ଭାଙ୍ଗି ପଡିଲା ୧କୋଟି ଟଙ୍କାର ବ୍ରିଜ୍ ! ମଝିରେ ଫସି ରହିଲେ କାର୍ ଓ ଟ୍ରକ୍, ଜାଣନ୍ତୁ ଏହାପରେ ହୋଇଥିଲା କଣ
କନକ ବ୍ୟୁରୋ: ଭୁଶୁଡ଼ିଲା ୧୫ ବର୍ଷ ତଳେ ନିର୍ମାଣ ହୋଇଥିବା ବ୍ରିଜ । ବ୍ରିଜଟି ପଠାନକୋଟ ଏବଂ ହିମାଂଚଳ ପ୍ରଦେଶ ସହ ଯୋଡ଼ି ହେଉଥିବା ଏକ କଂକ୍ରିଟ ବ୍ରିଜ । ଗତକାଲି ବ୍ରିଜଟି ଭୁଶୁଡ଼ି ପଡ଼ିବା ଦ୍ୱାରା ଏଥିରେ ୬ଜଣ ଲୋକ ଗୁରୁତର ଭାବେ ଆହତ ହୋଇଥିବା ବେଳେ ମଟରସାଇକେଲ୍ ନଈ ଭିତରେ ପଡ଼ିଯାଇଥିଲା ଏବଂ କାର୍ ଓ ମିନି ଟ୍ରକ୍ ଫସି ରହିଥିଲା ।
Kanak News is now on WhatsApp
Join and get latest news updates delivered to you via WhatsApp
ସୂଚନା ମୁତାବକ, ହିମାଚଳ ପ୍ରଦେଶର ଚମ୍ବା ସହରକୁ ପଞ୍ଜାବର ପଠାଣକୋଟ ସହ ସଂଯୋଗ କରୁଥିବା ଏକ କଂକ୍ରିଟ ବ୍ରିଜ ଗୁରୁବାର ଦିନ ଭୁଶୁଡ଼ି ପଡ଼ିବାରୁ ଅନ୍ୟୂନ ୬ ଜଣ ଲୋକ ଆହତ ହୋଇଛନ୍ତି । ଆହତମାନଙ୍କୁ ପଣ୍ଡିତ ଜବାହରଲାଲ୍ ନେହେରୁ ମେଡିକାଲ୍ କଲେଜକୁ ନିଆଯାଇ ତତକ୍ଷଣାତ୍ ଚିକିତ୍ସା କରାଯାଇଥିଲା । ଜିଲ୍ଲାପାଳ ସୁଦେଶ କୁମାର ମୋଖତା ଏବଂ ଅନ୍ୟ ଅଧିକାରୀମାନେ ଘଟଣାସ୍ଥଳରେ ପହଞ୍ଚି ପରିସ୍ଥିତିକୁ ହାତକୁ ନେଇଥିଲେ । ନିର୍ମାଣ ନକ୍ସାରେ ତ୍ରୁଟି କିମ୍ବା ନିମ୍ନ ମାନର ସାମଗ୍ରୀରେ ତିଆରି ହୋଇଥିବା କାରଣରୁ ପୋଲଟି ଭୁଶୁଡ଼ି ପଡ଼ିଛି ତାହା ନେଇ ଅନୁଧ୍ୟାନ କରିଥିଲେ ଜିଲ୍ଲାପାଳ ।
ଦୁର୍ଘଟଣା ଘଟିବା ମୁହୂର୍ତ୍ତରେ ପୋଲ ଉପର ଦେଇ ଗୋଟିଏ କାର୍, ଗୋଟିଏ ମିନି ଟ୍ରକ୍ ଏବଂ ଗୋଟିଏ ମଟରସାଇକେଲ୍ ଯାଉଥିଲେ । ପୋଲ ଭୁଶୁଡ଼ି ପଡ଼ିବା ଫଳରେ ୬ଜଣ ଲୋକ ଗୁରୁତର ଭାବେ ହୋଇଥିବା ବେଳେ ମଟରସାଇକେଲ୍ ନଈ ଭିତରେ ପଡ଼ିଯାଇଥିଲା ଏବଂ କାର୍ ଓ ମିନି ଟ୍ରକ୍ ଫସି ରହିଥିଲା ।