କମାଲ କଲେ ଭାରତୀୟ ବୈଜ୍ଞାନିକ । ଏଣିକି ଆଉ ଏତେ ଶୀଘ୍ର ଖରାପ ହେବନି ଆପଣଙ୍କ ପନିପରିବା । ବାସ ପନିପରିବାକୁ ଥରେ ଧୋଇଲେ ୪୦ ଦିନ ଯାଏଁ ସତେଜ ରହିବ । ଏଥିପାଇଁ କୌଣସି କେମିକାଲ କିମ୍ବା ରାସାୟନିକ ପଦାର୍ଥର ବ୍ୟବହାର କରିବାକୁ ପଡ଼ିବନି । କେବଳ ବୈଜ୍ଞାନିକ ମାନେ ବିକଶିତ କରିଥିବା ଚମତ୍କାର ଜଳକୁ ବ୍ୟବହାର କରିବାକୁ ପଡ଼ିବ । ଗୁଜରାଟର ଇନଷ୍ଟିଚ୍ୟୁଟ ଫର ପ୍ଲାଜାମା ରିସର୍ଚ୍ଚର ବୈଜ୍ଞାନିକ ମାନେ ଏଭଳି ଚମତ୍କାର ଜଳ ପ୍ରସ୍ତୁତ କରିଛନ୍ତି ଯାହା ଇ-କୋଲି, ବ୍ୟାକ୍ଟେରିଆ ଓ ଅନ୍ୟାନ୍ୟ ଭୂତାଣୁକୁ ନଷ୍ଟ କରିପାରିବ । ପନିପରିବା ଯଥା ଟମାଟୋ ଓ ଆଳୁକୁ ଥରେ ଏହି ପାଣିରେ ଧୋଇଲେ ଏହା ୪୦ ଦିନ ପର୍ଯ୍ୟନ୍ତ ସତେଜ ରହିବ ।
Kanak News is now on WhatsApp
Join and get latest news updates delivered to you via WhatsApp
ଆଇପିଆର ବୈଜ୍ଞାନିକ ସାଧାରଣ ପାଣିକୁ ନନ ଥର୍ମାଲ ପ୍ଲାଣ୍ଟରେ ଟ୍ରିଟ କରି ପ୍ଲାଜାମା ଆକ୍ଟିଭେଟେଡ଼ ୱାଟର ବା ଚମତ୍କାର ଜଳ ବିକଶିତ କରିଛନ୍ତି । ଏହାକୁ ଏବେ ପରୀକ୍ଷଣ କରାଯାଇଛି । ଏହି ଜଳକୁ ସିଞ୍ଚନ କରିବାର ମାତ୍ର କିଛି କ୍ଷଣ ମଧ୍ୟରେ ଏହା ପନିପରିବାରୁ ଇ-କୋଲି, ବ୍ୟାକ୍ଟେରିଆ ଓ ଭୂତାଣୁକୁ ନଷ୍ଟ କରିଥାଏ । ଏହି ପରୀକ୍ଷଣ ସଫଳ ହେଲେ ଏହା ଚାଷୀ ଓ ଗୃହଣୀ ମାନଙ୍କ ପାଇଁ ବେଶ ଉପଯୋଗୀ ହୋଇପାରିବ ।