କନକ ବ୍ୟୁରୋ : ରାତି ୧୦ଟା ପରେ ଯାତ୍ରା ବନ୍ଦ କରିବା ପାଇଁ ନିର୍ଦ୍ଦେଶ ଦେଲେ ହାଇକୋର୍ଟ । ଅବଶ୍ୟ ଏହି ନିର୍ଦ୍ଦେଶ ଆଠଗଡର କୋଲେଇଲୋ ଗ୍ରାମପଞ୍ଚାୟତ ପାଇଁ କାଯ୍ୟକାରୀ ହେବ । ପିଲାମାନଙ୍କ ପାଠପଢାରେ ଅସୁବିଧା ନେଇ ସ୍ଥାନୀୟ ଜନ ପ୍ରତିନିଧି ସରପଂଚ, ୱାଡମେମ୍ବର ଓ ଅଭିଭାବକମାନେ ହାଇକୋର୍ଟଙ୍କ ଦ୍ୱାରସ୍ଥ ହୋଇଥିଲେ । ଗତ ଡିସେମ୍ବର ମାସରେ ଏ ସମ୍ପର୍କରେ ରାୟ ଦେଇ କୋର୍ଟ କହିଛନ୍ତି ରାତି ୧୦ଟା ପରେ ଯାତ୍ରା ଅନୁଷ୍ଠିତ ହେଲେ ସ୍ଥାନିୟ ପ୍ରଶାସନ ତୁରନ୍ତ ଏ ଦିଗରେ କାର୍ଯ୍ୟାନୁଷ୍ଠାନ ଗ୍ରହଣ କରିପାରିବେ ।
Kanak News is now on WhatsApp
Join and get latest news updates delivered to you via WhatsApp
ରାତି ୧୦ଟା ପରେ ଯାତ୍ରା ଦ୍ୱାରା ପିଲାମାନଙ୍କ ପାଠପଢାରେ ଅସୁବିଧା ହେଉଛି ଏବଂ ଶାନ୍ତ ପରିବେଶ ନଷ୍ଟ ହେଉଛି ବୋଲି ଅଭିଯୋଗ କରି ହାଇକୋର୍ଟଙ୍କ ହସ୍ତକ୍ଷପ ଲୋଡିଥିଲେ ଆବେଦନକାରୀ । ଯାତ୍ରା ପରମ୍ପରା ଅନୁସାରେ ଓଡିଶାରେ ରାତି ୧୧ଟା ୧୨ଟା ପରେ ଯାତ୍ରା ହୁଏ । ଏବଂ ପ୍ରାୟ ସାରା ରାତି ଏହି ଯାତ୍ରା ଚାଲେ । ତେବେ ହାଇକୋର୍ଟ ଆବେଦନ ହୋଇଥିବା କେବଳ କୁଲେଇଲୋ ଗ୍ରାମ ପଂଚାୟତ ପାଇଁ ଏହି ନିର୍ଦ୍ଦେଶ ଦେଇଛନ୍ତି ।