ଫନି ପ୍ରଭାବିତଙ୍କୁ ମିଳିବ ଘର : ୧୪ ଜିଲ୍ଲାର ୧୨ ଲକ୍ଷ ୭୫ ହଜାର ପରିବାର ଚିହ୍ନଟ, କେନ୍ଦ୍ରକୁ ହିତାଧିକାରୀଙ୍କ ତାଲିକା ପଠାଇଲା ରାଜ୍ୟ
କନକ ବ୍ୟୁରୋ : ଫନି ପ୍ରଭାବିତ ୧୪ଟି ଜିଲ୍ଲାରେ ୧୨ ଲକ୍ଷ ୭୫ ହଜାର କ୍ଷତିଗ୍ରସ୍ତ ପରିବାରକୁ ବାସଗୃହ ଯୋଗାଇ ଦିଆଯିବ । ହିତାଧିକାରୀ ଚୟନ କରି କେନ୍ଦ୍ର ସରକାରଙ୍କୁ ତାଲିକା ପଠାଇଛନ୍ତି ରାଜ୍ୟ ସରକାର । ଖୁବଶୀଘ୍ର ହିତାଧିକାରୀଙ୍କୁ ଘର ତିଆରି କରିବା ପାଇଁ ଅର୍ଥ ପ୍ରଦାନ କରାଯିବ । ପଂଚାୟତି ରାଜମନ୍ତ୍ରୀ ପ୍ରତାପ ଜେନାଙ୍କ ଅଧ୍ୟକ୍ଷତାରେ ଅନୁଷ୍ଠିତ ସମୀକ୍ଷା ବୈଠକରେ ଏଭଳି ନିଷ୍ପତି ହୋଇଛି । ଏହି ୨୪ଟି ଜିଲ୍ଲାର ସମସ୍ତ ବିବରଣୀ କେନ୍ଦ୍ର ସରକାରଙ୍କ ଆପ୍ରେ ଅପଲୋଡ୍ କରାଯିବା ସହିତ ପ୍ରସ୍ତାବଟି କେନ୍ଦ୍ର ସରକାରଙ୍କୁ ଦିଆଯାଇଛି ।
Kanak News is now on WhatsApp
Join and get latest news updates delivered to you via WhatsApp
ତେବେ ଅବଶିଷ୍ଟ ୧୬ଟି ଜିଲ୍ଲାର ୧୦ ଲକ୍ଷ ପରିବାରକୁ ଚିହ୍ନଟ କରାଯାଇଥିବା ବେଳେ ଏହାର ଫଟୋ କେନ୍ଦ୍ର ସରକାରଙ୍କୁ ପଠାଯାଇପାରୁନାହିଁ । କାରଣ କେନ୍ଦ୍ର ସରକାର ଏଥିପାଇଁ ପ୍ରସ୍ତୁତ କରିଥିବା ଆପ୍କୁ ବର୍ତମାନ ସୁଦ୍ଧା ବ୍ଲକ କରି ରଖିଥିବା ସୂଚନା ଦେଇଛନ୍ତି ମନ୍ତ୍ରୀ ପ୍ରତାପ ଜେନା । ଏପଟେ ବିଜୁ ପକ୍କାଘର ଯୋଜନାରେ ଚଳିତବର୍ଷ ବର୍ତମାନ ସୁଦ୍ଧା ୭୫ ହଜାର ଘର ନିର୍ମାଣ କାମ ଶେଷ ହୋଇଥିବା ଏହି ବୈଠକରେ ସୂଚନା ଦିଆଯାଇଛି । ଏହି ଯୋଜନାରେ ୮ଲକ୍ଷ ଘର ନିର୍ମାଣ ପାଇଁ ଲକ୍ଷ୍ୟ ଧାର୍ଯ୍ୟ ହୋଇଛି ।