ଦୀପିକାଙ୍କ ପ୍ରେମରେ ହଲିଉଡ କୋରିଓଗ୍ରାଫର ମିୟା ! ବଲିଉଡ ଫିଲ୍ମରେ କୋରିଓଗ୍ରାଫି କରିବାକୁ ଆଗ୍ରହୀ
ହଲିଉଡର ଜଣାଶୁଣା କୋରିଓଗ୍ରାଫର ମିୟା ମିଶେଲ ବର୍ତ୍ତମାନ ବଲିଉଡରେ ପ୍ରବେଶ କରିବାକୁ ଚାହୁଁଛନ୍ତି । କିନ୍ତୁ ସେ ଅଭିନୟ ନୁହେଁ କୋରିଓଗ୍ରାଫି କରିବା ପାଇଁ ଇଚ୍ଛା ପ୍ରକାଶ କରିଛନ୍ତି । ମିୟା ମିଶେଲ ମଡୋନା, ରିକି ମାର୍ଟିନ, ସୋଲିନ ଡିୟୋନ ଓ ଟମ କ୍ରୁଜଙ୍କ ସହ କାମ କରିସାରିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ମିୟା କହିଛନ୍ତି ସେ ବର୍ତ୍ତମାନ ବଲିଉଡରେ କୋରିଓଗ୍ରାଫି କରିବା ପାଇଁ ଚାହୁଁଛନ୍ତି । ସେ ବଲିଉଡ ଅଭିନେତ୍ରୀ ଦୀପିକା ପାଦୁକୋନଙ୍କ ସହ କାମ କରିବା ପାଇଁ ଆଗ୍ରହ ପ୍ରକାଶ କରିଛନ୍ତି । ଏହାସହ ସେ ଭାରତୀୟ ଫିଲ୍ମ ନିର୍ମାଣ ପ୍ରତି ନିଜର ଆନ୍ତରିକତା ଦେଖାଇଛନ୍ତି । ଗଣମାଧ୍ୟମ ପ୍ରତିନିଧିଙ୍କ ସହ ଆଲୋଚନା ବେଳେ ମିୟା କହିଥିଲେ ଯେ ତାଙ୍କ ଉଦ୍ଦେଶ୍ୟ ଏବେ ବଲିଉଡରେ କାମ କରିବା । ବଲିଉଡ ଦୁନିଆକୁ ଭଲପାଉଥିବାରୁ ସେ ବଲିଉଡରେ କାମ କରିବା ପାଇଁ ଚାହୁଁଛନ୍ତି ବୋଲି ମଧ୍ୟ ମିୟା କହିଛନ୍ତି ।
ଏହାସହ ବଡ ପ୍ରଡକସନ ସହିତ କାମ କରିବା ଏବଂ ଲୋକଙ୍କୁ ଶିଖାଇବା ତାଙ୍କର ପସନ୍ଦ ବୋଲି ମିୟା ପ୍ରକାଶ କରିଛନ୍ତି । ବଲିଉଡ ଫିଲ୍ମ ବିଷୟରେ ସେ କହିଥିଲେ ଯେ ‘ବାଜୀରାଓ ମସ୍ତାନୀ’ ତାଙ୍କର ଫେଭରେଟ ଫିଲ୍ମ ଏବଂ ଦୀପିକା ତାଙ୍କୁ ଭଲ ଲାଗନ୍ତି । କାରଣ ଦୀପିକା ପୁରା ପ୍ୟାସନ ସହିତ ଡ୍ୟାନ୍ସ କରନ୍ତି ।