ଯଦି କେବେ ଗିରଫ କରେ ପୁଲିସ୍ ! ଜାଣନ୍ତୁ ଆପଣଙ୍କ ସାମ୍ବିଧାନିକ ଅଧିକାର ଏବଂ ବ୍ୟବହାର
ଭାରତର ସମ୍ବିଧାନ କେବେ ହୋଇଥିଲା ଏବଂ କିଏ କିଏ ଏହାକୁ ତିଆରି କରିଥିଲେ ଏକଥା ସମସ୍ତଙ୍କୁ ଜଣା । କିନ୍ତୁ ସମ୍ବିଧାନ ଆପଣଙ୍କୁ କି ଅଧିକାର ଦେଇଛି ସେକଥା ପ୍ରାୟ ଲୋକଙ୍କୁ ଅଜଣା । ତେଣୁ ଅନେକ ଲୋକ ଏଥିପାଇଁ ଫସି ଯାଇଥାନ୍ତି କାରଣ ସେମାନଙ୍କ ପାଖରେ ନିଜ ଅଧିକାରକୁ ନେଇ ପର୍ଯ୍ୟାପ୍ତ ଜ୍ଞାନ ନଥାଏ । ଯଦି ଆପଣ ଭାବୁଥାନ୍ତି ଯେ କେବଳ ସ୍ୱଳ୍ପ ଶିକ୍ଷିତ ଲୋକ ମାନଙ୍କୁ ନିଜ ଅଧିକାର ବିଷୟରେ ଜ୍ଞାନ ନଥାଏ ତେବେ ଆପଣଙ୍କ ଧାରଣା ଭୁଲ୍ । କାରଣ ଉଚ୍ଚଶିକ୍ଷିତ ଲୋକ ମାନେ ମଧ୍ୟ ନିଜ ସାମ୍ବିଧାନିକ ଅଧିକାର ବିଷୟରେ ଅଜ୍ଞ ଥାନ୍ତି ।
Kanak News is now on WhatsApp
Join and get latest news updates delivered to you via WhatsApp
ତେବେ ସର୍ବପ୍ରଥମେ ଆମେ ଆପଣଙ୍କୁ କିଛି ମୌଳିକ ଅଧିକାର ବିଷୟରେ ଜଣାଇବୁ ଯାହା ଭାରତୀୟ ଆଇନ୍ ଆପଣଙ୍କୁ ଦେଇଥାଏ । ଏହି ତଥ୍ୟ ଆପଣଙ୍କୁ ସେହି ସମୟରେ କାମରେ ଆସିବ ଯେତେବେଳେ କୌଣସି ପୁଲିସ୍ ଅଫିସର୍ ଆପଣଙ୍କୁ ପଚରା ଉଚରା କରିବାକୁ ଆସଥାନ୍ତି । ଯଦି କୌଣସି ପୁଲିସ୍ ଆପଣଙ୍କୁ ଗିରଫ କରିବାକୁ ଆସନ୍ତି ସେତେବେଳେ ଆପଣଙ୍କୁ ମିଳିଥିବା ଅଧିକାରକୁ ପ୍ରୟୋଗ କରି କଷ୍ଟକୁ କିଛି ମାତ୍ରାରେ କମ୍ କରିପାରିବେ ।
ଏବେ ନଜର ପକାନ୍ତୁ ଆପଣଙ୍କ ସାମ୍ବିଧାନିକ ତଥା ଆଇନଗତ ମୌଳିକ ଅଧିକାର ଉପରେ :
• ଯଦି କୌଣସି ପୁଲିସ୍ ଅଫିସର୍ ଆପଣଙ୍କୁ ଗିରଫ କରିବାକୁ ଆସନ୍ତି ତେବେ ସର୍ବ ପ୍ରଥମେ ସେହି ଅଫିସରଙ୍କୁ ଆପଣଙ୍କୁ ତାଙ୍କ ଆଇଡି କାର୍ଡ ଦେଖାଇବାକୁ ପଡିବ । ଆଉ ଏକଥା ସ୍ପଷ୍ଟ କରିବାକୁ ପଡିବ ଯେ ସେ କାହଁକି ଆପଣଙ୍କୁ ଗିରଫ କରୁଛନ୍ତି ।
