ଗୁଜରାଟରେ ଡାର୍ଟି ପଲିଟିକ୍ସ ! ଆସିଲା ହାର୍ଦ୍ଦିକଙ୍କ ଆଉ ଏକ ଭାଇରାଲ ଭିଡିଓ
ସୋସିଆଲ ମିଡିଆରେ ଭାଇରାଲ ହେଉଛି ଗୁଜୁରାଟ ପଟିଦାର ନେତା ହାର୍ଦିକ ପଟେଲଙ୍କ ବିବାଦୀୟ ସେକ୍ସ ସିଡି । ଏହି ସିଡି ସାମନାକୁ ଆସିବା ପରେ ଅଡୁଆରେ ପଡିଛନ୍ତି ହାର୍ଦିକ । ସିଡିରେ ହାର୍ଦିକଙ୍କ ପରି ଦେଖା ଯାଉଥିବା ଜଣେ ଯୁବକଙ୍କ ସହ ଜଣେ ଯୁବତୀ ଥିବା ଦେଖିବାକୁ ମିଳିଛି । ଯୁବକ ଜଣକ ଏପଟ ସେପଟ ହେଉଥିବାବେଳେ ଯୁବତୀ କିଛି କହୁଥିବା ଶୁଣାଯାଉଛି । ଏହି ସିଡିକୁ ପଟିଦାର ଆନ୍ଦୋଳନର ପୂର୍ବତନ ସହଯୋଗୀ ଅଶ୍ୱିନୀ ସାକଡସରିଆ ନାମକ ଜଣେ ଯୁବକ ଜାରି କରିଛନ୍ତି । ଗତକାଲି ଗୋଟିଏ ସିଡି ଆସିଥିବା ବେଳେ ଆଜି ଆଉ ଏକ ସିଡି ଭାଇରାଲ ହୋଇଛି । ଏପରିକି ଏହି ଭିଡିଓକୁ ୟୁଟ୍ୟୁବରେ ମଧ୍ୟ ଛଡାଯାଇଛି । ଏହି ଭିଡିଓରେ ଦୁଇଜଣ ପୁରୁଷ ଓ ଜଣେ ମହିଳା ଅଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ତେବେ ଏହାକୁ ବିଜେପିର ଷଡଯନ୍ତ୍ର ବୋଲି କହିଛନ୍ତି ହାର୍ଦିକ ଏବଂ ବିଜେପି ବିରୋଧରେ ତାଙ୍କର ଲଢ଼େଇ ଜାରି ରହିବ ବୋଲି ପ୍ରକାଶ କରିଛନ୍ତି ।ସେ କହିଛନ୍ତି ମୁ ପୁରୁଷ, ନପୁଂସକ ନୁହେଁ । ତେଣୁ ଯାହା କରିବି ସାମ୍ନାରେ କରିବି । ବିଜେପି ଗୁଜରାତ ନିର୍ବାଚନକୁ ନେଇ ଭୟଭୀତ । ତେଣୁ ଏଭଳି ରାଜନୀତି କରୁଛି । ସେପଟେ ବିଜେପି କହିଛି ହାର୍ଦିକ ବିଜେପିକୁ ଦୋଷ ନଦେଇ ଥାନାରେ ଏତଲା ଦିଅନ୍ତୁ । ଅନ୍ୟପଟେ କଂଗ୍ରେସ କହିଛି ଏହା ହାର୍ଦିକଙ୍କ ବ୍ୟକ୍ତିଗତ ମାମଲା । ତେଣୁ ଏହାକୁ ରାଜନୀତି ଭିତରକୁ ଟାଣିବା ଉଚିତ୍ ନୁହେଁ ।