ବିଦେଶୀ ଦେଶର ପାଇଖାନାରେ ହିନ୍ଦୁ ଦେବାଦେବୀଙ୍କ ଫଟୋ ! ସୋସିଆଲ୍ ମିଡିଆରେ ଭାଇରାଲ୍ ହେଲା ଆପତ୍ତିଜନକ ଫଟୋ ।
ଭାରତୀୟ ସଂସ୍କୃତିରେ ଦେବୀଦେବତାଙ୍କ ପୂଜାକୁ ସର୍ବଶ୍ରେଷ୍ଠ ମନାଯାଇଥାଏ । ପୂଜାରେ ସାମାନ୍ୟ ଭୁଲ୍ ହୋଇଗଲେ ମଧ୍ୟ ଶ୍ରଦ୍ଧାଳୁଙ୍କ କ୍ରୋଧ ବଢିଯାଇଥାଏ । କିନ୍ତୁ କିଛି ଲୋକଙ୍କ ଅଜ୍ଞାନତା କ୍ରୋଧ ସହ ହିଂସା ଭଳି ପରିସ୍ଥିତି ମଧ୍ୟ ଉପୁଜେ ଏବଂ ଏହାର କାରଣ ଦେବୀ ଦେବତାଙ୍କୁ ଅସମ୍ମାନ କରିବାରେ ଥାଏ । ଏଭଳି ଏକ ଘଟଣା ଘଟିଛି ଆମେରିକାର ନ୍ୟୁୟର୍କରେ ଥିବା ଏକ ପବ୍ ର । ଏହି ପବ୍ ର ଟଏଲେଟ୍ (ପାଇଖାନା) ଭିତରେ ଦେବୀ ଦେବତାଙ୍କ ଫଟୋ ଲଗାଇବା ଏବେ ଲୋକଙ୍କ ପାଇଁ କ୍ରୋଧର କାରଣ ପାଲଟିଛି । ଏହି ପବ୍ ର ନାଁ “ହାଉସ୍ ଅଫ୍ ୟେସ୍ ପବ୍” ବୋଲି କୁହାଯାଉଛି । ସୁତ୍ର ଅନୁସାରେ,ଏହି ପବ୍ ର ଭିଆଇପି ଟଏଲେଟରେ ଏଭଳି ଏକ ଦୃଶ୍ୟ ଦେଖିବାକୁ ମିଳିଥିଲା ।
Kanak News is now on WhatsApp
Join and get latest news updates delivered to you via WhatsApp
ତେବେ ଭାରତର ଜଣେ ମହିଳା ଅଙ୍କିତା ମିଶ୍ରା କିଛି ଦିନ ତଳେ ଏହି ପବ୍ କୁ ଯାଇଥିଲେ ଏବଂ ସେଠାରେ ଏଭଳି ଦୃଶ୍ୟ ଦେଖି ହତବାକ୍ ହେବା ସହ ରାଗି ଯାଇଥିଲେ । ସେ ଉକ୍ତ ସ୍ଥାନର ଫଟୋ ଉଠାଇ ସୋସିଆଲ୍ ମିଡିଆରେ ବି ପୋଷ୍ଟ୍ କରିଥିଲେ । ପବ୍ ରେ ବିଭିନ୍ନ ଦେବାଦେବୀ ଭଗବାନ ଶିବ,ଗଣେଶ,କୃଷ୍ଣ ଏବଂ କାଳୀଙ୍କ ଫଟୋ ଥିବାର ଦେଖିବାକୁ ମିଳିଥିଲା । ତେବେ ଏଭଳି ଦୃଶ୍ୟ ଦେଖିବା ପରେ ଯୁବତୀ ଜଣକ ପବ୍ ପ୍ରଶାସନକୁ ଏନେଇ ଇମେଲ୍ ପଠାଇ ତାଗିତ୍ କରିଥିଲେ ।
ଇମେଲ୍ ପାଇବା ପରେ ପ୍ରଶାସନ ନିଜର ଭୁଲ୍ ବୁଝିପାରି ଟଏଲେଟରୁ ଫଟୋଗୁଡିକ ବାହାର କରିଥିଲେ । ନିଜର ଯବାବ୍ ଦେବାକୁ ଯାଇ ପ୍ରଶାସନ ଭୁଲ୍ ହୋଇଥିବା ମଧ୍ୟ ସ୍ୱୀକାର କରିଥିଲେ । ତେବେ ଏହି ପବ୍ ନ୍ୟୁୟର୍କର ବୁଶବିକ୍ ଠାରେ ରହିଛି ।