କନକ ବ୍ୟୁରୋ : କୁହୁଡି ବଳୟରେ ଦୈତ ନଗରୀ । ସକାଳୁ ସକାଳୁ ଭୁବନେଶ୍ୱର ଓ କଟକରେ ପ୍ରବଳ କୁହୁଡି ଯୋଗୁଁ ଜନଜୀବନ ଅସ୍ତବ୍ୟସ୍ତ ହୋଇଯାଇଛି । କୁହୁଡି ଏତେ ଜୋରରେ ହୋଇଛି ଯେ ମୁହଁକୁ ମୁହଁ ଦିଶୁନି । ଆଜି ଶନିବାର । ସପ୍ତାହର ଶେଷ ଦିନ । ଦୈତନଗରୀରେ ହୁଏତ ଅନେକ ଲୋକ ବିଛଣା ଛାଡି ନଥିବେ । ଆଉ ଯଦି କିଛି ଯଦି ଜରୁରୀ କାମରେ ଆପଣଙ୍କୁ ବାହାରକୁ ଯିବାର ଅଛି ତାହେଲେ ଟିକେ ସତର୍କ ହୋଇ ଯିବାକୁ ପଡ଼ିବ ।
Kanak News is now on WhatsApp
Join and get latest news updates delivered to you via WhatsApp
ଚଳିତ ବର୍ଷ ଶୀତ ଦିନରେ ଏଭଳି କୁହୁଡି ଆଗରୁ କେବେ ଦେଖିବାକୁ ମିଳିନଥିଲା । ଆଜି ସକାଳୁ ଦୈତନଗରୀ ସମ୍ପୂର୍ଣ୍ଣ ଧଳା ଆସ୍ତରଣରେ ଘୋଡେଇ ହୋଇ ରହିଛି । ଘନ କୁହୁଡିର ବଳୟ ଭିତରେ ରହିଛି କଟକ ଓ ଭୁବନେଶ୍ୱର । ୧୦ ମିଟର ଦୂରରୁ ଦେଖିବା କଷ୍ଟକର ହୋଇଛି । ବର୍ଷା ଭଳି କୁହୁଡି ଟିପ୍ ଟିପ୍ ବର୍ଷୁଛି ।
ଘନ କୁହୁଡି ଯୋଗୁଁ ରାସ୍ତାରେ ଯାତାୟତ କରିବା ଏକ ପ୍ରକାର କଷ୍ଟକର ହୋଇପଡିଛି । ଗାଡି ଚାଳକମାନେ ଲାଇଟ୍ ଦେଇ ଗାଡି ଚଳାଉଥିବା ଦେଖିବାକୁ ମିଳିଛି । ଜାତୀୟ ରାଜପଥର ବିଭିନ୍ନ ସ୍ଥାନରେ ବଡ ବଡ ଗାଡି ଅଟକି ରହିଛନ୍ତି । ଦିନ ବଢ଼ିବା ସହ କୁହୁଡିର ପରିମାଣ ବଢ଼ିବାରେ ଲାଗିଛି ।