ଅନ୍ୟ ପାଇଁ ଉଦାହରଣ ସାଜିଲେ ରଜତ । ହାତ ନଥିଲେ ମଧ୍ୟ ମୁହଁରେ କଲମ ଧରି ନିଟ୍ ପରୀକ୍ଷାରେ ହେଲେ ଉତ୍ତୀର୍ଣ୍ଣ, ଡାକ୍ତର ହୋଇ ଲୋକଙ୍କ ଚିକିତ୍ସା କରିବାକୁ ଲକ୍ଷ୍ୟ ।
କଠିନ ପରିଶ୍ରମ ଓ ଲକ୍ଷ ମଜବୁତ ରଖି ଦିବ୍ୟାଙ୍ଗ ରଜତ କୁମାର ଆଜି ଯେଉଁଠି ପହଞ୍ଚିଛନ୍ତି, ତାହା ନିଶ୍ଚୟ ସମସ୍ତଙ୍କୁ ଆଗକୁ ବଢ଼ିବାରେ ଅନୁପ୍ରାଣିତ କରିବ । ଦୁଇ ହାତ ନଥାଇ ମଧ୍ୟ ନିଟ୍ ଭଳି କଠିନ ପରୀକ୍ଷାରେ ଉତ୍ତୀର୍ଣ୍ଣ ହୋଇ ଏବେ ଡାକ୍ତରୀ ପାଠ ପଢ଼ିବାକୁ ଯାଉଛନ୍ତି ରଜତ । ଆଜି ପର୍ଯ୍ୟନ୍ତ ପରୀକ୍ଷାରେ ଲେଖିବା ପାଇଁ ସେ ଅନ୍ୟ କାହାର ସାହାଯ୍ୟ ନ ନେଇ ମୁହଁରେ କଲମ ରଖି ଲେଖି ଆସିଛନ୍ତି । ନିଜ ଲକ୍ଷ ସ୍ଥଳରେ ପହଞ୍ଚିବା ପାଇଁ ସେ କରିଥିବା କଠିନ ପରିଶ୍ରମ ଆଜି ତାଙ୍କୁ ଏତେ ବଡ଼ ସଫଳତା ଆଣି ଦେଇଛି । ପିଲାମାନଙ୍କ ହାତ ଓ ଗୋଡ଼ ଠିକ୍ ଥାଇ ମଧ୍ୟ ସେମାନଙ୍କ ପାଇଁ ନିଟ୍ ପରୀକ୍ଷାରେ ଉତ୍ତୀର୍ଣ୍ଣ ହେବା କାଠିକର ପାଠ ହୋଇଥିବା ବେଳେ ରଜତଙ୍କ ସଫଳତା ସମସ୍ତଙ୍କୁ ଆଶ୍ଚର୍ଯ୍ୟ କରିଛି ।
Kanak News is now on WhatsApp
Join and get latest news updates delivered to you via WhatsApp
ପରୀକ୍ଷାରେ ଉତ୍ତୀର୍ଣ୍ଣ ହେବା ପରେ ସେ ନେରଚୌକରେ ଥିବା ଲାଲ ବାହାଦୂର ଶାସ୍ତ୍ରୀ ମେଡିକାଲ କଲେଜରେ ପାଠ ପଢ଼ିବା ସହ ଡ଼ାକ୍ତର ହେବା ପରେ ଗୋଡ଼ରେ ଷ୍ଟେଥୋସ୍କୋପ ଧରି ସେ ରୋଗୀଙ୍କ ଚିକିତ୍ସା କରିବେ ବୋଲି କହିଛନ୍ତି ।
ସୂଚନା ମୁତାବକ, ସ୍କୁଲ ସମୟରୁ ହିଁ ଭଲ ଛାତ୍ର ଥିଲେ ରଜତ । ଦଶମ ବୋର୍ଡ ପରୀକ୍ଷାରେ ସେ ୭୦୦ରୁ ୬୧୩ନମ୍ବର ଆଣି ସମସ୍ତଙ୍କୁ ଆଶ୍ଚର୍ଯ୍ୟ କରିଥିଲେ । ଅନେକ ସମୟରେ ତାଙ୍କୁ ଅନ୍ୟର ସାହାଯ୍ୟ ନେବା ପାଇଁ କୁହାଯାଇଥିବା ବେଳେ ସେ ମନା କରିବା ସହ ଆଜି ପର୍ଯ୍ୟନ୍ତ ନିଜ ଗୋଡ଼ ଏବଂ ମୁହଁ ସାହାଯ୍ୟରେ ସବୁ କାମ କରି ଆସିଛନ୍ତି । ରଜତଙ୍କ ବାପାଙ୍କ ଅନୁଯାୟୀ, ରଜତ ଚତୁର୍ଥ ଶ୍ରେଣୀରେ ପଢ଼ୁଥିବା ବେଳେ ଖେଳୁଥିବା ସମୟରେ ବିଜୁଳି ତାରର ସଂସ୍ପର୍ଶରେ ଆସି ଯାଇଥିଲା । ଯାହା ଫଳରେ କରେଣ୍ଟ ଲାଗିଯିବାରୁ ତା’ର ଦୁଇ ହାତକୁ କାଟିବାକୁ ପଡ଼ିଥିଲା । ଆମେ ହାର ମାନି ଯାଇଥିଲେ ମଧ୍ୟ ରଜତ ସବୁବେଳେ ନିଜ ମନୋବଳକୁ ସୁଦୃଢ଼ କରି ରଖିବା ସହ ଆମକୁ ସାହାସ ଦେଉଥିଲା । ତା’ର ପରିଶ୍ରମ ଆଜି ତାକୁ ଏଠାରେ ପହଞ୍ଚାଇଛି ।