ହେୟାର କଟିଂର ନୁଆ ଟ୍ରେଣ୍ଡ ! ଜୀବନକୁ ଲଗାଯାଉଛି ବାଜି, କୁରାଢ଼ିରେ କଟାଯାଉଛି କେଶ ।
ଆଜିକାଲି ଦୁନିଆରେ ଲୋକମାନେ ନିଜକୁ ସଜେଇବା ପାଇଁ ଏବଂ ଅନ୍ୟଙ୍କ ଠାରୁ ଭଲ ଦେଖାଯିବା ପାଇଁ ବିଭିନ୍ନ ପ୍ରକାର ଉପାୟ ଗ୍ରହଣ କରୁଛନ୍ତି । ପୋଷାକ ଠାରୁ ଆରମ୍ଭ କରି ଶରୀରକୁ ସୁନ୍ଦର କରିବା ପାଇଁ ଲକ୍ଷ ଲକ୍ଷ ଟଙ୍କା ଖର୍ଚ୍ଚ କରୁଛନ୍ତି ସାଧାରଣତଃ ଯୁବ ପିଢ଼ିମାନେ ପୋଷାକ ଠାରୁ ଆରମ୍ଭ କରି ନିଜର କେଶକୁ ବହୁତ ପ୍ରକାର ଭଙ୍ଗିରେ ଡିସାଇନ କରିଥାନ୍ତି । ଏଥି ପାଇଁ ସାଧାରଣତଃ କଇଁଚି କିମ୍ବା ଖୁରକୁ ବ୍ୟବହାର କରାଯାଇଥାଏ । କିନ୍ତୁ ଏବେ ଆମେ ଆପଣଙ୍କୁ ଏପରି ଏକ ପାର୍ଲର ବିଷୟରେ କହିବାକୁ ଯାଉଛୁ ଯେଉଁଠାରେ କଇଁଚି କିମ୍ବା ଖୁରରେ କେଶକୁ ଷ୍ଟାଇଲ କରାଯାଇନଥାଏ । ଏଠାରେ କାଠ ହଣା କୁରାଢ଼ିରେ କେଶ କଟାଯାଇଥାଏ । ଶୁଣିକି ଆଶ୍ଚର୍ଯ୍ୟ ଲାଗୁଥିଲେ ବି ସତ । କୁରାଢ଼ିରେ କେଶକୁ ଏପରି ଷ୍ଟାଇଲ କରାଯାଉଛି ଯାହା ଲୋକମାନଙ୍କୁ ବେଶ ପସନ୍ଦ ଆସୁଛି । ଏଠାରେ କେଶକୁ ଷ୍ଟାଇଲ କରିବା ପାଇଁ ଲୋକଙ୍କ ଭିଡ ଲାଗୁଛି ।
Kanak News is now on WhatsApp
Join and get latest news updates delivered to you via WhatsApp
ସୂଚନା ଅନୁଯାୟୀ, ରୁଷର ଡାନେଲ ନାମକ ଜଣେ ଲୋକ ପ୍ରଥମ ଥର ପାଇଁ କୁରାଢିରେ କେଶ କାଟିବା ଆରମ୍ଭ କରିଛନ୍ତି । ଏହା ଦେଖିବାକୁ ଭୟଙ୍କର ହୋଇଥିଲେ ମଧ୍ୟ ଏଠାକୁ ଅନେକ ଲୋକ ନିଜର କେଶ କାଟିବା ପାଇଁ ଆସିଥାନ୍ତି । ପ୍ରଥମେ ଡାନେଲ ଏପରି ଅଭିନବ ଉପାୟରେ କେଶ କାଟୁଥିବାର ଏକ ଭିଡିଓ ସୋସିଆଲ ମିଡିଆରେ ପୋଷ୍ଟ କରିଥିଲେ । ଯାହା ସୋସିଆଲ ମିଡିଆରେ ବେଶ ଭାଇରାଲ ହୋଇଥିଲା । ତେବେ ଡାନେଲଙ୍କ କହିବା ଅନୁସାରେ କଇଁଚି ଠାରୁ କୁରାଢ଼ିରେ କେଶ କାଟିବା ଅତି ସହଜ ଲାଗେ ତାଙ୍କୁ । ସେ କଇଁଚି ଠାରୁ ବି ଭଲ ଷ୍ଟାଇଲରେ କେଶ କାଟିପାରନ୍ତି କୁରାଢ଼ିରେ । ଗ୍ରାହକ ମଧ୍ୟ ଜୀବନକୁ ବାଜି ଲଗାଇ ବିନା ଡରରେ ଏଠାରେ କେଶ କାଟିଥାନ୍ତି । ଡାନେଲଙ୍କ ଏପରି ହେୟାର କଟକୁ ଲୋକମାନେ ଦୁଃସାହସିକ କାମ ମାନୁଥିଲେ ବି ଗ୍ରାହକ ଏଠାରେ ହେୟାର କଟ ପାଇଁ ଆସିଥାନ୍ତି । ତେବେ ମିଳିଥିବା ସୁଚନା ମୁତାବକ ଡାନେଲ ଆଗକୁ କୁରାଢିରେ ଦାଢି ଟ୍ରିମିଙ୍ଗ ମଧ୍ୟ କରିବାକୁ ଯାଉଛନ୍ତି ।