ଆସନ୍ତା ୨୪ ଘଣ୍ଟା ପର୍ଯ୍ୟନ୍ତ ଜାରି ରହିବ ବର୍ଷା ! ମତ୍ସ୍ୟଜୀବୀଙ୍କୁ ସମୁଦ୍ରକୁ ନଯିବାକୁ ଆଞ୍ଚଳିକ ପାଣିପାଗ କଲା ସତର୍କ ।
ଉତ୍ତର-ପଶ୍ଚିମ ବଙ୍ଗୋପସାଗରରେ ଲଘୁଚାପ ଯୋଗୁଁ ଗତକାଲି ରାତିରୁ ରାଜ୍ୟବ୍ୟାପୀ ଲଗାଣ ବର୍ଷା ଜାରି ରହିଛି । ଏହିଭଳି ବର୍ଷା ଆଗାମୀ ୨୪ ଘଣ୍ଟା ପର୍ଯ୍ୟନ୍ତ ଲାଗି ରହିବ ବୋଲି ପୂର୍ବାନୁମାନ କରିଛି ଆଞ୍ଚଳିକ ପାଣିପାଗ କେନ୍ଦ୍ର । ଓଡିଶାର ବିଭିନ୍ନ ସ୍ଥାନରେ ପ୍ରବଳ ବର୍ଷା ସହ ଘଡଘଡିର ସମ୍ଭାବନା ରହିଥିବା ସୁଚନା ଦେଇଛି ପାଣିପାଗ କେନ୍ଦ୍ର । ଏହାସହ ଉତ୍ତର ଓଡିଶାର ବିଭିନ୍ନ ସ୍ଥାନରେ ପ୍ରବଳରୁ ଅତି ପ୍ରବଳ ବର୍ଷା ହେବାର ସମ୍ଭାବନା ରହିଛି ।
Kanak News is now on WhatsApp
Join and get latest news updates delivered to you via WhatsApp
ବିଶେଷ କରି ପୁରୀ, ଖେର୍ଦ୍ଧା ଭଳି ଜିଲ୍ଲାରେ ମଧ୍ୟ ବର୍ଷାର ପରିମାଣ ଆସନ୍ତା ୨୪ ଘଣ୍ଟା ପର୍ଯ୍ୟନ୍ତ ବଢ଼ିବ ବୋଲି ପୂର୍ବାନୁମାନ କରିଛି ଆଞ୍ଚଳିକ ପାଣିପାଗ କେନ୍ଦ୍ର । ଏହାବାଦ ସମ୍ବଲପୁର, ଢେଙ୍କାନାଳ, କେଉଁଝର, ଭଦ୍ରକ, ଯାଜପୁର ଏବଂ ଅନୁଗୁଳ ଆଦି ଜିଲ୍ଲାରେ ଆସନ୍ତା ଦିନକ ମଧ୍ୟରେ ପ୍ରବଳ ବର୍ଷିବ ବୋଲି ଆଶଙ୍କା କରିଛି ଆଞ୍ଚଳିକ ପାଣିପାଗ କେନ୍ଦ୍ର । ବର୍ତ୍ତମାନ ଉତ୍ତର-ପଶ୍ଚିମ ବଙ୍ଗୋପ ସାଗର ଉପରେ ଥିବା ଲଘୁଚାପ ୱେଲମାର୍କଡ-ଲୋ ରେ ପରିଣତ ହୋଇଛି । ଯେଉଁଥି ପାଇଁ ବର୍ଷାର ପରିମାଣ ବୃଦ୍ଧି ପାଇଛି ।
ରାଜ୍ୟର ଅନେକ ସ୍ଥାନରେ ବର୍ଷାର କରାଳ ବିଭୀଷିକା ଦେଖିବାକୁ ମିଳିଛି ।
ଉପକୂଳ ଓଡିଶାର ବିଭିନ୍ନ ଜିଲ୍ଲାରେ ଲଗାଣ ବର୍ଷା ଯୋଗୁଁ ପରିସ୍ଥିତି ବେହାଲ । କେଉଁଠାରେ ଜଳବନ୍ଦୀଘେରରେ ଲୋକ କେଉଁଠାରେ ଲଗାଣ ବର୍ଷା ଯୋଗୁଁ ପୋଲ ଭୁଷୁଡିବା ଘଟଣା ସମ୍ନାକୁ ଆସିଛି । ତେବେ ଏନେଇ ଏସଆରସି ବିଷ୍ଣୁପଦ ସେଠୀ କହିଛନ୍ତି ଯେ, ଅନେକ ସ୍ଥାନରେ ଦୁର୍ବଳ ପୋଲ ଭୁଷୁଡିଛି, କିନ୍ତୁ ବନ୍ୟାର ପରିସ୍ଥିତି ଏପର୍ଯ୍ୟନ୍ତ କୌଣସି ସ୍ଥାନରେ ଉପୁଜି ନାହିଁ ବୋଲି ଏସଆରସି କହିଛନ୍ତି ।