ଟ୍ୱିଟରରେ ହ୍ୟାସଟ୍ୟାଗର ବ୍ୟବହାରକୁ ପୂରିଲା ୧୦ ବର୍ଷ ! ଜାଣନ୍ତୁ ପ୍ରଥମେ କେବେ ଓ କିପରି ହୋଇଥିଲା ଏହାର ବ୍ୟବହାର
କନକ ବ୍ୟୁରୋ : ଆଜିକାଲି ଟ୍ୱିଟର ବ୍ୟବହାରୀକାରୀଙ୍କ ସଂଖ୍ୟା ବଢି ବଢି ଚାଲିଛି । ସରକାରୀ କ୍ଷେତ୍ର ହେଉ ଅବା ଘରୋଇ କ୍ଷେତ୍ର ସମସ୍ତଙ୍କ ପାଇଁ ଯୋଗାଯୋଗର ମାଧ୍ୟମ ପାଲଟିଛି ଟ୍ୱିଟର । ଗୋଟିଏ କ୍ଲିକରେ ପୂରା ଖବର ପହଞ୍ଚଛି ସମଗ୍ର ବିଶ୍ୱରେ । ଯୋଗାଯୋଗର ଏକ ପ୍ରମୁଖ ମାଧ୍ୟମ ପାଲଟିଛି ଟ୍ୱିଟ୍ । ସେଥିପାଇଁ ତ ଟ୍ୱିଟର ଲୋକପ୍ରିୟତା କାହିଁରେ କଣ । ତେବେ ଟ୍ୱିଟରରେ କିଛି ମେସେଜ ପଠାଇବା ବେଳେ ଆମକୁ ହ୍ୟାସଟ୍ୟାଗ ବ୍ୟବହାର କରିଥାଉ । ତେବେ ଆଜି ଟ୍ୱିଟରରେ ୧୦ ବର୍ଷ ପୁରୁଛି ହ୍ୟାସଟ୍ୟାଗକୁ । ୧୦ ବର୍ଷ ତଳେ ଆଜିର ଦିନର ହିଁ ଟ୍ୱିଟରରେ ପ୍ରଥମ ଥର ପାଇଁ ହ୍ୟାସଟ୍ୟାଗର ବ୍ୟବହାର ହୋଇଥିଲା । ତେବେ ହ୍ୟାସଟ୍ୟାଗର ବ୍ୟବହାର ପ୍ରଥମେ ଟ୍ୱିଟର କରିନଥିଲା ବରଂ ଏହାର ବ୍ୟବହାର ପଛରେ ଅନ୍ୟ ଜଣଙ୍କର ହାତ ରହିଥିଲା ।
Kanak News is now on WhatsApp
Join and get latest news updates delivered to you via WhatsApp
ଟ୍ୱିଟରରେ ହ୍ୟାସଟ୍ୟାଗ ୧୦ ବର୍ଷ ପୂରଣ କରିବା ପରେ ଟ୍ୱିଟରର ସଂସ୍ଥାପକ ବିଜ ଷ୍ଟୋନ ଏନେଇ ମୁହଁ ଖୋଲିଛନ୍ତି । ହ୍ୟାସଟ୍ୟାଗ ପଛର ପୂରା କାହାଣୀ ଉପରୁ ପରଦା ଉଠାଇଛନ୍ତି । ୨୩ ଅଗଷ୍ଟ ୨୦୦୭ରେ ପ୍ରଥମଥର ପାଇଁ ଗୁଗୁଲର ପୂର୍ବ କର୍ମଚାରୀ କ୍ରିସ ମେସିନା ଟ୍ୱିଟରରେ ହ୍ୟାସଟ୍ୟାଗ ବ୍ୟବହାର କରିଥିଲେ । ବିଜ ଷ୍ଟୋନଙ୍କ ଅନୁଯାୟୀ, ଟ୍ୱିଟର ଆରମ୍ଭ ହେବା ପରେ କ୍ରିସ ମେସିନା ଅଧିକ ସମୟ ଧରି ଟ୍ୱିଟର ବ୍ୟବହାର କରୁଥିଲେ । ତେବେ ଅଚାନକ ଗୋଟିଏ ଦିନ ସେ ଅଫିସ୍ ମଧ୍ୟକୁ ଆସି ଟ୍ୱିଟରରେ ହ୍ୟାସଟ୍ୟାଗ ବ୍ୟବହାର କରିବା ପାଇଁ ଉପଦେଶ ଦେଇଥିଲେ । ତେବେ ମେସିନାଙ୍କ କଥାକୁ ସେତେବେଳେ କେହି କର୍ଣ୍ଣପାତ କରିନଥିଲେ । କାରଣ ସେହି ସମୟରେ ଟ୍ୱିଟର ନୂଆକରି ଆରମ୍ଭ ହେଉଥିଲା ତେଣୁ, ବାହାର ଲୋକଙ୍କ କଥାକୁ ବେଶି ଗୁରୁତ୍ୱ ଦେଉନଥିଲେ ଟ୍ୱିଟର କର୍ମଚାରୀ ।
କିନ୍ତୁ ମେସିନା ଦେଇଥିବା ଉପଦେଶ ଟ୍ୱିଟର ଭଳି ଅତି ସରଳ ଓ ବ୍ୟବହାର ଉପଯୋଗୀ ଥିଲା ବୋଲି କହିଛନ୍ତି ବିଜ ଷ୍ଟୋନ । ସେତେବେଳେ ସେ ପାଉଣ୍ଡ କିମ୍ବା ହ୍ୟାସଟ୍ୟାଗ ସଂକେତ ବ୍ୟବହାର କରିବା ପାଇଁ ଉପଦେଶ ଦେଇଥିଲେ । କିନ୍ତୁ ସେତେବେଳେ ତାଙ୍କ କଥାକୁ ଆମେ କେହି ଗୁରୁତ୍ୱ ଦେଇନଥିଲୁ ବୋଲି କହିଛନ୍ତି ବିଜ । ତାଙ୍କ କଥାକୁ ହାଲକାରେ ନେଇ ଏହା ଉପରେ କାମ କରିବାକୁ କହିବା ପରେ ସେ ଚାଲିଯାଇଥିଲେ ।
କ୍ରିସ ମେଲିସାଙ୍କ ପ୍ରଥମ ଟ୍ୱିଟ୍
ତେବେ କିଛିଦିନ ବିତିଯିବା ପରେ ମଧ୍ୟ ଟ୍ୱିଟରରେ ହ୍ୟାସଟ୍ୟାଗର ବ୍ୟବହାର ହୋଇନଥିଲା । ପରେ ସେ ନିଜେ ପୁଣିଥରେ ଟ୍ୱିଟ୍ କରି ହ୍ୟାସଟ୍ୟାଗ ବ୍ୟବହାର କରିବାକୁ ପ୍ରସ୍ତାବ ଦେଇଥିଲେ । ତେବେ ଶେଷରେ ୨୩ ଅଗଷ୍ଟ ୨୦୦୭ରେ ମେସିନା ପ୍ରଥମଥର ପାଇଁ ହ୍ୟାସଟ୍ୟାଗ ବ୍ୟବହାର କରି ଟ୍ୱିଟ୍ କରିଥିଲେ । ଏହି ଟ୍ୱିଟ୍ ସେତେବେଳେ ଖୁବ ଲୋକପ୍ରିୟ ହୋଇଥିଲା । ମେସିନାଙ୍କ ଟ୍ୱିଟର ଲୋକପ୍ରିୟତାକୁ ଦେଖି ତତକ୍ଷଣାତ ବିଜ ହ୍ୟାସଟ୍ୟାଗକୁ ଟ୍ୱିଟର ସହ ଲିଙ୍କ କରାଇଥିଲେ । ଯାହାଫଳରେ ହ୍ୟାସଟ୍ୟାଗ ଦେଇ ପଠାଯାଇଥିବା ମେସେଜକୁ ବେଶ ଆରାମରେ ଖୋଜି ପାରୁଥିଲେ ବ୍ୟବହାରକାରୀ । ପରେ ଏହି ହ୍ୟାସଟ୍ୟାଗ ପାଇଁ ହିଁ ଟ୍ୱିଟର ଲୋକପ୍ରିୟତାର ଶୀର୍ଷରେ ପହଞ୍ଚିପାରିଛି । ହ୍ୟାସଟ୍ୟାଗ ଯୋଗୁଁ ଟ୍ୱିଟର ବ୍ୟବହାରକାରୀ ଯେକୌଣସି ବି ମେସେଜକୁ ଅତି ସହଜରେ ଖୋଜି ପାଇ ପାରୁଛନ୍ତି ।