ଟିଭି ‘ଟିଆରପି’ର ମୁଖା ଖୋଲିଲେ ବରିଷ୍ଠ ସାମ୍ବାଦିକା ବର୍ଖା ଦତ୍ ! କହିଲେ, ଗୋଟିଏ ଘରେ ନିର୍ଦ୍ଦିଷ୍ଟ ଚ୍ୟାନେଲ ଘଣ୍ଟା ଘଣ୍ଟା ଟିଭି ଲଗାଇ ହାସଲ କରାଯାଉଛି ଟିଆରପି
କନକ ବ୍ୟୁରୋ : ଟେଲିଭିଜନ୍ ଚ୍ୟାନେଲ ଗୁଡିକ କିଭଳି ଟିଆରପି ପାଆନ୍ତି । ଆଜି ଏହା ଉପରେ ମତ ରଖିଛନ୍ତି ବରିଷ୍ଠ ସାମ୍ବାଦିକା ବର୍ଖା ଦତ୍ । ଦୀର୍ଘ ଦିନ ଧରି ଟେଲିଭିଜନ୍ ସହ ଜଡିତ ଥିବା ଏହି ସାମ୍ବାଦିକା କହିଛନ୍ତି, ଗୋଟିଏ ଗୋଟିଏ ସ୍ଥାନରେ ୮ ଘଂଟା ଲେଖାଏଁ ନିର୍ଦ୍ଦିଷ୍ଟ ଚ୍ୟାନେଲକୁ ଅନ୍ ରଖାଯାଇ ଟିଆରପି ପଏଂଟ ହାସଲ କରାଯାଉଛି । ବର୍ଖାଙ୍କ ଏହି ମତ ପରେ, ଟେଲିଭିଜ ରେଟିଂ ପଏଂଟର ବିଶ୍ୱସନୀୟତା ଉପରେ ପ୍ରଶ୍ନବାଚୀ ତିଆରି ହୋଇଛି । ବର୍ଖା ଦତ୍ତ ଟିଆରପିକୁ ନେଇ ଦେଇଥିବା ବୟାନ ପରେ ଟିଆରବିକୁ ନେଇ ବଡିମା ଦେଖାଉଥିବା କିଛି ନିର୍ଦ୍ଦିଷ୍ଟ ବଡ ଚ୍ୟାନେଲ ଉପରେ ପ୍ରଶ୍ନବାଚୀ ସୃଷ୍ଟି କରିଛି ।
Kanak News is now on WhatsApp
Join and get latest news updates delivered to you via WhatsApp
ଗତ କିଛି ଦିନ ତଳେ ଦି କାରାଭାନ୍ ନିଜ ୱେବସାଇଟରେ ରିପବ୍ଲିକ୍ ଟିଭିର ଟିଆରପିକୁ ନେଇ ଏକ ବିଶ୍ଳେଷଣ ସାମ୍ନାକୁ ଆଣିଥିଲା । ଯେଉଁଥିରେ ଚ୍ୟାନେଲ ଆରମ୍ଭ ହେବା ଦିନଠାରୁ କିଭଳି ଏକ ନମ୍ବର ସ୍ଥାନ ହାସଲ କରିଛି ଆଉ ଟାଇମ୍ସ ନାଓ ତୁଳନାରେ କିଭଳି ଅଧିକ ରେଟିଂ ହାସଲ କରିବାରେ ସକ୍ଷମ ହୋଇଛି, ତାର ଏକ ତୁଳନାତ୍ମକ ଚିତ୍ର ପ୍ରକାଶ ପାଇଥିଲା । ଯେଉଁଥିରେ ସ୍ପଷ୍ଟ ଭାବେ ଦର୍ଶାଯାଇଥିଲା, ହେରଫେର କରି କିଭଳି ଟିଆରପିକୁ ବଢାଯାଇ ପାରୁଛି । ଏପରିକି ଘଣ୍ଟା ଘଣ୍ଟା ଧରି ଚ୍ୟାନେଲ ଅନ କରି ଟିଆରପି ପାଉଥିବା କିଛି ନିର୍ଦ୍ଦିଷ୍ଟ ଚ୍ୟାନେଲ ଏହା ମାଧ୍ୟମରେ ବିଜ୍ଞାପନ ମଧ୍ୟ ହାତେଇବାରେ ସକ୍ଷମ ହେଉଛନ୍ତି । ଏହାକୁ ନେଇ ପୂର୍ବରୁ ବିବାଦ ମଧ୍ୟ ଦେଖାଦେଇଥିଲା ।
ବାର୍କ, ଯେଉଁ ସଂସ୍ଥା ଏହି ଦାୟିତ୍ୱକୁ ସଠିକ ଭାବେ ନିର୍ବାହ କରିବା କଥା, ସେ କିଭଳି ଭାବେ ହେରଫେରକୁ ରୋକିବାରେ ବିଫଳ ହୋଇଛି, ତାକୁ ସାମ୍ନାକୁ ଆଣିଥିଲା କାରାଭାନ୍ । ଆଉ ଏବେ ବର୍ଖାଙ୍କ ମତ ପରେ ପ୍ରଶ୍ନ ଉଠିଛି, ଆଂଚଳିକ ସ୍ତରରେ ଖାସ୍ କରି ଓଡିଶାରେ ଟିଭି ଗୁଡିକ ପାଉଥିବା ଟିଆରପି କେତେ ବିଶ୍ୱାସଯୋଗ୍ୟ ।