗରକୁ ଲାଗିଛି ବଡ ଧରଣର ଝଟକା ଲାଗିଥିଲା ।