କନକ ବ୍ୟୁରୋ : ହୋମଗାର୍ଡ ସନ୍ଦୀପ ହାତୀଙ୍କ ମୃତ ଦେହକୁ ଗ୍ରହଣ କଲେ ପରିବାର ବର୍ଗ । ପ୍ରଶାସନ ସମ୍ପର୍କୀୟଙ୍କ ମଧ୍ୟରେ ଆପୋଷ ଆଲୋଚନା ପରେ ବିବାଦର ସମାଧାନ । ଅନ୍ତିମ ସଂସ୍କାର ପାଇଁ ରେଡକ୍ରସ ପାଣ୍ଠିରୁ ୨୫ହଜାର ଓ ଡିସିପିଙ୍କ ଫଣ୍ଡରୁ ୨୫ହଜାର ସହାୟତା ରାଶି ପରିବାରକୁ ଦିଆଯାଇଛି । ଏହାସହ ମୃତକଙ୍କ ପରିବାରକୁ ୩ ଲକ୍ଷ ଟଙ୍କା ଓ ଜଣଙ୍କୁ ଚାକିରି ଦେବାକୁ ପ୍ରତିଶ୍ରୁତି ଦେଇଛନ୍ତି ସତ୍ୟବାଦୀ ବିଧାୟକ ଉମା ସାମନ୍ତରାୟ ।
Kanak News is now on WhatsApp
Join and get latest news updates delivered to you via WhatsApp
ହଳଦିଆପଡାରେ ସନ୍ଦୀପଙ୍କ ଅନ୍ତିମ ସଂସ୍କାର କରାଯିବ। ଗତକାଲି ବିଳମ୍ବିତ ରାତିରେ କଟକ ଏସସିବିରେ ହୋମଗାର୍ଡ ସନ୍ଦୀପ ହାତୀଙ୍କ ମୃତ୍ୟୁ ହୋଇଛି । ଆତ୍ମାହୁତି ଉଦ୍ୟମ ପରେ ସେ ଗୁରୁତର ହୋଇପଡିଥିବାରୁ ଏସସିବିରେ ଚିକିତ୍ସିତ ହେଉଥିଲେ । କିନ୍ତୁ ଅବସ୍ଥା ସଂକଟାପର୍ଣ୍ଣ ହେବାରୁ ତାଙ୍କୁ ଏସସିିବିର ଟ୍ରମା ଆଇସିୟୁକୁ ସ୍ଥାନାନ୍ତର କରାଯାଇଥିଲା । ବିଳମ୍ବିତ ରାତିରେ ତାଙ୍କର ମୃତ୍ୟ ହୋଇଛି ।
ଚାକିରିରୁ ଛଟେଇ ପ୍ରତିବାଦରେ ନବୀନ ନିବାସ ସାମ୍ନାରେ ଦେହରେ ନିଆଁ ଲଗାଇ ଆତ୍ମାହୁତି ଉଦ୍ୟମ କରିଥିଲେ ସନ୍ଦୀପ । ତାଙ୍କର ଶରୀରର ପ୍ରାୟ ୭୫ ଭାଗ ପୋଡିଯାଇଥିଲା। ସନ୍ଦୀପ ଜଣେ ହୋମଗାର୍ଡ ଭାବେ କାମ କରୁଥିବାବେଳେ କୌଣସି କାରଣରୁ ତାଙ୍କୁ ଚାକିରିରୁ ନିଲମ୍ବିତ କରାଯାଇଥିଲା । ପୁନଃ ଚାକିରିରେ ଅବସ୍ଥାପିତା କରିବା ପାଇଁ ସେ ବିଭାଗୀୟ ଅଧିକାରୀଙ୍କୁ ବାରମ୍ବାର ଅନୁରୋଧ କରି ନିରାଶ ହେବା ପରେ ଏଭଳି ଚରମ ପଦକ୍ଷେପ ନେଇଥିଲେ ।
ଏହା ସହ ଦେଖନ୍ତୁ ଏହି ଭିଡିଓ –