କନକ ବ୍ୟୁରୋ : ଆସନ୍ତାକାଲିର ସ୍ୱାଧୀନତା ଦିବସ ପାଇଁ ଦିଲ୍ଲୀରେ ସୁରକ୍ଷା ବ୍ୟବସ୍ଥାକୁ କଡାକଡି କରିଦିଆଯାଇଛି । ଏହି ସମୟରେ ଆତଙ୍କୀ ହମଲାର ଆଲର୍ଟ ଜାରି କରାଯାଇଛି । ଖବର ଅନୁସାରେ, ଜୈଶ-ଏ-ମହମ୍ମଦର ଆତଙ୍କବାଦୀ ଦିଲ୍ଲୀରେ ଆକ୍ରମଣ ଯୋଜନା କରିପାରନ୍ତି । କାଶ୍ମୀର ରାସ୍ତା ଦେଇ ଜୈଶ-ଏ-ମହମ୍ମଦ ୪ ଜଣ ଆତଙ୍କବାଦୀଙ୍କୁ ଦିଲ୍ଲୀ ପଠାଇଛି । ଏହି ଆତଙ୍କବାଦୀମାନେ ଦିଲ୍ଲୀରେ ପ୍ରବେଶ କରିସାରିଛନ୍ତି ଓ ଅଲଗା ଅଲଗା ସ୍ଥାନରେ ଆକ୍ରମଣ କରିପାରନ୍ତି । କୁହାଯାଉଛି, ଏହି ଯୋଜନା ପଛରେ ଜୈଶ କମାଣ୍ଡର ଇବ୍ରାହିମ ପଞ୍ଜାବୀର ହାତ ରହିଛି । ଏହା ପରେ ସୁରକ୍ଷା ବ୍ୟବସ୍ଥାକୁ କଡାକଡି କରିଦିଆଯାଇଛି । ଦିଲ୍ଲୀର ସଡକରେ ବ୍ୟାରିକେଡ ଲଗାଯାଇ ପରିସ୍ଥିତି ଉପରେ ନଜର ରଖାଯାଇଛି । ଲାଲକିଲ୍ଲା, ପାର୍ଲାମଂଟ ଭବନ, ନର୍ଥ ଓ ସାଉଥ ବ୍ଲକରେ ସୁରକ୍ଷା ବ୍ୟବସ୍ଥାକୁ ବଢାଇଦିଆଯାଇଛି ।
Kanak News is now on WhatsApp
Join and get latest news updates delivered to you via WhatsApp
ତେବେ, ସବୁ ବର୍ଷ ଆତଙ୍କବାଦୀମାନେ ସ୍ୱାଧୀନତା ଦିବସ ଅବସରରେ ଦିଲ୍ଲୀରେ ଆତଙ୍କବାଦୀ ଆକ୍ରମଣ ଘଟାଇବାକୁ ବ୍ୟାପକ ଯୋଜନା ପ୍ରସ୍ତୁତ କରୁଥିଲେ ମଧ୍ୟ କଡ଼ା ସୁରକ୍ଷା ବ୍ୟବସ୍ଥା ପରିପ୍ରେକ୍ଷୀରେ ସେସବୁକୁ ଚୂଡ଼ାନ୍ତ ରୂପ ଦେବାରେ ବିଫଳ ହେଉଛନ୍ତି । ତେଣୁ, ପୂର୍ବର ବିଫଳତାକୁ ଦୃଷ୍ଟିରେ ରଖି କୁଖ୍ୟାତ ଆତଙ୍କବାଦୀ ସଂଗଠନ ଜୈସ୍-ଇ- ମହମ୍ମଦ ଓ ଲସ୍କର-ଇ- ତଇବା ଏଥରକ ରାଜଧାନୀ ନୂଆଦିଲ୍ଲୀକୁ ଗୌଣ କରିଦେଇ ସ୍ୱାଧୀନତା ଦିବସ ପାଳନ ଅବସରରେ ସୀମାନ୍ତ ଜମ୍ମୁ- କଶ୍ମୀରରେ ଥିବା ସେନା କ୍ୟାମ୍ପଗୁଡ଼ିକ ଉପରେ ଆତଙ୍କବାଦୀ ଆକ୍ରମଣକରିବା ପାଇଁ ବ୍ୟାପକ ଯୋଜନା ପ୍ରସ୍ତୁତ କରିବା ସହ ବ୍ଲୁ ପ୍ରିଣ୍ଟ ମଧ୍ୟ ପ୍ରସ୍ତୁତ କରିଛନ୍ତି ।