ମାରୁତି ୱାଗନରର ଜବରଦସ୍ତ ଅଫର : ବାଇକ ବଜେଟରେ କିଣିପାରିବେ କାର । ଆସନ୍ତୁ ଜାଣିବା କେଉଁଠି ମିଳୁଛି
ଆଜିକାଲି ଜିନିଷର ଆକାଶ ଛୁଆଁ ଦର ପାଇଁ ସାଧାରଣ ଲୋକ ବହୁତ ହଟହଟା ହେଉଛନ୍ତି । ପ୍ରତ୍ୟେକ ଲକ୍ଷପତି ହେବାର ସ୍ୱପ୍ନ ଦେଖୁଛନ୍ତି କିନ୍ତୁ ଲକ୍ଷ ସ୍ଥଳରେ ପହଂଚି ପାରୁନାହାନ୍ତି । ଏମିତିରେ ମଧ୍ୟବିତ୍ତ ପରିବାରଙ୍କ ପାଇଁ କାର କିଣିବା ସ୍ୱପ୍ନ ହେଇକି ରହିଯାଏ । ଯଦି ଆପଣ କାର ଚଳାଇବାର ସ୍ୱପ୍ନ ଦେଖୁଛନ୍ତି ଓ ଆପଣଙ୍କ ପାଖରେ ଗୋଟିଏ ବାଇକ କିଣିବା ପାଇଁ ବି ପର୍ଯ୍ୟାପ୍ତ ଅର୍ଥରାଶି ନାହିଁ, ତେବେ ନିଶ୍ଚିନ୍ତ ରୁହନ୍ତୁ । କାରଣ ଆପଣ ଏକ ଭଲ ସେକେଣ୍ଡ ହ୍ୟାଣ୍ଡ କାର ସହଜରେ ପାଇପାରିବେ । କେବଳ ସେତିକି ନୁହେଁ, ଆପଣ ସେହି କାର ଗୋଟିଏ ବାଇକର ବଜେଟରେ ବି କିଣି ପାରିବେ ।
Kanak News is now on WhatsApp
Join and get latest news updates delivered to you via WhatsApp
ଆମେ ଆପଣଙ୍କୁ ଏମିତି ଏକ ସ୍ଥାନ ବିଷୟରେ ଜଣାଇବାକୁ ଯାଉଛୁ, ଯେଉଁଠି ଲକ୍ଷ ଲକ୍ଷ ଟଙ୍କାର ଗାଡି ହଜାର ଟଙ୍କା ମୂଲ୍ୟରେ କିଣି ପାରିବେ । ପ୍ରକୃତରେ ଏହି କାର ଗୁଡାକ ଆପଣଙ୍କୁ ଦିଲ୍ଲୀର କରୋଲ ବାଗ ମାର୍କେଟରେ ମିଳିବ । ଏହି ମାର୍କେଟରେ ଆପଣ ଲକ୍ଷ ଲକ୍ଷ ଟଙ୍କାର ମାରୁତି ୱାଗନ କାର ମାତ୍ର ୬୦ ହଜାର ଟଙ୍କାରେ କିଣି ପାରିବେ । ଜଣାଇରଖୁଛୁ ଯେ ୱାଗନରର ଟପ ମଡେଲର ପ୍ରକୃତ ମୂଲ୍ୟ ୫ ଲକ୍ଷ ୬ ହଜାର ଟଙ୍କା ।
କେଉଁଠି ମିଳିବ ? :
