ସୁବର୍ଣ୍ଣପୁରରେ ଝାଡାବାନ୍ତି ଆତଙ୍କ ! ରୋଗ ବ୍ୟାପୀବାର କାରଣ ଖୋଜୁଛି ଜନସ୍ୱାସ୍ଥ୍ୟ ବିଭାଗ
ଦୂଷିତ ପିଇବା ପାଣି ରୋଗର କାରଣ ବୋଲି ଅଭିଯୋଗ ପରେ ସହରକୁ ପାଇପ୍ ଯୋଗେ ଜଳ ଯୋଗାଣ ବନ୍ଦ, ଜଳ ନମୂନା ସଂଗ୍ରହ କରି ପରୀକ୍ଷା ପାଇଁ ପଠାଇଲା ବିଭାଗ
କନକ ବ୍ୟୁରୋ : କିଛି ଦିନ ହେବ ସୁବର୍ଣ୍ଣପୁରରେ ଡାଇରିଆର ଆତଙ୍କ ଦେଖାଯାଇଛି । ଏଥିରେ ଶତାଧିକ ଲୋକ ଆକ୍ରାନ୍ତ ହୋଇ ଚିକିତ୍ସିତ ହେଉଥିବା ବେଳେ ପିଇବା ପାଣି ଯୋଗୁଁ ଡାଇରିଆ ବ୍ୟାପୁଥିବା ଲୋକେ ଅଭିଯୋଗ କରିଛନ୍ତି । ତେବେ ସହରକୁ ଯୋଗା ଯାଉଥିବା ମହାନଦୀ ପାଣି ଦୂଷିତ କାରଣରୁ ଡାଇରିଆ ବ୍ୟାପୁଛି ଅଭିଯୋଗ ପରେ ପାଣି ପ୍ରଦୂଷଣର କାରଣ ଖୋଜୁଛି ଜନସ୍ୱାସ୍ଥ୍ୟ ବିଭାଗ ।
Kanak News is now on WhatsApp
Join and get latest news updates delivered to you via WhatsApp
ସୁବର୍ଣ୍ଣପୁରରେ ଝାଡାବାନ୍ତି ଆତଙ୍କ । ସହରର ଶତାଧିକ ଲୋକ ଡାଇରିଆରେ ଆକ୍ରାନ୍ତ ହୋଇ ଡାକ୍ତରଖାନାରେ ଭର୍ତି ହୋଇଛନ୍ତି । ଦୂଷିତ ପିଇବା ପାଣି ଯୋଗୁଁ ରୋଗ ବ୍ୟାପୁଥିବା ନେଇ ଅଭିଯୋଗ ପରେ ଚିନ୍ତାରେ ପଡିଛି ଜନସ୍ୱାସ୍ଥ୍ୟ ବିଭାଗ । ସୁବର୍ଣ୍ଣପୁର ମହାନଦୀର ଦଶମତୀ ଘାଟ ଜଳ ଯୋଗାଣ ପ୍ରକଳ୍ପରୁ ପାଇପ୍ ଯୋଗେ ସହରକୁ ପିଇବା ପାଣି ଯୋଗାଇ ଦିଆଯାଉଛି । ଆଉ ଏହି ପାଣି ପାଇପ୍ ଗୁଡିକ ବିଭିନ୍ନ ଡ୍ରେନ ଉପରେ ଓ ତଳେ ଯାଇଛି । ଅନେକ ସ୍ଥାନରେ ପାଣି ପାଇପ୍ ଫାଟି ଯିବାରୁ ସେଥିରେ ଡ୍ରେନ ପାଣି ପଶି ଯାଉଛି । ଫଳରେ ଜଳ ପ୍ରଦୂଷଣ ହେଉଥିବା ଲୋକେ ଅଭିଯୋଗ କରିଛନ୍ତି ।
ସୁବର୍ଣ୍ଣପୁରରେ ଶତାଧିକ ଲୋକ ଡାଇରିଆରେ ଆକ୍ରାନ୍ତ ହେବା ପରେ ତତ୍ପର ହୋଇଛି ଜନସ୍ୱାସ୍ଥ୍ୟ ବିଭାଗ । ଦୂଷିତ ପିଇବା ପାଣି ଯୋଗୁଁ ଡାଇରିଆ ବ୍ୟାପୁଥିବା ନେଇ ଅଭିଯୋଗ ହେବା ପରେ ପାଣି ପ୍ରଦୂଷଣର କାରଣ ଖୋଜା ଆରମ୍ଭ ହୋଇଛି । ଦୂଷିତ ପାଣି ପିଇ ଲୋକେ ଅସୁସ୍ଥ ହୋଇଥିବା କଥାକୁ ସ୍ୱୀକାର କରିବା ସହ ସହରର ସମସ୍ତ ଜଳ ଯୋଗାଣକୁ ବନ୍ଦ କରି ଦେଇଛି ବିଭାଗ । ଟ୍ୟାଙ୍କର ଯୋଗେ ପିଇବା ପାଣି ଯୋଗାଇ ଦିଆଯାଉଛି । ଏହାସହ ବିଭିନ୍ନ ସ୍ଥାନରେ ପାଇପ୍ ଖୋଳି ପାଣି ନମୂନା ସଂଗ୍ରହ କରି ପରୀକ୍ଷା ପାଇଁ ପଠାଯାଉଛିି । ସହରର ଅଧିକାଂଶ ପାଇପ ଡ୍ରେନ ଭିତରେ ଯାଇଥିବାରୁ ଏହାକୁ ପରିବର୍ତନ କରିବା ଜନସ୍ୱାସ୍ଥ୍ୟ ବିଭାଗ ପାଇଁ ଏକ ବଡ ଚ୍ୟାଲେଞ୍ଜ ।