ଆଜିଠୁ ଆରମ୍ଭ ହେଉଛି କାର୍ତିକ ବତ୍ର! ପୁରୀରେ ହବିଷ୍ୟାଳିଙ୍କ ଗହଳି, ରହିବା ପାଇଁ ରାଜ୍ୟ ସରକାରଙ୍କ ପକ୍ଷରୁ ସ୍ୱତନ୍ତ୍ର ବ୍ୟବସ୍ଥା
କନକ ବ୍ୟୁରୋ : ଆଜିଠୁ ଆରମ୍ଭ ହେଉଛି ପବିତ୍ର କାର୍ତିକ ମାସ । ପୁଣ୍ୟ ଓ ଧର୍ମର ମାସ । ଏହି କାର୍ତିକ ମାସରେ ସାଧାରଣ ଲୋକ କାର୍ତିକ ବ୍ରତ କରିଥାନ୍ତି । ଆଉ ଏଥିପାଇଁ ଶ୍ରୀକ୍ଷେତ୍ରଧାମ ପୁରୀରେ ହବିଷ୍ୟାଳିଙ୍କ ଗହଳି ଜମୁଛି । ରାଜ୍ୟ ସରକାର ଚଳିତ ବର୍ଷ ମଧ୍ୟ ହବିଷ୍ୟାଳିଙ୍କ ରହିବା ପାଇଁ ହବିଷ୍ୟାଳି ରହଣୀସ୍ଥଳୀ ବ୍ୟବସ୍ଥା କରିଛନ୍ତି । ଚଳିତବର୍ଷ ରାଜ୍ୟସରକାର ୩ହଜାର ହବିଷ୍ୟାଳୀଙ୍କ ପାଇଁ ମାଗଣାରେ ରହିବା ପାଇଁ ବ୍ୟବସ୍ଥା କରିଛନ୍ତି । ଖାଲି ମାଗଣା ନୁହଁ ବରଂ ମହାପ୍ରସାଦ ଦିଆଯିବା ପାଇଁ ବ୍ୟବସ୍ଥା ହୋଇଛି । ଏହାସହ ସେମାନଙ୍କ ରହଣୀ ସ୍ଥଳନିକଟରେ ସ୍ୱାସ୍ଥ୍ୟ ସେବା, ଦମକଳ ସେବା, ଓ ଆମ୍ବୁଲାନ୍ସର ବ୍ୟବସ୍ଥା କରାଯାଇଛି । ରାଜ୍ୟ ସରକାରଙ୍କ ହବିଷ୍ୟାଳି ଯୋଜନାକୁ ମୁଖ୍ୟମନ୍ତ୍ରୀ ଭୁବନେଶ୍ୱରରୁ ଆଜି ଅନଲାଇନରେ ଉଦଘାଟନ କରିବାର କାର୍ୟ୍ୟକ୍ରମ ରହିଛି।
Kanak News is now on WhatsApp
Join and get latest news updates delivered to you via WhatsApp
ସେହିପରି ତୀର୍ଥ ପୁଷ୍କରିଣିରେ ଅଘଟଣକୁ ଦୁରେଇବାପାଇଁ ଲାଇଫଗାର୍ଡର ବ୍ୟବସ୍ଥା କରାଯାଇଛି । ହବିଷ୍ୟାଳୀଙ୍କ ପାଇଁ ବିଦ୍ୟୁତ ସେବା, ସୁରକ୍ଷା ବ୍ୟବସ୍ଥାକୁ ନଜର ରଖିବାପାଇଁ ୨୪ ଘଂଟିଆ କଂଟ୍ରୋଲ ରୁମ ଖୋଲାଯାଇଛି । ସେହିପରି ଶୀତଦିନ ହୋଇଥିବାରୁ ଗରମ ପାଣିର ବ୍ୟବସ୍ଥା ସହ ଭାଗବତ ପାରାୟଣର ବ୍ୟବସ୍ଥା କରାଯାଇଛି ।