କ୍ୟାମେରାରେ କଏଦ୍ ହୋଇଛି ଏକ ହସ୍ପିଟାଲ୍ ୱାର୍ଡ ବୟର ନୃଶଂସତା । ଏକ ନବଜାତକର କାନ୍ଦ ଯୋଗୁଁ ଶୋଇନପାରିବାରୁ ୱାର୍ଡ ବୟ ଜଣକ ଶିଶୁଟିର ଗୋଡ ଭାଙ୍ଗି ଦେଇଛି । ଏହି ଅଭାବନୀୟ ଘଟଣାଟି ଘଟିଛି ଉତ୍ତରାଖଣ୍ଡରେ ।
Kanak News is now on WhatsApp
Join and get latest news updates delivered to you via WhatsApp
ଅଭିଯୋଗ ଅନୁଯାୟୀ, ୨୫ କାନୁଆରୀରେ ଜନ୍ମ ହୋଇଥିବା ଶିଶୁଟିକୁ ଚିକିତ୍ସା ପାଇଁ ଉତ୍ତରାଖଣ୍ଡ ରୁଡକିର ଏକ ପ୍ରାଇଭେଟ୍ ଡାକ୍ତରଖାନାରେ ଭର୍ତ୍ତି କରା ଯାଇଥିଲା । ତେବେ ଅଭିଯୁକ୍ତ ଜଣକ ଆରାମ କରିବା ସମୟରେ ଶିଶୁଟି କାନ୍ଦି ଉଠିଥିଲା । ପ୍ରଥମ ଥର କୌଣସି ପ୍ରକାରେ ୱାର୍ଡବୟ ଶିଶୁକୁ ଶୁଆଇ ଦେଇଥିଲା । କିନ୍ତୁ କିଛି ସମୟ ପରେ ଶିଶୁଟି ପୁଣି କାନ୍ଦି ଉଠିଥିଲା ।
ବାରମ୍ବାର ନିଦ ଭାଙ୍ଗିବାରୁ ରାଗରେ ୱାର୍ଡବୟ ଶିଶୁର ଗୋଡ ମୋଡି ଦେଇଥିଲା, ଯାହାଦ୍ୱାରା ଶିଶୁର ଗୋଡ ଭାଙ୍ଗି ଯାଇଥିଲା । ତେବେ ଘଟଣା ପରେ ଶିଶୁର ଅବସ୍ଥା ଗୁରୁତର ହେବାରେ ଲାଗିଲା । ଶେଷରେ ଶିଶୁକୁ ଡେରାଡୁନ ମେଡିକାଲକୁ ନେଇ ଯିବାପାଇଁ ପରିବାର ଲୋକଙ୍କୁ କହିଥିଲେ ଡାକ୍ତର । ଆଉ ଢେରାଡୁନ ମେଡିକାଲରେ ଶିଶୁର ଗୋଡ ଭାଙ୍ଗିଛି ବୋଲି ଜଣାପଡିଥିଲା । ତେବେ ଏସମସ୍ତ ଘଟଣା ସିସିଟିଭିରେ କଏଦ୍ ହୋଇଥିଲା ଯାହା ଅଭିଯୁକ୍ତ ଜଣକ ଜାଣିପାରିନଥିଲା ।
ସନ୍ଦେହ କରି ଶିଶୁଟିର ବାପା ଏନେଇ ପୁଲିସରେ ଅଭିଯୋଗ କରିଥିଲେ । ପୁଲିସ ମାମଲାର ଯାଞ୍ଚ କରି ସିସିଟିଭି ଫୁଟେଜରୁ ଦେଖି ଅସଲ କଥା ଜାଣି ପାରିଥିଲା । ଉକ୍ତ ଭିଡିଓ ଫୁଟେଜରେ ୱାର୍ଡବୟ ଶିଶୁର ଗୋଡ ମୋଡୁଥିବାର ଦେଖା ଯାଇଥିଲ । ପୋଲିସ ଅଭିଯୁକ୍ତ ୱାର୍ଡବୟ ବିରୋଧରେ ମାମଲା ରୁଜୁ କରି ଯାଞ୍ଚ ଆରମ୍ଭ କରିଦେଇଛି ।
ଦେଖନ୍ତୁ ୱାର୍ଡ ବୟର ନୃଶଂସତାକୁ ବୟାନ କରୁଥିବା ଭିଡିଓ :