ପୁଲିସ୍ ବାବୁଙ୍କ ଦବଙ୍ଗଗିରି ! ମଝି ରାସ୍ତାରେ ହୋମଗାର୍ଡଙ୍କ ଥାର୍ଡଡିଗ୍ରୀ
କନକ ବ୍ୟୁରୋ : ବିଚ୍ ରାସ୍ତାରେ ପୁଲିସର ଦବଙ୍ଗଗିରି । ଚୋରି ଅଭିଯୋଗରେ ଜଣେ ଅଭିଯୁକ୍ତଙ୍କୁ କିଭଳି ବ୍ୟବହାର କରେ ପୁଲିସ୍, ତାର ଏକ ନିଚ୍ଛକ ଉଦହାରଣ ଦେଖିବାକୁ ମିଳିଛି ବାରିପଦାରେ । ଆଇନ୍ କାନୁନ୍ ଭୁଲି ଯାଇ ବିଚାରକ ସାଜିଲେ ପୁଲିସ୍ । ଯାହାର ଚିତ୍ର ଦେଖିଲେ ଆପଣ ବି କହିବେ- ଇଏ, ପୁଲିସ ନା’ ଗୁଣ୍ଡା ।
Kanak News is now on WhatsApp
Join and get latest news updates delivered to you via WhatsApp
ସୂଚନା ଅନୁସାରେ, ସାଇକେଲ ଚୋରୀ ଅଭିଯୋଗରେ ମଝିଗାଁର ବୟ ସର୍ଦ୍ଦାରଙ୍କୁ ଅକଥନୀୟ ଅତ୍ୟାଚାର କରିଥିଲେ ଝରାଡିହ ଫାଣ୍ଡିରେ ହୋମଗାର୍ଡ ଉପେନ୍ଦ୍ର ବେହେରା । କେହି କିଛି ବୁଝିବା ଆଗରୁ ଆରମ୍ଭ ଅଶ୍ଲୀଳ ଭାଷାରେ ଗାଳିଗୁଳଜ କରିବା ସହ ହାତବାନ୍ଧି ତଳେ ପକାଇ କାଠ ଫାଳିଆରେ ଆଖିବୁଜି ମାରିଚାଲିଥିଲେ ।
ସାଇକେଲ ଚୋରୀ ଅଭିଯୋଗରେ ମଝିଗାଁର ବୟ ସର୍ଦ୍ଦାରଙ୍କୁ ଏଭଳି ମାଡ଼ ମାରିଥିବା ଅଭିଯୋଗ ହୋଇଛି । ଏହି ଘଟଣା ପରେ ଥାନାରେ ଅଭିଯୋଗ ପାଇଁ ପହଂଚିଥିଲେ ସୁଦ୍ଧା ଅଭିଯୋଗ ବି ଗ୍ରହଣ କରିନି ପୁଲିସ । ଏଠି
ପ୍ରଶ୍ନ ଉଠୁଛି-
– ହୋମଗାର୍ଡ ଜଣକ ଆଇନକୁ ହାତକୁ ନେଲେ କାହିଁକି ?
-ନିଜେ ବିଚାରପତି ସାଜି, ତାଙ୍କୁ ନ୍ୟାୟ ଦେବାକୁ କିଏ ଅଧିକାର ଦେଲା ?
-ପୁଲିସ କାହିଁକି ଗ୍ରହଣ କରୁନି ଅଭିଯୋଗ ?
-ସାଇକେଲ ଚୋରିର ଅଭିଯୋଗ ପ୍ରମାଣିତ ହୋଇଥିଲା କି ?
ଏକ ହୋଟେଲରେ କାମ କରନ୍ତି ବୟ ସର୍ଦ୍ଦାର । ତାଙ୍କ ନାଁରେ ଚୋରି ଭଳି କୌଣସି ଅଭିଯୋଗ ନଥିବା କହିଛନ୍ତି ସ୍ଥାନୀୟ ଲୋକ । ତେବେ ଏହି ପୁରା ଘଟଣାରେ ପୁଲିସର ପ୍ରତିକ୍ରିୟା ନେବାକୁ ଚେଷ୍ଟା କରାଯାଇଥିଲେ ସୁଦ୍ଧା କେହିବି କ୍ୟାମେରା ଆଗରେ ମୁହଁ ଖୋଲୁ ନାହାଁନ୍ତି ।
ଅନ୍ୟପଟେ ଦାଦାଗିରି ଯୋଗୁଁ ନବରଙ୍ଗପୁର ଡାବୁ ଗାଁ ଥାନା ଆଇଆଇସି ସୁବାସ ରାୟଗୁରୁଙ୍କୁ ଦିଆଯାଇଛି ବଦଳି ନିର୍ଦ୍ଦେଶ । ଜିଲ୍ଲା ହେଡକ୍ୱାର୍ଟରଙ୍କୁ ସୁବାସଙ୍କୁ ବଦଳି କରାଯାଇଛି । ଏହା ସହ ଆଇଆଇସିଙ୍କ ନାଁରେ ମାମଲା ରୁଜୁ କରାଯାଇଥିବା ଉମରକୋଟ ଏସଡିପିଓ ସୂଚନା ଦେଇଛନ୍ତି । ଗତକାଲି ଜଣେ ଚାଷୀଙ୍କ ମକା ଚାଷ ଜମିରେ ପୁଲିସ ଗାଡି ବୁଲାଇଥିଲେ ଏହି ଆଇଆଇସି । ଏପରିକି ଚାଷୀଙ୍କୁ ଗାଡିରେ ଚପାଇ ଦେବାକୁ ମଧ୍ୟ ଧମକ ଦେଇଥିଲେ । ଯେଉଁଥି ପାଇଁ ତାଙ୍କ ଜୀବନ ପ୍ରତି ଭୟ ଥିବା କହିଛନ୍ତି ପୋଲିସ ବାବୁଙ୍କ ଦାଦାଗିରିର ଶିକାର ହୋଇଥିବା ପିଂଟୁ ବିଷୋୟୀ ।