ଆଜି ରଙ୍ଗର ପର୍ବ ହୋଲି । ପରସ୍ପର ମଧ୍ୟରେ ଖୁସି ବାଂଟିବାର ପର୍ବ ଏହି ରଙ୍ଗର ପର୍ବ । ହୋଲିଖେଳନ୍ତୁ କିନ୍ତୁ ସତର୍କତାର ସହ
କନକ ବ୍ୟୁରୋ: ଆଜି ରଙ୍ଗର ପର୍ବ ହୋଲି । ଭାଇଚାରା ଓ ସଦଭାବନାର ପର୍ବ । ପରସ୍ପର ମଧ୍ୟରେ ଖୁସି ବାଂଟିବାର ପର୍ବ ଏହି ରଙ୍ଗର ପର୍ବ । ରାଗ ଦ୍ୱେଷ ଭୁଲି ପରସ୍ପରକୁ ରଙ୍ଗ, ଅବିର ବୋଳି ଶୁଭେଛା ଜଣାଉଛନ୍ତି ସମସ୍ତେ । ତେବେ ୨ ଦିନ ଆଗରୁ ବିଭିନ୍ନ ଶିକ୍ଷାନୁଷ୍ଠାନ ଓ କାର୍ଯ୍ୟାଳୟରେ ହୋଲି ଆରମ୍ଭ ହୋଇଯାଇଛି । ରାଜଧାନୀର ବିଭିନ୍ନ ସ୍ଥାନରେ ହର୍ବାଲ ହୋଲି ଖେଳାଯିବାର ସୂଚନା ମିଳିଛି । ସେହିପରି ରାଜ୍ୟର ବିଭିନ୍ନ ଅଂଚଳରେ ଆଜି ଦହିହାଣ୍ଡି ଭାଙ୍ଗି ହୋଲି ଖେଳର ମଜା ଲୁଟିବେ ଯୁବ ପୀଢି । ତେବେ ହୋଲି ଅବସରରେ ରାଜ୍ୟବାସୀଙ୍କୁ ଶୁଭେଚ୍ଛା ଜଣାଇଛନ୍ତି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ।
Kanak News is now on WhatsApp
Join and get latest news updates delivered to you via WhatsApp
ଅନ୍ୟ ପକ୍ଷରେ ସିଂହଦ୍ୱାର ସମ୍ମୁଖରେ ବିଦେଶୀ ଭକ୍ତ ମାନେ କୃଷ୍ଣନାମ ଜପ କରିବା ସହ ନିଜ ନିଜ ଭିତରେ ରଙ୍ଗ ବୋଳି ହୋଲି ପର୍ବ ପାଳନ କରିଛନ୍ତି । ଭକ୍ତ ଓ ଭଗବାନଙ୍କର ଏହି ପର୍ବକୁ ଖୁବ ଆନନ୍ଦର ସହ ପାଳନ କରିଛନ୍ତି ବିଦେଶୀ । ଶ୍ରୀମନ୍ଦିରରେ ଦୋଳପୂର୍ଣ୍ଣିମା ଦିନ ମହାପ୍ରଭୁ ସୁନାବେଶରେ ଦର୍ଶନ ଦେଇଛନ୍ତି । ଅନ୍ୟପଟେ ତାଙ୍କ ଚଳନ୍ତି ପ୍ରତିମା ଦୋଳଗୋବିନ୍ଦ, ଭୁଦେବୀ ଓ ଶ୍ରୀଦେବୀ ବିମାନରେ ଦୋଳବେଦୀରେ ଭକ୍ତଙ୍କ ସହ ଫଗୁ ଖେଳିଛନ୍ତି । ଆଉ ଏହି ପରମ୍ପରାକୁ ସାଉଁଟିଛନ୍ତି ବିଦେଶୀ ଭକ୍ତ ।
• ରଙ୍ଗର ପର୍ବ ହୋଲି । ପରସ୍ପରକୁ ରଙ୍ଗ ଓ ଫଗୁ ବୋଳି ଖୁସି ମନେଇବା ଅବସର । ତେବେ ହୋଲି ଖେଳିବା ବେଳେ ସତର୍କ ରୁହନ୍ତୁ ।
• ହୋଲି ଖେଳିବା ବେଳେ କେବଳ ପ୍ରାକୃତିକ ରଙ୍ଗ ଓ ଫଗୁ ବ୍ୟବହାର କରନ୍ତୁ ।
• ରାସାୟନିକ ରଙ୍ଗ ମାରାତ୍ମକ ହୋଇଥାଏ । ତେଣୁ ରାସାୟନିକ ରଙ୍ଗଠାରୁ ଦୂରେଇ ରୁହନ୍ତୁ ।
• ହୋଲି ଖେଳିବାବେଳେ ଆଖିର ଯତ୍ମ ନିଅନ୍ତୁ । ରଙ୍ଗ ଖେଳିବା ପୂର୍ବରୁ ଦେହରେ ସ୍କିନ କ୍ରିମ, ନଡିଆତେଲ କିମ୍ବା ସନସ୍କିନ ଲୋଶନ ବ୍ୟବହାର କରନ୍ତୁ ।
• ଆଖିରେ ରଙ୍ଗ ଭର୍ତ୍ତି ବେଲୁନ ମାଡ ହେଲେ ସାଙ୍ଗେ ସାଙ୍ଗେ ଆଖିରେ ପାଣିରେ ଧୋଇଦିଅନ୍ତୁ ।
• ଆଖି ଜଳାପୋଡା ହେଲେ ସାଙ୍ଗେ ସାଙ୍ଗେ ଡାକ୍ତରଙ୍କୁ ଦେଖାନ୍ତୁ ।
• ରଙ୍ଗ ଛଡାଇବା ଲାଗି ଶରୀରକୁ ସାବୁନ କିମ୍ବା କିରୋସିନିରେ ଧୁଅନ୍ତୁ ନାହିଁ ।
• ହାଲକା ସ୍କ୍ରିନ କ୍ରିମ ବ୍ୟବହାର କରି ଧୀରେ ଧୀରେ ରଙ୍ଗ ଲାଗିଥିବା ସ୍ଥାନକୁ ଘଷନ୍ତୁ ।