ରାମ ରହିମଙ୍କ ଗ୍ରାମରେ ହନିପ୍ରୀତ ଲୁଚିଥିବା ପୁଲିସର ସନ୍ଦେହ !

1

କନକ ବ୍ୟୁରୋ : ଗୁରମିତ ରାମ ରହିମଙ୍କ ପୋଷ୍ୟକନ୍ୟା ହନିପ୍ରୀତଙ୍କୁ ଗିରଫ କରିବା ପାଇଁ ହରିୟାଣା ପୁଲିସ ନେପାଳ ସୀମାରେ ଥିବା ବିହାରର ୭ଟି ଜିଲ୍ଲାରେ ହାଇ ଆଲର୍ଟ ଜାରି କରିଥିଲା । ଏଥିପାଇଁ ପୁଲିସର କେତେକ ସ୍ୱତନ୍ତ୍ର ଟିମ୍ ନେପାଳରେ ଛାନଭିନ୍ ଜାରି ରଖିଛନ୍ତି । ରାଜସ୍ଥାନ ଶ୍ରୀଗଙ୍ଗନଗରରେ honey preetହନିପ୍ରୀତ୍ ଲୁଚି ରହିଥିବା ଖବର ଗୁରୁବାର ମିଳିଛି । ଏହାପରେ ପୁଲିସ ଶ୍ରୀଗଙ୍ଗନଗରରେ ଥିବା ଏକ ଗାଲର୍ସ ସ୍କୁଲକୁ ଘେରାଉ କରି ଦେଇଛି, କିନ୍ତୁ ହନିପ୍ରୀତ ଏଠାରେ ଅଛନ୍ତି କି ନାହିଁ ତାହା ଏଯର୍ଯ୍ୟନ୍ତ ସ୍ପଷ୍ଟ ହୋଇନାହିଁ।

ପୁଲିସ ସୂତ୍ରରୁ ପ୍ରକାଶ, ଶ୍ରୀଗଙ୍ଗନଗର ଜିଲ୍ଲା ଗୁରସର ମୋଡିଆ ଅଞ୍ଚଳରେ ଥିବା ଏକ ଗାଲର୍ସ ସ୍କୁଲରେ ହନିପ୍ରୀତ ଲୁଚି ରହିଥିବା ଖବର ମିଳିଥିଲା । ଏହି ସୂଚନା ପାଇବା ମାତ୍ରେ ହରିୟାଣା ପୁଲିସ ଓ ରାଜସ୍ଥାନ ପୁଲିସ ଟିମ୍ ଘଟଣାସ୍ଥଳରେ ଯାଇ ପହଞ୍ଚି ଥିଲେ । ତିନିଟି ଥାନାର ଫୋର୍ସକୁ ସ୍କୁଲ ଚାରି ପାଖରେ ମୁତୟନ କରାଯାଇଛି  । ସର୍ଚ୍ଚ ଅପରେସନ୍ ଜାରି ରହିଛି।  ଉଲ୍ଲେଖଯୋଗ୍ୟ, ଗୁରୁସର ମୋଡିଆ ଗୁରମିତ ରାମ ରହିମଙ୍କ ଗ୍ରାମ । ଯେଉଁଠାରେ ଡେରା ସଚ୍ଚା ସୌଦା ଏକ ସ୍କୁଲ ପରିଚାଳନା ମଧ୍ୟ କରୁଥିଲେ ।

Comments are closed.