ଟ୍ରେନ ଟ୍ରାକରେ ଫାଟ । ଦୁର୍ଘଟଣାରୁ ଅଳ୍ପକେ ବର୍ତିଲା ହୀରାଖଣ୍ଡ ଏକ୍ସପ୍ରେସ : କୋରାପୁଟ ଯିବାବେଳେ ସିଙ୍ଗାପୁର ଷ୍ଟେସନ ନିକଟରେ ଫାଟ ନେଇ ମିଳିଲା ସୂଚନା
ଟ୍ରେନ ଟ୍ରାକରେ ଫାଟ । ଦୁର୍ଘଟଣାରୁ ଅଳ୍ପକେ ବର୍ତିଲା ହୀରାଖଣ୍ଡ ଏକ୍ସପ୍ରେସ
କନକ ବ୍ୟୁରୋ : ଟ୍ରେନ ଟ୍ରାକରେ ଫାଟ । ଦୁର୍ଘଟଣାରୁ ଅଳ୍ପକେ ବର୍ତିଲା ହୀରାଖଣ୍ଡ ଏକ୍ସପ୍ରେସ । ଟ୍ରେନ କୋରାପୁଟ ଅଭିମୁଖେ ଯିବାବେଳେ ସିଙ୍ଗାପୁର ଷ୍ଟେସନ ନିକଟରେ ଟ୍ରାକରେ ଫାଟ ଥିବା ଜଣାପଡିଥିଲା । ଫଳରେ ହୀରାଖଣ୍ଡ ଏକ୍ସପ୍ରେସକୁ ଅଟକାଯାଇଥିଲା । ତେବେ ମିଳିଥିବା ସୂଚନା ଅନୁସାରେ ପାଖାପାଖି ୪୦ ମନିଟ ଧରି ଟ୍ରେନ ଟ୍ରାକ ଉପରେ ହିଁ ଅଟକି ରହିଥିଲା । ଏ ସମ୍ପର୍କରେ ଖବର ପାଇବା ପରେ ରେଳ ବିଭାଗର ଅଧିକାରୀ ମାନେ ଘଟଣାସ୍ଥଳରେ ପହଞ୍ଚି ଲାଇନର ମରାମତି କରିଥିଲେ । ପ୍ରଥମେ ଲୋକେ ଟ୍ରାକରେ ଫାଟ ଥିବା ଜଣାଇବା ପରେ ତାକୁ ମରାମତି କରାଯାଇଥିଲା ଓ ଟ୍ରେନଟି କୋରାପୁଟ ଅଭିମୁଖେ ପୁଣି ଯାତ୍ରା କରିଛି ।
Kanak News is now on WhatsApp
Join and get latest news updates delivered to you via WhatsApp
କିପରି ଭାବରେ ରେଳ ଧାରଣାରେ ଫାଟ ସୃଷ୍ଟି ହୋଇଛି ତାହାର ଉତ୍ତରରେ ରେଳ ବିଭାଗର ଜଣେ ଅଧିକାରୀ କହିଛନ୍ତି ଯେ, ଶୀତ ଓ ଖରାରେ ଏପରି ଭାବରେ ଫାଟ ହୋଇଛି । ଏହାର ମରାମତି କରାଯାଉଛି । ପୂର୍ବରୁ ମଧ୍ୟ ହି ଟ୍ରେନ ଦୁର୍ଘଟଣାଗ୍ରସ୍ତ ହେବା ସହ ଅନେକ ଲୋକଙ୍କ ମୃତ୍ୟୁ ହୋଇଥିଲା । ଏହି ଫାଟ ସମ୍ପର୍କରେ ସୂଚନା ମିଳିବା ପରେ ଟ୍ରେନରେ ଥିବା ଯାତ୍ରୀ ଆତଙ୍କିତ ହୋଇପଡିଥିବା ସୂଚନା ମିଳିଛି ।