ଏହି ଗାଁରେ ପକ୍ଷୀଙ୍କ ଭାଷାରେ କଥା ହୁଅନ୍ତି ଲୋକେ, ୟୁନେସ୍କୋ ହେରିଟେଜ୍ ଲିଷ୍ଟରେ ସାମିଲ ଅଛି : ଜାଣନ୍ତୁ କେଉଁଠି
ପକ୍ଷୀଙ୍କ ଭଳି ଉଡିବାର ଆଶା କେବେ ପୁରା ହୋଇନପାରେ, କିନ୍ତୁ ପକ୍ଷୀଙ୍କ ଭଳି କଥା ହେବା ପାଇଁ ଚାହୁଁଛନ୍ତି ଯଦି, ତେବେ ସମ୍ଭବ ହୋଇପାରେ । ଦୁନିଆରେ ଏକ ସ୍ଥାନ ଅଛି, ଯେଉଁଠି ଲୋକ ପକ୍ଷୀଙ୍କ ଭାଷା (ବାର୍ଡ ଲାଙ୍ଗୁଏଜ୍)ରେ କଥା ହୁଅନ୍ତି । ଏହି ସ୍ଥାନ ହେଉଛି ତୁର୍କୀର ଗିରେସୁନ୍ ପ୍ରାନ୍ତ । ପାଖାପାଖି ୧୦ହଜାର ଜନସଂଖ୍ୟା ବିଶିଷ୍ଟ ଏହି ପାହାଡିଆ ଅଂଚଳର ଲୋକେ ପରସ୍ପର ସହିତ ପକ୍ଷୀଙ୍କ ଭାଷାରେ କଥା ହୁଅନ୍ତି । ୟୁନେସ୍କୋ ଏହି ଅଦ୍ଭୁତ ଭାଷାକୁ ଏବେ ନିଜର ସାଂସ୍କୃତିକ ଐତିହର ସୂଚୀରେ ସାମିଲ କରିଛି ।
Kanak News is now on WhatsApp
Join and get latest news updates delivered to you via WhatsApp
ପକ୍ଷୀଙ୍କ ଭାଷା ହେଉଛି ଭିନ୍ନ ଭିନ୍ନ ପ୍ରକାରର ସ୍ୱର, ବିଶେଷ ଭାବେ ସିଟିର ସାହାଯ୍ୟରେ ବାର୍ତ୍ତାଳାପ କରିବାର କଳା । ଏହି କଳା ୫୦୦ ବର୍ଷ ପୁରୁଣା । ଯେତେବେଳେ ଯାତାୟାତ କରିବାର କୈାଣସି ସାଧନ ନଥିଲା, ଗାଡି ନଥିଲା, ମୋବାଇଲ ଫୋନ୍ ନଥିଲା, ଏମିତିରେ ଯଦି ପାହାଡିଆ ଅଂଚଳରେ ଗୋଟିଏ ପଟେ ରହୁଥିବା ବ୍ୟକ୍ତି ତୁରନ୍ତ କୈାଣସି ମେସେଜ୍ ପହଂଚାଇବା ପାଇଁ ଚାହୁଁଛି ଯଦି କେମିତି ପଠାଇବ ? ଏହି ସମସ୍ୟାର ସମାଧାନ ତୁର୍କୀର ଅଟୋମ୍ୟାନ ଏମ୍ପାୟାରର ଲୋକମାନଙ୍କୁ ପ୍ରକୃତିରୁ ମିଳିଲା । ପକ୍ଷୀଙ୍କୁ ଦେଖି ଶୁଣି ଲୋକମାନେ ନିଜର ଏକ ବିଶେଷ ଭାଷା ଆବିଷ୍କାର କଲେ, ଯେଉଁଥିରେ ଶବ୍ଦ ନାହିଁ , କେବଳ ଭିନ୍ନ ଭିନ୍ନ ପ୍ରକାରର ସିଟି ଅଛି । ହାଇ-ପିଚ୍ କାରଣରୁ ସିଟି ବହୁତ ଦୂରକୁ ଶୁଭାଯାଏ । ସେଥିପାଇଁ ଲୋକଙ୍କୁ କୈାଣସି ମେସେଜ୍ ପଠାଇବା ପାଇଁ ହେଲେ ମାଇଲ ଦୂର ଚାଲିି କି ଯିବା ପାଇଁ ପଡେନି କି ବଡ ପାଟିରେ କହିବାକୁ ପଡେନି, ବାସ୍ କିଛି ସିଟି ତାଙ୍କ ମେସେଜ୍ ସାମନା ଲୋକଙ୍କୁ ପହଂଚାଇ ଦିଏ ।
ଏହି ପ୍ରାନ୍ତରେ ହଜାର ବର୍ଷ ହେବ ଏହି ଭାଷା ବୋଲାଯାଏ । କିନ୍ତୁ ବଦଳୁଥିବା ସମୟ ଏବଂ ମୋବାଇଲ ଫୋନ୍ ଭଳି ଟେକନୋଲୋଜି ଆସି ଯିବାପରେ ବର୍ଡ ଲାଙ୍ଗୁଏଜ୍ ଏହି ଛୋଟିଆ ଅଂଚଳରେ ସୀମିତ ହୋଇଯାଇଛି । ଗୋଟିଏ ସମୟ ଥିଲା ସ୍ପେନ୍ ର କେନେରୀ ଆଇଜଲ୍ୟାଣ୍ଡ ଠାରୁ ଆରମ୍ଭ କରି ମେକ୍ସିକୋ ଏବଂ ଗ୍ରୀସ୍ ର ଗାଁ ପର୍ଯ୍ୟନ୍ତ ବର୍ଷ ଲାଙ୍ଗୁଏଜ୍ କୁହାଯାଉଥିଲା, କିନ୍ତୁ ଏହି ଭାଷାକୁ ଜାଣୁଥିବା ଲୋକ ଦୁନିଆରେ କେବଳ ୧୦ ହଜାର ଲୋକ ଅଛନ୍ତି । ଏହି ଅଦ୍ଭୁତ ଭାଷାକୁ ବଂଚାଇବା ପାଇଁ ସ୍ଥାନୀୟ ପ୍ରଶାସନ ବର୍ଷ ୨୦୧୪ରେ ପ୍ରାଇମେରୀ ସ୍କୁଲ ଗୁଡିକରେ ବର୍ଡ ଲାଙ୍ଗୁଏଜ୍ ର ପାଠପଢ଼ା ଆରମ୍ଭ କରିଦେଇସାରିଛନ୍ତି । ଏହା ଦ୍ୱାରା ଲୋକମାନେ ଏହି ଭାଷାକୁ ପୁଣି ଥରେ ଆପଣଉଛନ୍ତି ।