ପିଓକେରେ ପାକ୍ ବିରୋଧୀ ବିଶାଳ ବିକ୍ଷୋଭ
କନକ ବ୍ୟୁରୋ: ପାକ୍ ଅଧିକୃତ ଜମ୍ମୁ-କାଶ୍ମୀରରେ ପାକିସ୍ତାନଠାରୁ ମୁକ୍ତ ହେବା ପାଇଁ ଆନ୍ଦୋଳନ ତୀବ୍ର ହୋଇଛି । ପିଓକେର ଜନ୍ଦାଲିଠାରେ ପାକିସ୍ତାନ ବିରୋଧରେ ବିଶାଳ ବିକ୍ଷୋଭ ଅନୁଷ୍ଠିତ ହୋଇଛି । ଏଥିରେ ହଜାର ହଜାର ସଂଖ୍ୟାରେ ସାଧାରଣ ନାଗରିକ, ଛାତ୍ରସଂଘ ସଦସ୍ୟ ସାମିଲ ହୋଇ ପାକିସ୍ତାନ ବିରୋଧରେ ସ୍ୱର ଉଠାଇଛନ୍ତି । ଜମ୍ମୁ-କାଶ୍ମୀର ଷ୍ଟୁଡେଣ୍ଟସ୍ ଫେଡେରେସନ ପକ୍ଷରୁ ଆୟୋଜିତ ବଡ଼ ଧରଣର ରୟାଲିରେ ପାକ୍ ସରକାରଙ୍କ ଦମନ ନୀତିକୁ କଡ଼ା ସମାଲୋଚନା କରାଯାଇଥିଲା ।
Kanak News is now on WhatsApp
Join and get latest news updates delivered to you via WhatsApp
ପାକିସ୍ତାନ ସରକାର ଲଗାତାର ପିଓକେବାସୀଙ୍କୁ ଶୋଷଣ କରିଚାଲିଥିବାରୁ ସ୍ୱାଧୀନତା ପ୍ରାପ୍ତି ପର୍ଯ୍ୟନ୍ତ ଆନ୍ଦୋଳନ ଚଳାଇବାକୁ ପିଓକେ ନେତାମାନେ ଆହ୍ଵାନ ଦେଇଛନ୍ତି । ପାକ୍ ସେନା ଓ ଆଇଏସଆଇ ଆତଙ୍କବାଦୀଙ୍କୁ ସୁରକ୍ଷା ଦେବା ସହ ଅଶାନ୍ତି ଓ ହିଂସା ସୃଷ୍ଟି କରୁଛି ବୋଲି ପିଓକେ ନେତା ଲିୟାଖତ ଖାନ ଅଭିଯୋଗ କରିଛନ୍ତି ।
ପିଓକେକୁ ପାକିସ୍ତାନ ଆତଙ୍କବାଦର ପ୍ରୟୋଗଶାଳା ଭାବେ ପରିଣତ କରିଛି । ପାକ୍ ସେନା ସରକାରଙ୍କ ଜ୍ଞାତସାରରେ ଲୋକଙ୍କ ଉପରେ ଅତ୍ୟାଚାର ଓ ଦମନ କରୁଥିବା କୁହାଯାଇଛି । ପିଓକେ ଅଧିବାସୀଙ୍କୁ ସେମାନଙ୍କ ମୌଳିକ ଅଧିକାରରୁ ମଧ୍ୟ ବଞ୍ଚିତ କରାଯାଉଥିବାରୁ ଏ ବାବଦରେ ଜାତିସଂଘର ଦୃଷ୍ଟି ଆକର୍ଷଣ କରିବାକୁ ମତ ପ୍ରକାଶ ପାଇଛି ।