ପଚାସଢ଼ା ଫୁଲର ବ୍ୟବସାୟ କରି କୋଟିପତି ହେଲେ କାନପୁରର ଦୁଇ ସାଙ୍ଗ ! ଗଙ୍ଗା ଘାଟକୁ ପ୍ରଦୂଷଣ ମୁକ୍ତ କରିବା ସହ ଅନେକଙ୍କୁ ମିଳିଲା ନିଯୁକ୍ତି
ପଚାସଢ଼ା ଫୁଲର ବ୍ୟବସାୟ କରି କୋଟି କୋଟି ଟଙ୍କା ଆୟ କରୁଛନ୍ତି ଦୁଇ ସାଙ୍ଗ । କଥାଟା ଶୁଣିଲେ ଆପଣ ଆଶ୍ଚର୍ଯ୍ୟ ହେବା ସ୍ୱାଭାବିକ । ମନ୍ଦିରରୁ ବ୍ୟବହୃତ ଫୁଲକୁ ନେଇ ବ୍ୟବସାୟ କରିବା ବିଲକୁଲ ଆଶ୍ଚର୍ଯ୍ୟକର ଘଟଣା । ସାଧାରଣତଃ ମନ୍ଦିରରେ ବ୍ୟବହାର ହୋଇଥିବା ଫୁଲକୁ ପାଣିରେ ଫୋପାଡ଼ି ଦିଆଯାଏ, ଯଦ୍ୱାରା ଜଳ ପ୍ରଦୂଷଣ ହୁଏ । ଲୋକେ ଏଥିଯୋଗୁଁ ଅନେକ ରୋଗର ମଧ୍ୟ ଶିକାର ହେଉଛନ୍ତି । ତେବେ ଏଥିରୁ ରକ୍ଷା ପାଇବା ପାଇଁ ଦୁଇ ସାଙ୍ଗ ମିଶି ତିଆରି କଲେ ହେଲ୍ପ ଅସ୍ ଗ୍ରିନ କମ୍ପାନୀ ।
Kanak News is now on WhatsApp
Join and get latest news updates delivered to you via WhatsApp
ଉତ୍ତରପ୍ରଦେଶର କାନପୁର ମୁଖ୍ୟାଳୟ ଠାରୁ ୨୫ କିମି ଦୂରରେ ଅବସ୍ଥିତ ଭୌତି ଗାଁରେ ‘ହେଲ୍ପ ଅସ୍ ଗ୍ରୀନ’ର କମ୍ପାନୀର ଅଫିସ୍ ଅଛି । କାନପରୁର ୨୯ଟି ମନ୍ଦିରରୁ ପ୍ରତିଦିନ ୮୦୦ କିଲୋ ଫୁଲ ଏକାଠି କରି ଧୂପକାଠି ଓ ଜୈବିକ ସାର ତିଆରି ହୁଏ । ଅଙ୍କିତ ଅଗ୍ରୱାଲ ଓ କରଣ ରାସ୍ତୋଗୀ ନାମକ ଦୁଇ ସାଙ୍ଗ ‘ହେଲ୍ପ ଅସ୍ ଗ୍ରୀନ’ର କମ୍ପାନୀର ପ୍ରତିଷ୍ଠାତା । ଉଭୟଙ୍କ ଯୋଗୁଁ ହିଁ କାନପୁରର ମନ୍ଦିରରେ ଚଢ଼ାଯାଉଥିବା ଫୁଲ ନଦୀନାଳରେ ଫୋପଡ଼ା ଯାଉନାହିଁ । ଆଉ ଏଥିଯୋଗୁଁ ଜଳ ପ୍ରଦୂଷଣ ଓ ବାୟୁ ପ୍ରଦୂଷଣରୁ କିଛିକାଂଶରେ ରକ୍ଷା ପାଉଛନ୍ତି କାନପୁରବାସୀ ।
