ଖାଦ୍ୟ ପରେ ଗୁଡ ଖାଇଲେ ସ୍ୱାସ୍ଥ୍ୟ ପ୍ରତି କିଭଳି ପ୍ରଭାବ ପଡିଥାଏ ,ଜାଣିଛନ୍ତି କି?
ପ୍ରାଚୀନ କାଳରୁ ଗୁଡ଼କୁ ଶରୀର ପାଇଁ ଅମୃତ ବୋଲି ଧରା ପରିଗଣିତ କରା ଯାଇଥାଏ । ଯଦି ଆପଣଙ୍କୁ ମିଠା ପସନ୍ଦ, ତେବେ ଆପଣ ଗୁଡ଼କୁ ନିଜ ଡ଼ାଏଟ୍ରେ ସାମିଲ କରି ପାରିବେ । ସବୁଠାରୁ ଖାସ୍ କଥା ହେଲା ଏହାକୁ ମଧୁମେହ ରୋଗୀ ମଧ୍ୟ ଖାଇ ପାରିବେ । କାରଣ ଏଥିରେ ଅନ୍ଇଫାଇନ୍ଡ୍ ନ୍ୟାଚୁରାଲ ସୁଗାର ରହିଥାଏ । ଯାହାଦ୍ୱାରା ମଧୁମେହ ରୋଗୀଙ୍କୁ କୌଣସି ପ୍ରକାରର ସମସ୍ୟାର ସାମ୍ନା କରିବାକୁ ପଡ଼ି ନଥାଏ । ଆୟୁର୍ବେଦ ଅନୁସାରେ, ଖାଦ୍ୟ ଖାଇବା ପରେ ୨୦ଗ୍ରାମ ଗୁଡ଼ର ସେବନ କରିବା ଦରକାର । ଯାହାଦ୍ୱାରା ଖାଦ୍ୟ ଭଲ ଭାବରେ ହଜମ ହୋଇଥାଏ । ଏବେ ଆସନ୍ତୁ ଜାଣିବା ଗୁଡ଼ ଖାଇବାର ଅନେକ ଫାଇଦା ବିଷୟରେ
Kanak News is now on WhatsApp
Join and get latest news updates delivered to you via WhatsApp
୧. ଗୁଡ଼ ପେଟ ସହ ଜଡ଼ିତ ଅନେକ ସମସ୍ୟା ପାଇଁ ରାମବାଣ ସଦୃଶ । ଗ୍ୟାସ୍, ଏସିଡ଼ିଟି ଏବଂ ଭୋକ ନ ଲାଗିବା ସମସ୍ୟାକୁ ଗୁଡ଼ କିଛି ମିନିଟ୍ରେ ଦୂର କରିଥାଏ ।
୨. ଗୁଡ଼ ଗଳା ଏବଂ ହୃତ୍ପିଣ୍ଡ ସଂକ୍ରମଣ ସମସ୍ୟାରୁ ମଧ୍ୟ ରକ୍ଷା କରିଥାଏ । ଏଥିରେ ସେଲେନିୟମ ରହିଥାଏ, ଯାହା ଆଣ୍ଟିଅକ୍ସିଡ଼ାଣ୍ଟର କାମ କରିଥାଏ । ପ୍ରତିଦିନ ଗୁଡ଼ର ସେବନ କରିବା ଦ୍ୱାରା ଗଳା ଏବଂ ହୃତ୍ପିଣ୍ଡ ସଂକ୍ରମଣ ସମସ୍ୟା ଦେଖା ଯାଇ ନଥାଏ ।
୩. ଏହାର ଭିତର ଭାଗ ଗରମ ହୋଇଥିବାରୁ ଏହାକୁ ଖାଇବା ଦ୍ୱାରା ଥଣ୍ଡା-ଜ୍ୱର ଭଳି ସମସ୍ୟା ଦେଖାଯାଇ ନଥାଏ । ମରିଚ ଏବଂ ଅଦା ସହ ଗୁଡ଼ ମିଶାଇ ଖାଇବା ଦ୍ୱାରା ଗଳା ଦରଜ ହେବା, କାଶ ହେବା, ଥଣ୍ଡା ଜ୍ୱର ହେବା ଭଳି ସମସ୍ୟା ଦେଖାଯାଇ ନଥାଏ ।
୪. ଖାଇବା ପରେ ଗୁଡ଼ ଖାଇବା ଦ୍ୱାରା ଦୃଷ୍ଟିଶକ୍ତି କମ ହେବା ସମସ୍ୟା ଦୂର ହେବା ସହ ଆଖିର ଥକାପଣ ଦୂର ହୋଇଥାଏ ।