ଯୋଗଗୁରୁ ବାବା ରାମଦେବଙ୍କୁ ଝଟକା ! ପତଞ୍ଜଳୀ ସାବୁନ୍ ବିଜ୍ଞାପନରେ ଅଙ୍କୁଶ ଲଗାଇଲେ ବମ୍ବେ ହାଇକୋର୍ଟ
କନକ ବ୍ୟୁରୋ : ଖାଉଟି ବଜାରରେ ସୁନାମୀ ପରି ପ୍ରବେଶ କରିଥିବା ଯୋଗଗୁରୁ ବାବା ରାମଦେବଙ୍କ ପତଞ୍ଜଳୀକୁ ମିଳିଛି ଝଟକା । ଆଗାମୀ ଶୁଣାଣି ପର୍ଯ୍ୟନ୍ତ ବମ୍ବେ ହାଇକୋର୍ଟ ପତଞ୍ଜଳୀ ସାବୁନର ବିଜ୍ଞାପନର ପ୍ରସାରଣ ଉପରେ ଅଙ୍କୁଶ ଲଗାଇଛନ୍ତି । ଏଫଏମଏସଜି କମ୍ପାନି ହିନ୍ଦୁସ୍ଥାନ ୟୁନିଲିବରର ନାମୀ ସାବୁନ ଲକ୍ସ, ପିୟର୍ସ, ଲାଇଫବୟ ଓ ଡୋଭ୍ ସାବୁନକୁ ପତଞ୍ଜଳି ବିଜ୍ଞାପନରେ ତାତ୍ସଲ୍ୟ କରା ଯାଇଥିଲା । ଏହି ବିଜ୍ଞାପନରେ ଆହୁରି ମଧ୍ୟ କୁହାଯାଇଥିଲା କି ଏହା କେମିକାଲଯୁକ୍ତ ସାବୁନ, ଏହାର ବ୍ୟବହାରକୁ ବନ୍ଦ କରି ପ୍ରାକୃତିକ ସାବୁନ ବ୍ୟବହାର କରନ୍ତୁ। ଏହି ସାବୁନ ବିଜ୍ଞାପନକୁ ପତଞ୍ଜଳୀ ପକ୍ଷରୁ ସେପ୍ଟେମ୍ବର ୨ରେ ପ୍ରସାରଣ କରାଯାଇଥିଲା । ସୋମବାର ସେପ୍ଟେମ୍ବର ୪ରେ ହିନ୍ଦୁସ୍ଥାନ ୟୁନିଲିବର ଏହି ବିଜ୍ଞାପନ ବିରୋଧରେ ବମ୍ବେ ହାଇକୋର୍ଟଙ୍କ ଦ୍ୱାରସ୍ଥ ହୋଇ ଏହା ଉପରେ ଅଙ୍କୁଶ ଲଗାଇବା ପାଇଁ ଆବେଦନ କରିଥିଲା । ପତଞ୍ଜଳୀର ଏହି ବିଜ୍ଞାପନକୁ ହାଇକୋର୍ଟ ରୋକି ଦେଇଛନ୍ତି । ଏହି ମାମଲାର ଆଗାମୀ ଶୁଣାଣି ସେପ୍ଟେମ୍ବର ୧୮ ତାରିଖରେ ହେବ।
Kanak News is now on WhatsApp
Join and get latest news updates delivered to you via WhatsApp
ତେବେ ପତଞ୍ଜଳୀକୁ ନେଇ ବିବାଦ ଏହା ପ୍ରଥମ ଘଟଣା ନୁହେଁ । ଏହା ପୂର୍ବରୁ ପତଞ୍ଜଳୀ ବିସ୍କୁଟରେ ସିନ୍ଥେଟିକ୍ ରଙ୍ଗ ଏବଂ ମହୁରେ ଚିନି ମିଶାଯାଉଥିବା ନେଇ ଅଭିଯୋଗ ଆସିଥିଲା । ଲକ୍ଷ୍ନୌର ଏକ ଲ୍ୟାବରେ ଟେଷ୍ଟ୍ ହେବା ପରେ ଏହି ସାଂଘାତିକ୍ ରିପୋର୍ଟ ସାମ୍ନାକୁ ଆସିଥିଲା । ତେବେ ଏନେଇ କମ୍ପାନୀକୁ ନୋଟିସ୍ ଦିଆଯିବ ବୋଲି କହିଥିଲେ ଜିଲ୍ଲା ଅଧିକାରୀ ।
ଗତ ବର୍ଷ ଡିସେମ୍ବର ମାସରେ ଲକ୍ଷ୍ନୌ ବିଘାପୁର ସ୍ଥିତ ଅନେକ ଦୋକାନରେ ଚଢାଉ କରାଯାଇଥିଲା । ଏହି ଚଢାଉବେଳେ ପତଞ୍ଜଳୀର ମେରୀ ବିସ୍କୁଟ୍ ଏବଂ ମହୁର ନମୁନା ଯାଂଚ୍ ପାଇଁ ପଠାଯାଇଥିଲା । ତେବେ ୬ ମାସ ପରେ ଯାଂଚ୍ ରିପୋର୍ଟ ଆସିଲା ପରେ ଜଣାପଡିଲା ବିସ୍କୁଟରେ ସିନ୍ଥେଟିକ୍ ରଙ୍ଗ ଏବଂ ମହୁରେ ଚିନିର ମାତ୍ରା ମିଳିଛି ।
ପତଞ୍ଜଳୀର ମେରୀ ବିସ୍କୁଟ୍ ପ୍ୟାକେଟରେ ଶତ ପ୍ରତିଶତ ଅଟାରେ ତିଆରି କରାଯାଉଥିବା ଲେଖାହୋଇଥିବା ବେଳେ ଏଥିରେ ମଇଦା ସହ ସିନ୍ଥେଟିକ୍ ରଙ୍ଗ ମିଶାଯାଉଛି । ଅନ୍ୟପଟେ ମହୁରେ ଚିନି ମିଶାଯାଉଛି । ପ୍ରଥମେ ପତଞ୍ଜଳୀ ନୁଡୁଲ୍ସ ଏବଂ ଆମଲା ଜୁସ୍ ପରେ ଏବେ ବିସ୍କୁଟ୍ ଆଉ ମହୁରେ ମିଶ୍ରଣ ଅଭିଯୋଗ । ଯାହା ଯୋଗଗୁରୁ ରାମଦେବଙ୍କୁ ଦେଇଛି ଝଟକା । ସେହିପରି ପତଞ୍ଜଳୀ ନୁଡୁଲ୍ସକୁ ନେଇ ମଧ୍ୟ ବିବାଦ ସୃଷ୍ଟି ହୋଇଥିଲା ।