ଆସନ୍ତା ୪ରୁ ବଙ୍ଗୋପସାଗରରେ ଆଉ ଏକ ଘୁର୍ଣ୍ଣିବଳୟ : ପୂଜା ମାହୋଲ ଫିକା ପଡିବା ଆଶଙ୍କା
କନକ ବ୍ୟୁରୋ : ଆସନ୍ତା ୪ତାରିଖରେ ଉତ୍ତର ପଶ୍ଚିମ ବଙ୍ଗୋପସାଗରରେ ଘୂର୍ଣ୍ଣିବଳୟ ସୃଷ୍ଟି ହେବାର ସମ୍ଭାବନା ରହିଛି । ୪୮ଘଂଟା ଭିତରେ ଏହା ଘନୀଭୂତ ହୋଇ ଲଘୁଚାପର ରୂପ ନେଇପାରେ । ଫଳରେ ୬ତାରିଖରୁ ଉତ୍ତର ଓ ଦକ୍ଷିଣ ଓଡିଶାର ବିଭିନ୍ନ ସ୍ଥାନରେ ପ୍ରବଳ ବର୍ଷା ହେବାର ପୂର୍ବାନୁମାନ କରିଛି ପାଣିପାଗ କେନ୍ଦ୍ର।
Kanak News is now on WhatsApp
Join and get latest news updates delivered to you via WhatsApp
ପାଣିପାଗ କେନ୍ଦ୍ରର ସୂଚନା ଅନୁସାରେ ପୂର୍ବରୁ ରହିଥିବା ଘୂର୍ଣ୍ଣିବଳୟ ଆଜି ଛତିଶଗଡ,ବିଦର୍ଭ ଓ ତେଲେଙ୍ଗାନାର ଆଖପାଖ ଅଂଚଳରେ ବାୟୁମଣ୍ଡଳର ୫.୮କି. ମି. ଉପରକୁ ଉଠିଯାଇଛି । ଆସନ୍ତାକାଲି ସୁଦ୍ଧା ଏହା ମହାରାଷ୍ଟ୍ର ଆଡକୁ ଗତି କରିବାରସମ୍ଭାବନା ରହିଛି । ତେଣୁ ୨ଓ ୩ତାରିଖରେ ବର୍ଷାର ପରିମାଣ କମ ରହିବ । ଯଦି ପାଣିପାଗର ଅନୁମାନ ସତ ହୁଏ ତେବେ ଆସନ୍ତା ଦୁର୍ଗା ପୂଜାକୁ ବର୍ଷା ଧୋଇ ନେବାର ଆଶଙ୍କା ଦେଖାଦେଇଛି।