ଜେଲରେ ପାଳିତା ଝିଅ ହନିପ୍ରୀତଙ୍କୁ ଦିନରାତି ଝୁରୁଛନ୍ତି ବାବା ରାମରହିମ ! ଭିଜିଟର ରେଜିଷ୍ଟରରେ ନାହିଁ ପତ୍ନୀଙ୍କ ନାଁ
କନକ ବ୍ୟୁରୋ : ପାଳିତ ଝିଅ ହନିପ୍ରୀତକୁ ଭେଟିବା ପାଇଁ ଜିଦ୍ କରୁଛନ୍ତି ଜେଲରେ ଥିବା ବଳାତ୍କାରୀ ବାବା ରାମ ରହିମ୍ । ଆଶ୍ରମର ଦୁଇ ସାଧ୍ୱୀଙ୍କ ସହ ଦୁଷ୍କର୍ମ କରିବା ଅଭିଯୋଗରେ ରୋହତକ୍ ଜେଲ୍ରେ ବନ୍ଦୀ ଥିବା ରାମରହିମ୍ ନିଜ ପତ୍ନୀଙ୍କୁ ଭେଟିବାକୁ ଚାହୁଁନାହାନ୍ତି, ହେଲେ ପାଳିତ ଝିଅ ହନିପ୍ରୀତକୁ ଦେଖା କରିବାକୁ ଉଚ୍ଛନ୍ନ ହେଉଛନ୍ତି । ଗତ ୨୫ ତାରିଖରୁ ଫେରାର ଅଛନ୍ତି ବାବାଙ୍କ ଏହି ଲାଡଲୀ ।
Kanak News is now on WhatsApp
Join and get latest news updates delivered to you via WhatsApp
ଦୁଇ ସାଧ୍ୱୀଙ୍କ ଦୁଷ୍କର୍ମ ମାମଲାରେ ୨୦ ବର୍ଷ ଜେଲଦଣ୍ଡ ଭୋଗୁଥିବା ବାବା ରାମ ରହିମ୍ ବାରମ୍ବାର ଖୋଜୁଛନ୍ତି ନିଜ ପୋଷ୍ୟାକନ୍ୟା ହନିପ୍ରୀତଙ୍କୁ । ପତ୍ନୀଙ୍କୁ ଦେଖା କରିବାକୁ ଚାହୁଁନାହାନ୍ତି, ହନିପ୍ରୀତଙ୍କୁ ଭେଟିବାକୁ ଉଚ୍ଛନ୍ନ ହେଉଛନ୍ତି ବଳାତ୍କାରୀ ବାବା । ରୋହତକ୍ ଜେଲ୍ରେ ଭେଟିବା ପାଇଁ ରାମରହିମ ଦେଇଥିବା ୧୦ଜଣଙ୍କ ତାଲିକାରେ ନାହିଁ ତାଙ୍କ ପତ୍ନୀ ହରଜୀତ୍ କୌରଙ୍କ ନାଁ । ହେଲେ ରହିଛି ତଥାକଥିତ ପାଳିତ ଝିଅ ହନିପ୍ରୀତଙ୍କ ନାମ । ଏହି ତାଲିକାରେ ହନିପ୍ରୀତଙ୍କ ଛଡ଼ା ମାଆ ନସିବ କୌର୍, ପୁଅ-ବୋହୂ, ଦୁଇ ଝିଅ-ଜ୍ୱାଇଁଙ୍କ ନାମ ରହିଛି । ହେଲେ ହନିପ୍ରୀତଙ୍କୁ ଭେଟିବା ଲାଗି ବାରମ୍ବାର ଜେଲ୍ କର୍ତୃପକ୍ଷଙ୍କୁ ଗୁହାରି କରୁଛନ୍ତି ରାମରହିମ । ଏପଟେ ହନିପ୍ରୀତଙ୍କୁ ପୁଲିସ ଖୋଜୁଥିବା ବେଳେ ତାଙ୍କର କୌଣସି ପତ୍ତା ମିଳୁନାହିଁ ।
୨୫ ତାରିଖରେ ବାବାଙ୍କୁ ରୋହତକ୍ ଜେଲ୍ ନିଆଯିବା ସମୟରେ ତାଙ୍କ ସହ ଦେଖିବାକୁ ମିଳିଥିଲା ହନିପ୍ରୀତଙ୍କୁ । ଏହା ପରେ ତାଙ୍କର କୌଣସି ପତ୍ତା ମିଳୁନାହିଁ । ବାବାଙ୍କୁ କୋର୍ଟ ବାହାରୁ ବାବାଙ୍କୁ ଖସେଇ ନେବା ଅଭିଯୋଗରେ ହରିୟାଣା ପୋଲିସ, ହନିପ୍ରୀତଙ୍କ ବିରୋଧରେ ଦେଶଦ୍ରୋହୀ ମାମଲା ରୁଜୁ କରି ଲୁକଆଉଟ ନୋଟିସ ଜାରି କରିଛି । ଅନୁମାନ କରାଯାଉଛି, ଗିରଫଦାରୀ ଭୟରେ ନେପାଳକୁ ଖସି ପଳାଇଛନ୍ତି ହନିପ୍ରୀତ ।