ଦିଲ୍ଲୀ ହେଉଛି ଦିଲବାଲାଙ୍କ ସହର । ଏହା ବ୍ୟତୀତ ଦିଲ୍ଲୀ ଆପଣଙ୍କ ପାଇଁ ଶସ୍ତା ସହର ବି ସାବ୍ୟସ୍ତ ହେବ । ଦିଲ୍ଲୀର କରୋଲ ବାଗ ମାର୍କେଟରେ ସେକେଣ୍ଡ ହ୍ୟାଣ୍ଡ ଗାଡି ବହୁତ କମ ଦାମରେ ଆପଣଙ୍କ ହୋଇପାରିବ । ଅସଲରେ ଏହି ମାର୍କେଟ କରୋଲ ବାଗର ଜଲ ବୋର୍ଡ ନିକଟରେ ଅବସ୍ଥିତ । ଏହି ମାର୍କେଟରେ ଆପଣ ମାରୁତି ଠାରୁ ଆରମ୍ଭ କରି ମହିନ୍ଦ୍ରା, ଫୋର୍ଡ, ହୁଣ୍ଡାଇ, ଭୋକ୍ସୱାଗନ ସମେତ ଅନ୍ୟ ବଡ ବଡ ଗାଡି ବି ଶସ୍ତାରେ କିଣି ପାରିବେ । ଗାଡିର ଆଭ୍ୟନ୍ତରୀଣ ଓ ବାହ୍ୟ ଅବସ୍ଥା ସଂପୂର୍ଣ୍ଣ ରୂପେ ଠିକ ଥାଏ । ଏହି କାର ଗୁଡିକରେ କୈାଣସି ପ୍ରକାରର ଦାଗ ଚିହ୍ନ ନଥାଏ ଓ ଏହା ନୁଆ କାର ପରି ଚକଚକ କରୁଥାଏ । କାରର ମୋଡେଲ ଯେତେ ପୁରୁଣା ହେବ, ତା ଦାମ ସେତେ କମ ହେବ । ଆପଣ ଯଦି ୨୦୦୫ ବର୍ଷର ମାରୁତି ୱାଗନ କିଣିବେ, ତେବେ ଆପଣଙ୍କୁ କେବଳ ୬୦ ହଜାର ଟଙ୍କା ଦେବାକୁ ପଡିବ ।
ଇଏମଆଇର ସୁବିଧା ଅଛି :
ଆପଣ ଯଦି ଭାବୁଥିବେ କମ ମୂଲ୍ୟରେ ମିଳୁଥିବା ଗାଡି ଗୁଡିକର ଗୁଣବତ୍ତା ଠିକ ନଥିବ,ତେବେ ଆପଣ ନିଶ୍ଚିନ୍ତ ହୋଇଯାଆନ୍ତୁ । ଏହି ଗାଡିର ମୁଖ୍ୟ ଡିଲରଙ୍କ ଠାରୁ ଜଣାପଡିଛି ଯେ ଏହି କାରର ମୂଲ୍ୟ ୬୦ ହଜାରରୁ ଆରମ୍ଭ ହେଉଛି ଓ କାରର ରେଜିଷ୍ଟ୍ରେସନ ସାର୍ଟିଫିକେଟ ମଧ୍ୟ ଦିଆଯାଉଛି । ଆପଣ ଚାହିଁବେ ଯଦି କିସ୍ତିରେ ଫାଇନାନ୍ସ କରିପାରିବେ । ମୋଟାମୋଟି ଭାବେ କହିବାକୁ ଗଲେ ଆପଣ ଠକାମିର ଶିକାର ହେବେନି । ଆପଣ ଡିଲର ସହିତ ମୂଲଚାଲ କରି କାରର ମୂଲ୍ୟକୁ କମାଇପାରିବେ ।
ଏହି ଦିଗ ଉପରେ ଧ୍ୟାନ ଦିଅନ୍ତୁ :
ଆପଣ କାର କିଣିବା ପାଇଁ ଚାହୁଁଛନ୍ତି ଯଦି ତା ପୂର୍ବରୁ କାରର ପାର୍ଟସ ବିଷୟରେ ତଥ୍ୟ ଜାଣି ରଖନ୍ତୁ । ଆପଣଙ୍କୁ କାରର ଇଂଜିନ ବିଷୟରେ ମଧ୍ୟ ତଥ୍ୟ ଜାଣି ରଖିବାକୁ ପଡିବ । ଆପଣଙ୍କ ପାଖରେ ଯଦି କାର ବିଷୟରେ କୈାଣସି ତଥ୍ୟ ନାହିଁ ତେବେ କିଣିବା ସମୟରେ ଜଣେ ଭଲ ଏକ୍ସପର୍ଟଙ୍କୁ ସାଙ୍ଗରେ ନେଇକି ଯାଆନ୍ତୁ ।