ଅଧିକ ସମୟ ଧରି କମ୍ପ୍ୟୁଟର କିମ୍ବା ଲାପଟପ୍ ସାମ୍ନାରେ ବସି କାମ କରୁଛନ୍ତି କି ? ଜାଣନ୍ତୁ କିଭଳି ଆପଣଙ୍କ ଆଖିକୁ ରଖିବେ ସୁରକ୍ଷିତ
ଆଖି ହେଉଛି ମଣିଷ ଶରୀରର ଏକ ଗୁରୁତ୍ୱପୂର୍ଣ୍ଣ ଅଙ୍ଗ । ଏହା ସାହାଯ୍ୟରେ ଆମେ ସଂସାରର ସୌନ୍ଦର୍ୟ୍ୟକୁ ଉପଭୋଗ ମଧ୍ୟ କରପାରୁ। ସେଥିପାଇଁ ଶରୀରରକୁ ସୁସ୍ଥ ରଖିବା ସହ ଆଖିର ଯତ୍ନ ମଧ୍ୟ ନେବା ଦରକାର । ଆଜିକାଲି କମ ସମୟ ମଧ୍ୟରେ ଅଧିକ କାମ କରିବା ପାଇଁ ଲୋକମାନେ ଲାପଟପ୍ ଏବଂ କମ୍ପ୍ୟୁଟର ଇତ୍ୟାଦି ବ୍ୟବହାର କରୁଛନ୍ତି । ପ୍ରତିଦିନ ଲାପଟପ୍ ଏବଂ କମ୍ପ୍ୟୁଟର ଆଗରେ ବସି କାମ କରିବା ଦ୍ୱାରା ଦୃଷ୍ଟି ଶକ୍ତି କମ ହୋଇଥାଏ । ଯାହା ଫଳରେ ଚଷମା ବ୍ୟବହାର କରିବାକୁ ପଡ଼ିଥାଏ । ତେବେ ଆପଣ ଏହି ଉପାୟ ଆପଣାଇ ନିଜର ଆଖିକୁ ସୁସ୍ଥ ଓ ଦୃଷ୍ଟିଶକ୍ତିକୁ ଠିକ୍ ରଖି ପାରିବେ । ଆସନ୍ତୁ ଜାଣିବା ସେ ବିଷୟରେ
Kanak News is now on WhatsApp
Join and get latest news updates delivered to you via WhatsApp
୧. ବେଳେ ବେଳେ ଆମେ ଲାପଟପ୍ ଏବଂ କମ୍ପ୍ୟୁଟର ଆଗରେ ବସି କାମ କରିବା ସମୟରେ ଲାଇଟ୍ ବନ୍ଦ କରି କାମ କରିଥାଉ, ଯାହା ସଂପୁର୍ଣ୍ଣ ଭୁଲ । ଏପରି କରିବା ଦ୍ୱାରା ଲାପଟପ୍ ଏବଂ କମ୍ପ୍ୟୁଟର ଲାଇଟ୍ ସିଧା ଆଖରେ ପଡ଼ିଥାଏ । ଏପରି କରିବା ଦ୍ୱାରା ଶୀଘ୍ର ଆଖି ଖରାପ ହେବାର ଆଶଙ୍କା ରହିଥାଏ । ସେଥିପାଇଁ କମ୍ପ୍ୟୁଟର ସାମ୍ନାରେ କାମ କରିବା ସମୟରେ ଘରର ଲାଇଟ୍ ଲଗାଇ କାମ କରନ୍ତୁ ।
୨. ଲାପଟପ୍ ଏବଂ କମ୍ପ୍ୟୁଟର ଆଗରେ କାମ କରିବା ସମୟରେ ପ୍ରାୟ ୪୦ ସେଣ୍ଟିମିଟର ଦୂରରେ ବସି କାମ କରନ୍ତୁ । ଏପରି କରିବା ଦ୍ୱାରା କମ୍ପୁଟରର ଲାଇଟ୍ ଆଖି ଉପରେ କମ୍ ପଡ଼ିଥାଏ ।
୩. ଲାପଟପ୍ ଏବଂ କମ୍ପ୍ୟୁଟର ଆଗରେ ବସି କାମ କରିବା ମଧ୍ୟରେ ଗୋଟେ ଘଣ୍ଟା ମଧ୍ୟରେ ୧୦ମିନିଟ୍ ପାଇଁ ସବୁଜ ଗଛକୁ ଦେଖନ୍ତୁ । ଏପରି କଲେ ଆଖି ଏବଂ ମସ୍ତିଷ୍କକୁ ଶାନ୍ତି ମିଳିଥାଏ ।
୪.ସବୁବେଳେ ଯଦି ଆପଣ ଲାପଟପ୍ ଏବଂ କମ୍ପ୍ୟୁଟର ଆଗରେ ମସି କାମ କରୁଛନ୍ତି ତେବେ ପ୍ରତିଦିନର ଡ଼ାଏଟରେ କ୍ଷୀର,ଦହି,ପନିର,ଅଣ୍ଡା,ଗାଜର ଏବଂ ସବୁଜ ପନି ପରିବା ସାମିଲ କରନ୍ତୁ । ଏଥିରେ ପ୍ରଚୁର ମାତ୍ରାରେ ପ୍ରୋଟିନ୍, ଭିଟାମିନ୍ A,E ଏବଂ C ରହିଥାଏ, ଯାହା ଆଖିକୁ ସୁସ୍ଥ ରଖିଥାଏ ।
୫.ଗୋଟେ ଦିନରେ ଅତି କମରେ ୪-୫ଥର ଆଖିକୁ ଭଲ କରି ଥଣ୍ଡା ପାଣିରେ ଧୁଅନ୍ତୁ । ଏପରି କଲେ ଆଖି ସବୁଦିନ ଠିକ୍ ରହିବ ।
୬.କାମ କରିବା ସମୟରେ ଆଖିର ବ୍ୟାୟାମ କରନ୍ତୁ । କାମରୁ ବ୍ରେକ୍ ନେଇ ଆଖି ଉପରେ ହାତ ରଖି କିଛି ସମୟ ବାମକୁ ଏବଂ କିଛି ସମୟ ଡ଼ାହାଣକୁ ବୁଲାନ୍ତୁ । ଏପରି କଲେ ଆଖି ସତେଜ ରହିବା ସହ ଖରାପ ହୋଇ ନଥାଏ ।