ସୁରତ ଅଗ୍ନିକାଣ୍ଡକୁ ନେଇ ବିଜେପିକୁ ଘେରିଲେ ହାର୍ଦ୍ଦିକ ପଟେଲ : କହିଲେ, ଦୁଃଖ ସମୟରେ ବିଜେପି ଉତ୍ସବ ପାଳନରେ ଥିଲା ବ୍ୟସ୍ତ । ମେୟର ଦିଅନ୍ତୁ ଇସ୍ତଫା
ଗୁଜରାଟର ସୁରତରେ ଅଭାବନୀୟ ଅଗ୍ନିକାଣ୍ଡ ଘଟଣାକୁ ନେଇ କଂଗ୍ରେସ ନେତା ହାର୍ଦ୍ଦିକ ପଟେଲ ବିଜେପିକୁ ଘେରିଛନ୍ତି । ସେ ଅଭିଯୋଗ ଆଣିଛନ୍ତି କି, ବିଜେପି ଦୁଃଖ ସମୟରେ ବିଜୟ ଉତ୍ସବ ପାଳନ କରୁଥିଲା । ଏବଂ ଏହି ମାମଲାରେ ସୁରତର ମେୟରଙ୍କ ଇସ୍ତଫା ଦାବି କରିଛନ୍ତି । ସେ କହିଛନ୍ତି କି, ଯଦି ସେ ଇସ୍ତଫା ନଦିଅନ୍ତି, ତେବେ ଆଜି ସନ୍ଧ୍ୟା ଠାରୁ ସେ ଅନଶନରେ ବସିବେ ।
Kanak News is now on WhatsApp
Join and get latest news updates delivered to you via WhatsApp
ହାର୍ଦ୍ଦିକ ପଟେଲ ଟ୍ୱିଟ୍ କରି ଲେଖିଛନ୍ତି, “ଆଜି ସୁରତରେ ଅଗ୍ନିକାଣ୍ଡ ଘଟଣାରେ ଜୀବନ ହରାଇଥିବା ପିଲାଙ୍କ ପରିବାରକୁ ଭେଟିବି । ସରକାରଙ୍କୁ ୧୨ ଘଂଟା ସମୟ ଦେଉଛି କି ସୁରତ ମେୟରଙ୍କ ଇସ୍ତଫା ଗ୍ରହଣ କରନ୍ତୁ ଏବଂ ଅବୈଧ ବିଲ୍ଡିଙ୍ଗ ନିର୍ମାଣର ସ୍ୱୀକୃତି ଦେଇଥିବା ଅଧିକାରୀ ଏବଂ ଠିକ୍ ସମୟରେ ଘଟଣାସ୍ଥଳରେ ପହଂଚିନଥିବା ଅଗ୍ନିଶମ ଅଧିକାରୀଙ୍କ ଉପରେ ମୋକଦ୍ଦମା ହେଉ ।” ସେ ଆହୁରି ବି କହିଛନ୍ତି କି, ଗୁଜରାଟର ବିଜେପି ସରକାର ଜୀବନ ହାରିଥିବା ପିଲାଙ୍କ ପରିବାରକୁ ନ୍ୟାୟ ଦେଇନପାରନ୍ତି ତ ଆଜି ସନ୍ଧ୍ୟାରୁ ସେ ସୁରତ ମ୍ୟୁନିସିପାଲ କର୍ପୋରେଶନର କଚେରୀ ଆଗରେ ଅନଶନରେ ବସିବେ । ଗୋଟିଏ ପଟେ ଦୁଃଖର ପରିବେଶ ଓ ଅନ୍ୟପଟେ ବିଜେପି ବିଜୟ ଉତ୍ସବ ପାଳନ କରିବାରେ ବ୍ୟସ୍ତ । । ସୁରତର ଜନତାଙ୍କ ଠାରୁ କୋଟି କୋଟି ଟଙ୍କା ଟ୍ୟାକ୍ସ ନିଆଯାଏ କିନ୍ତୁ ସୁବିଧା ନାହିଁ ।