କେମିତି ‘ହାତ’ ଟେକିବ କଂଗ୍ରେସ? ଫର୍ମୁଲା କହିଲେ ତାରା, ଗୋଟିଏ ବିଲେଇ ରହିବ ଭଲ ମୂଷା ଧରିବ । ନ୍ୟୁଜ୍ By Kanak News Bureau On Sep 19, 2019 - 3:00 PM 3,458 Share କନକ ବ୍ୟୁରୋ : ତାତିଲେ ତାରା । କଂଗ୍ରେସର ଏ ଦଶା ପାଇଁ କେନ୍ଦ୍ରୀୟ ନେତୃତ୍ୱଙ୍କୁ ଦାୟୀ କରିବା ସହ ପ୍ରବଳ ବର୍ଷିଛନ୍ତି ତାରା । ରାଜ୍ୟ କଂଗ୍ରେସର ସଭାପତିଙ୍କ କଥା ମାନିଲେ ହିଁ ଦଳ ଉଧେଇ ପାରିବ ବୋଲି କହିଛନ୍ତି ତାରା । ପୁଳା ପୁଳା ସମ୍ପାଦକ, କାର୍ଯ୍ୟକାରୀ ସଭାପତିଙ୍କ ପାଇଁ ଦଳକୁ ବଡ କ୍ଷତି ସହିବାକୁ ପଡିଲା । ଲକ୍ଷେ ବିଲେଇରେ ମୁଷା ମରେନାହିଁ ତେଣୁ ଗୋଟିଏ ବିଲେଇ ରହିବ ଭଲ ମୂଷା ଧରିବ । ଆଉ ଏହି ଥିଓରୀରେ ପିସିସି କାମ ଆରମ୍ଭ କରୁ ବୋଲି ତାରା କହିଛନ୍ତି । Kanak News is now on WhatsApp Join and get latest news updates delivered to you via WhatsApp Join Now ନିର୍ବାଚନ ପୂର୍ବରୁ ଏଆଇସିସି ସେକ୍ରେଟାରୀ ମାନେ ଆସି ଜିଲାୱାରୀ ନେତାଙ୍କୁ ମାଳ ମାଳ ପଦବୀ ଦେଇ ଦଳକୁ ବ୍ୟାକଫୁଟକୁ ଠେଲି ଦେଇଛନ୍ତି । ଯେଉଁ ପଦବୀର କୌଣସି ଆବଶ୍ୟକତା ନାହିଁ ସେଭଳି ହଜାର ହଜାର ପଦବୀ ସୃଷ୍ଟି କରାଗଲା । ଅଥଚ ତୃଣମୁଳସ୍ତରରେ ଦଳକୁ ସେତିକି ସଙ୍ଗଠିତ ନକରିବାରୁ ନିର୍ବାଚନରେ କଂଗ୍ରେସକୁ ବଡ ପରାଜୟର ସାମ୍ନା କରିବାକୁ ପଡିଲା । ତେଣୁ କଂଗ୍ରେସକୁ ଆଗକୁ ନେବାକୁ ହେଲେ ଜଣେ ନେତାଙ୍କୁ ଏହାର ନେତୃତ୍ୱ ନେବାକୁ ପଡିବ । ତେଣୁ ରାଜ୍ୟ କାର୍ଯ୍ୟକାରୀ ସଭାପତି, ଜୋନ ସଭାପତି ଓ ଜିଲ୍ଲା କାଯ୍ୟକାରୀ ସଭାପତି ପଦର କୌଣସି ଆବଶ୍ୟକତା ନାହିଁ । ନିର୍ବାଚନ ପୂର୍ବରୁ କେନ୍ଦ୍ରରୁ ୪ ଜଣ ଲେଖାଏଁ ସେକ୍ରେଟାରୀ ଆସିଥିଲେ କଣ ଫଳ ହେଲା । ତୃଣମୁଳସ୍ତରରେ ସଙ୍ଗଠନ ନ ଥିଲେ ମଧ୍ୟ କାର୍ଯ୍ୟକାରୀ ସଭାପତି ଓ ସେକ୍ରେଟାରୀଙ୍କ ଅନୁମୋଦନ କ୍ରମେ ଟିକେଟ ଦିଆଗଲା । ଯେଉଁଥିପାଇଁ ତୃଣମୁଳସ୍ତରରେ କଂଗ୍ରେସରେ ଗୋଷ୍ଠୀକନ୍ଦଳ ତୀବ୍ର ହୋଇଥିଲା । ଆଉ ଏହାର ଫାଇଦା ଅନ୍ୟ ଦଳକୁ ମିଳିଥିଲା । ତେଣୁ ଏହି ବ୍ୟବସ୍ଥାକୁ ବନ୍ଦ କରାଯିବା ସହ ଗୋଡଟଣା ନୀତିରୁ ଦୂରେଇ ରହିବାକୁ କର୍ମୀ ଓ ନେତାଙ୍କୁ ପରାମର୍ଶ ଦେଇଛନ୍ତି ତାରା । 3,458 Share FacebookTwitterGoogle+WhatsAppTelegramEmailPrint