• ଆପଣଙ୍କ ପାଖରେ ଏହି ଅଧିକାର ଅଛି କି ଗିରଫ ହେବା ସମୟରେ ଆପଣ ଆପଣଙ୍କ ଆଇନଗତ ଅଧିକାର ମାଗି ପାରିବେ ।
• ପୁଲିସର ପଚରା ଉଚରା କରିବା ସମୟରେ ଆପଣ ଆପଣଙ୍କ ଓକିଲକୁ ଡାକି ପାରିବେ ।
• ପୁଲିସ୍ କେବଳ ୨୪ ଘଂଟା ପାଇଁ ଆପଣଙ୍କ ହାଜତରେ ରଖିପାରିବ । ତାଠାରୁ ଅଧିକ ସମୟ ରଖିବାକୁ ହେଲେ ମାଜିଷ୍ଟ୍ରେଟଙ୍କ ଅନୁମତି ଆଣିବାକୁ ପଡିବ ।
• ଯେଉଁ ପୁଲିସ୍ ଅଧିକାରୀ ଆପଣଙ୍କୁ ପଚାରା ଉଚରା କରିଛନ୍ତି , ତାଙ୍କ ନାଁ ଜାଣିବାରେ ଆପଣଙ୍କ ସଂପୂର୍ଣ୍ଣ ଅଧିକାର ରହିଛି ।
• ଯଦି ଆପଣ ପୁଲିସ୍ କଷ୍ଟେଡିରେ ଅଛନ୍ତି ତେବେ ୪୮ ଘଂଟା ମଧ୍ୟରେ ନିଜ ମେଡିକାଲ୍ ଚେକ ଅପ୍ କରିପାରିବେ ।
ଅଧିକାର ଯଦି ନମିଳେ :
ସେମିତିରେ ଅନେକ ଲୋକ ନିଜର ଏହି ଅଧିକାର ବିଷୟରେ ଅଜ୍ଞ ଥାନ୍ତି କିନ୍ତୁ ଯେଉଁମାନେ ଜାଣିଥାନ୍ତି ସେମାନେ କଣ ନେଇପାରନ୍ତି । ଦେଶର ଜେଲ ମାନଙ୍କରେ କେତେ ଯେ ଅନେକ ନିର୍ଦ୍ଦୋଶ ଲୋକ ଗିରଫ ହୋଇ ଅଛନ୍ତି ଜଣା ନାହିଁ । ବର୍ଷ ବର୍ଷ ଧରି ଅଟକି ରହିଛି ଅନେକ ମାମଲା ଯାହାର ଏଯାଏଁ କୌଣସି ନିଷ୍କର୍ସ ଆସିନାହିଁ । ଏହା ବ୍ୟତୀତ ଲୋକମାନେ ପ୍ରତିଦିନ ହେଉଥିବା ଦୁର୍ନୀତି ପାଇଁ ହଇରାଣ ହେଉଛନ୍ତି । କ୍ଷମତା କିଛି ସୀମିତ ଲୋକଙ୍କ ପାଖରେ ଥାଏ ଯାହାର ସେମାନେ ଅପବ୍ୟବହାର କରିଥାନ୍ତି ।
ତେବେ ଏସବୁ ପରେ ବି ଆପଣ ଆପଣଙ୍କ ଅଧିକାରକୁ ଭୁଲନ୍ତୁ ନାହିଁ ଏବଂ ଶେଷ ସମୟ ପର୍ଯ୍ୟନ୍ତ ଲଢନ୍ତୁ । ଯଦି ଆପଣ ଠିକ୍ ଅଛନ୍ତି ତେବେ ଯେ ପର୍ଯ୍ୟନ୍ତ ସମସ୍ତ ରାସ୍ତା ବନ୍ଦ ନହୋଇଛି ସେପର୍ଯ୍ୟନ୍ତ ନିଜ ଅଧିକାର ପାଇଁ ଲଢେଇ ଜାରି ରଖନ୍ତୁ । ଦେଶର ନାଗରିକ ହୋଇଥିବାରୁ ଆପଣଙ୍କୁ ଏ ସମସ୍ତ ଅଧିକାର ଦିଆଯାଇଛି ।