ବେକାରୀ ସମସ୍ୟାରୁ ନିବୃତ୍ତି ପାଇଁ ଯୁବକ ଆପଣେଇଲେ ଅଦ୍ଭୁତ ଉପାୟ : ରାସ୍ତାରେ ବାଣ୍ଟିଲେ ରିଜ୍ୟୁମ୍, ଗୁଗଲ ସମେତ ୨୦୦ କମ୍ପାନୀରୁ ଆସିଲା ଅଫର୍
ଆମେରିକାର ସିଲିକନ୍ ଭ୍ୟାଲିରେ ରହୁଥିବା ଡେଭିଡ୍ କେସାରେଜ୍ ବେକାରୀ ସମସ୍ୟାରୁ ବାହରିବା ପାଇଁ ଏକ ଅଦ୍ଭୁତ ଉପାୟ ଆପଣେଇଛନ୍ତି । ସେ ହାର ନମାନି ରାସ୍ତାରେ ନିଜର ରିଜ୍ୟୁମ ବାଣ୍ଟିବା ଆରମ୍ଭ କରିଦେଲେ । ଏହା ସହିତ ନିଜ ହାତରେ ପୋଷ୍ଟର ବି ଧରିଥିଲେ, ଯେଉଁଥିରେ ଲେଖାଥିଲା କି ‘ନିରାଶ୍ରୟ କିନ୍ତୁ ସଫଳତାର ଭୋକ, ରିଜ୍ୟୁମ ନିଅନ୍ତୁ ।’ ୱେବ ଡେଭଲପରର କାମ କରିସାରିଥିବା ଏହି ବ୍ୟକ୍ତିଙ୍କ ଉପାୟ କାମ କରିଗଲା ଓ ତାଙ୍କୁ ଗୁଗଲ, ଲିଙ୍କଡିନ୍ ସମେତ ୨୦୦ କମ୍ପାନୀରୁ ଅଫର ଆସିବାକୁ ଲାଗିଲା ।
Kanak News is now on WhatsApp
Join and get latest news updates delivered to you via WhatsApp
ଡେଭିଡଙ୍କ ଏହି ଉପାୟ ସେତେବେଳେ କାମ କଲା ଯେତେବେଳେ ଜଣେ ମହିଳା ତାଙ୍କ ଫଟୋ ରିଜ୍ୟୁମ ସହିତ ଟ୍ୱିଟରରେ ପୋଷ୍ଟ କଲେ । ଏହାପରେ ଚାକିରୀର ସୁଅ ଛୁଟିଥିଲା । ଏବେ ତାଙ୍କୁ ବଡ ବଡ କମ୍ପାନୀରୁ ଫୋନ ଆସୁଛି । ଟେକ୍ସାସ ୟୁନିଭର୍ସିଟି ରୁ ମ୍ୟାନେଜମେଣ୍ଟ ର ଶିକ୍ଷା ଗ୍ରହଣ କରିସାରିଥିବା ଡେଭିଡଙ୍କୁ ଚାକିରୀରୁ ବାହାର କରିଦିଆଯାଇଥିଲା । ସେ ବର୍ଷ ୨୦୧୪ରୁ ୨୦୧୭ ପର୍ଯ୍ୟନ୍ତ ଜେନେରାଲ ମୋଟର୍ସ ରେ କାମ କରିଥିଲେ ।