୨୮ ବର୍ଷିୟ ଅଙ୍କିତ୍ କୁହନ୍ତି, ମୁଁ ଜଣେ ସାଙ୍ଗ ସହ ୨୦୧୪ରେ କାନପୁରର ବିଠୁର ମନ୍ଦିର ଦର୍ଶକ କରିବା ପାଇଁ ଯାଇଥାଏ । ଆଉ ସେଠାରେ ଗଙ୍ଗାକୂଳରେ ପଚାଫୁଲ ଯୋଗୁଁ ପ୍ରଦୂଷିତ ପାଣି ପିଉଥିବାର ଦେଖିଲି । ଫୁଲ ପଚିଯାଇ ପାଣିକୁ ପ୍ରଦୁଷିତ କରିବା ସହ ଫୁଲରେ ଦିଆଯାଇଥିବା କୀଟନାଶକ ପଦାର୍ଥର୍ ଯୋଗୁଁ ପାଣିରେ ରହୁଥିବା ଜୀବଙ୍କ ପାଇଁ ମଧ୍ୟ ଅସ୍ୱାସ୍ଥ୍ୟକର ପରିବବେଷ ସୃଷ୍ଟି ହେଉଥିଲା । ଏହାଦେଖି ଅଙ୍କିତଙ୍କ ସାଙ୍ଗ କହିଥିଲେ ଏପରି ଅବସ୍ଥା ପାଇଁ କିଛି କରିବା ଦରକାର । ଆଉ ସେତେବେଳ ହିଁ ଅଙ୍କିତଙ୍କ ମନକୁ ଏକ ଉପାୟ ଆସିଲା । ସେ ଚିନ୍ତା କରିଥିଲେ ପଚାସଢ଼ା ଫୁଲ ଦ୍ୱାରା କ’ଣ କରିହେବ, ଯସ୍ୱାରା ଜଳ ପ୍ରଦୂଷଣ ନହେବା ସହ ଏଥିରେ ଆୟ ମଧ୍ୟ କରାଯାଇପାରିବ ।
କିନ୍ତୁ ଏପରି ଉପାୟରେ କାମ କରିବା ଏତେ ସୁବିଧା ନଥିଲା । ଅଙ୍କିତ କହିଛନ୍ତି, ତାଙ୍କ ସାଙ୍ଗ କରଣ ସେତେବେଳେ ବିଦେଶରୁ ପାଠ ପଢ଼ି ଘରକୁ ଫେରିଥାନ୍ତି । ଆଉ ଉଭୟେ ଏ ବିଷୟରେ ଆଲୋଚନା କରିଥିଲା । ବହୁତ ଆଲୋଚନା ପରେ ମାତ୍ର ୭୨ ହଜାର ଟଙ୍କା ନିବଶେ କରି ୨୦୧୫ରେ ଆରମ୍ଭ କରିଥିଲେ କମ୍ପାନୀ ‘ହେଲ୍ପ ଅସ ଗ୍ରିନ’ । କମ୍ପାନୀ ତିଆରି କିରବାର ୨ ମାସ ପରେ ପ୍ରଥମେ ଜୈବିକି ସାର ଉତ୍ପାଦନ କରାଯାଇଥିଲା । ଆଉ ପରେ ପରେ ଧୂପକାଠି ମଧ୍ୟ ତିଆରି କରାଗଲା । ଧୀରେ ଧୀରେ ବଢ଼ିଲା ବ୍ୟବସାୟ । ଆଉ ଆଜି ବ୍ୟବସାୟ ବଢ଼ି ‘ହେଲ୍ପ ଅସ ଗ୍ରିନ’ କମ୍ପାନୀ ୨୨ ଏକରରେ ବ୍ୟାପ୍ତ ରହିଛି । କମ୍ପାନୀରେ ୭୦ ଜଣରୁ ଅଧିକ ମହିଳା କାମ କରୁଛନ୍ତି । ତେବେ ବତ୍ତର୍ମାନ ସମୟରେ ‘ହେଲ୍ପ ଅସ ଗ୍ରିନ’ର ବାର୍ଷିକ ଟର୍ଣ୍ଣଓଭର ୨ କୋଟି ଟଙ୍କା । ତେବେ ଏହି କମ୍ପାନୀ ଯୋଗୁଁ ନଦୀକୁ ପ୍ରଦୂଷଣକୁ ରକ୍ଷା କରିବାରେ ସାହାଯ୍ୟ ହେଉଛି ।