ଏଭଳି ଏକ ଗାଁ ଯେଉଁଟି ବହେ ଭାଇଚାରାର ପବନ! ଯେଉଁଠି ମୁସଲିମ୍,ଶିଖ୍ ଏବଂ ହିନ୍ଦୁଙ୍କ ମଧ୍ୟରେ ନାହିଁ ଅନ୍ତର ।
ସୋସିଆଲ୍ ମିଡିଆରେ ବେଳେବେଳେ ଧର୍ମ,ଜାତିକୁ ନେଇ ବିଭିନ୍ନ ବାଦବିବାଦ ଲାଗି ରହିଥାଏ । ଲୋକେ ସୋସିଆଲ୍ ମିଡିଆର ଜାଲରେ ପଡି ନିଜ ନିଜ ମଧ୍ୟରେ ଥିବା ଭାଇଚାରାକୁ ସଂକଟରେ ପକାଇବା ପାଇଁ ତିଳେମାତ୍ର ସମୟ ମଧ୍ୟ ନେଉନାହାନ୍ତି । କିନ୍ତୁ ଏହି ସୋସିଆଲ୍ ସାଇଟରୁ ଯଦି ବାହାରି ଦେଖିବେ ତେବେ ଏବେ ବି ବହୁ ଦୃଷ୍ଟାନ୍ତ ରହିଛି ଯାହା ଲୋକଙ୍କ ମନରେ ଭାଇଚାରାର ଉଦାହରଣ ସୃଷ୍ଟି କରିବାରେ ଆଗଭର ।
Kanak News is now on WhatsApp
Join and get latest news updates delivered to you via WhatsApp
ତେବେ ଆଜି ଆମେ ଆପଣଙ୍କୁ ଏଭଳି ଏକ ଗାଁ’ର ଲୋକଙ୍କ କଥା କହିବାକୁ ଯାଉଛୁ ଯେଉଁମାନଙ୍କ ଭାଇଚାରାର ଉଦାହରଣ ସମସ୍ତଙ୍କ ପାଇଁ ମିଶାଲ୍ ହୋଇରହିଛି । ପଞ୍ଜାବର ମୁମ୍ ନାମକ ଏକ ଗାଁର ଲୋକମାନେ ମିଶି ଉକ୍ତ ସ୍ଥାନରେ ଏକ ମସଜିଦ୍ ତିଆରି କରିବାରେ ସଫଳ ହୋଇଛନ୍ତି । ତେବେ ଆପଣଙ୍କ ଜ୍ଞାତ ସକାଶେ କହିରଖୁଛୁ ଗାଁର ହିନ୍ଦୁ ସଂପ୍ରଦାୟର ଲୋକମାନେ ମସଜିଦ୍ ନିର୍ମାଣ ପାଇଁ ଜମିଦାନ କରିଥିବା ବେଳେ ଶିଖ୍ ସଂପ୍ରଦାୟର ଲୋକମାନେ ଶ୍ରମଦାନ କରିଛନ୍ତି ଏବଂ ମୁସଲିମ୍ ସଂପ୍ରଦାୟର ଲୋକମାନେ ମିଶି ମଧ୍ୟ ମସଜିଦ୍ ନିର୍ମାଣ କାମରେ ଲାଗିପଡିଛନ୍ତି । ତେବେ ଏଭଳି ଭାଇଚାରା କିଭଳି ଆରମ୍ଭ ହେଲା ସେ ବିଷୟରେ ମଧ୍ୟ ଆମେ ଆପଣଙ୍କୁ କହିବାକୁ ଯାଉଛୁ ।
ଉୁମ୍ ଗ୍ରାମରେ ୪୫୦୦ ଲୋକ ବାସ କରନ୍ତି । ଯେଉଁଥିରେ ୪୦୦ ମୁସଲିମ୍ ଛୋଟ ମୋଟ କାମ କରି ନିଜ ଗୁଜୁରାଣ ମେଣ୍ଟାଉଛନ୍ତି । ଉକ୍ତ ଗ୍ରାମରେ ଏକ ମନ୍ଦିର ତୋଳାଗଲା ଯାହାର ନିର୍ମାଣ କାମ ମୁସଲମାନ୍ ମିସ୍ତ୍ରୀଙ୍କୁ ଦିଆଗଲା । ମନ୍ଦିର ସମ୍ପୁର୍ଣ୍ଣ ହେବା ପରେ ଉକ୍ତ ମୁସଲିମ୍ ମିସ୍ତ୍ରୀ ମନ୍ଦିର ପ୍ରଶାସକଙ୍କୁ ଏକ ଚିଠି ଲେଖିଲେ ଯେଉଁଥିରେ ଗାଁରେ ଏକ ମସଜିଦ୍ ନିର୍ମାଣ ହେବା ପାଇଁ ଅପିଲ୍ ରହିଥିଲା । ଯାହାକୁ ମନ୍ଦିର ପ୍ରଶାସନ ଗମ୍ଭୀର ସହ ନେଇ ମସଜିଦ୍ ପାଇଁ ମୁସଲମାନଙ୍କୁ ୯୦୦ ସ୍ୱେୟାରର ଜମିଦାନ କରିଥିଲେ । ଏହାପରେ ମୁସଲମାନ୍ ସେଠାରେ ମସଜିଦ୍ ନିିର୍ମାଣ କାମ କରିବା ଆରମ୍ଭ କରିଦେଲେ । ଏହାପରେ ପାଖରେ ଥିବା ଗୁରୁଦ୍ୱାରରୁ ଶିଖ୍ ସଂପ୍ରଦାୟର ଲୋକମାନେ ଆସି ନିର୍ମାଣ କାର୍ଯ୍ୟରେ ମୁସଲିମଙ୍କ ସାହାଯ୍ୟ କରିଥିଲେ । ତେବେ ଏଠାକାର ଧର୍ମାନୁଷ୍ଠାନରେ ସବୁ ସଂପ୍ରଦାୟର ଲୋକଙ୍କୁ ଯିବାକୁ ଅନୁମତି ରହିଛି ।